Happy New Year

عساها تكون سنه حلوه عليكم :)


أمس يقولون مطرت .. يارب اجعلها أمطار خير وبركة


هكذا ...أنتظرُ هطوله

لعله يفي

لعله يفي

لعله يفي

يفي بوعده .. ونلتقي

نهـــاية إسبـــــوع

اسبوع مرهق

مع اني أنام عدل لكن أظل محتاجه النوم

...

..

.

كرز

أحب لون الكرز

وغالبا ماتكون مشترباتي بلون الكرز

...

..

.

تمر الايام وتعدي السنه

وأتذكر شي

اني بروحي

متى ما اكون في بروحي

أتأمل خير .. ما اضيق العيش لولا فسحة الأمل

...

..

.

نسمات بارده

تاخذني بعيد

واذهب الى هناك

لألتقي بك

...

..

.

همســـــه

أشعلت بردي في جفاك

وذابت أمواج الجليد

lovely morning

صبحكم الله بالخير

...

..

.

ما من شيىء مستحيل .. و ثقة الله ترسو في قلبي

...

..

.

استمتعوا في هالجو الحلو والنسمات الحلوه

يبيله الواحد يطلع من جو الدوام شوي

...

..

.

همســــــه

احـذر مــا تتمــناه

مثل صيني

:)

قــــالـــوا عـــن الصبــــر

الصبر عند المصيبه ... يسمى ايمان

...

..

.

الصبر عند الأكل ... يسمى قناعه

...

..

.

الصبر عند حفظ السر ... يسمى كتمانا

...

..

.

الصبر من أجل الصداقه ... يسمى وفاء

مادري شلون صاير الجو !

الجو بارد

ولا يتراوالي

وبعدين صارلي ساعه ادور حرف الجيم

!

الكي بورد لوع جبدي

****

يا جماعه برد

انا لابسه كل شي بالكبت .. كل شي

أبد ما خليت شي ما لبسته

و هم بردانه

يه

و بعدين يعني؟

وبما ان اليوم بطل البوست حرف الجيم

ف برد و اقول لكم .. يا جماعه

انا ما احب البرد

بردانه

بردانه

بردانه

أدري صارلي دهر مو كاتبه بوست

قلت أسلم عليكم

شخباركم

;p

همســة أمل

إني ومازلت .. أستحث الأمل


***
همســـه
يا حي يا قيوم .. برحمتك أستغيث أصلح لي
شأني كله .. ولا تكلني إلى نفسي طرفة عين

أنفـــاســ الصبـــاحـ 6

حين ينتابني شعور باليأس

ألتفت إلى الخلف

لأرى الطريق الطويل الذي قطعته

ثم أبتسم

وأمسح حبات الدموع

لأدرك أن المستقبل سيكون أجمل

وسأظل أنبض بالأمل

فنبضات الغد .. تناديني

ســـالفه عبيـــطه

في قعده من القعدات العائليه العبيطه دار حوار بيني وبين أخوي زبوط النقعه حمد
حيث يحتوي هذا الحوار على أعلى درجة من درجات العبط في تاريخ العائله الكريمه

واي مي : حمد شنو ودك تكون لمن تكبر
حمد : طبيب خشم
واي مي : شنو خشم ؟
حمد : ماتعرفين الخشم؟
واي مي : إمبلى
حمد: عيل ليش تسئلين ؟
واي مي : لأ شنو طبيب خشم هذي طب يديد؟
حمد: شوفي طبيب خشم أحسن من ذبانه
واي مي : بعد ذبانه؟
حمد: اي أنا أحب الذبانه بس الحين أبي طبيب خشم
واي مي : حبيبي ركز أوكي
حمد: أنا فاهمج ابي أصير طبيب خشم
واي مي : يعني شنو تسوي؟
حمد: أعطي دوا حق الخشوم

استنتجت من هالحوار الخياشيمي يمكن زبوط النقعه يبي يصير طبيب تجميل

;p


بس هذا لي الحين أعبط تخصص مر علي

أنفـــاســ الصبـــاحـ 5

ليس هناك .. جميل ولا قبيح

وإنما الإنسان .. هو الذي يصور الجمال والقبح

شكسبيــــر

***

من همســـي

إلهي جودك أبسط عملي

وعفوك أفضل من عملي

أهـــو إحســاسـ

أحس بجو لندني

طيفه

صوته

سوالفه

ليتك

تفهمني

تحس فيني

تجاريني

مو منك لا

من جوك اللندني

***

مـــن همســـي

فاض بي الشوق ،،، وطال الانتظار

أنــا أحتـج

الحين انا أمرض بالسنه حسنه .. بس انا حدي مسالمه ومسكينه
لكن الآثار الجانبيه من الكحه والنشله وارتفاح الحراره
والتمشي في أرجاء البيت ونشر الفايروسات ... هي احدى هواياتي

وفي حقيقة الامر



ان كل من يشوفني في البيت ... ينحاش
والوالده الله يخليها لي ويخليني لها .. وسلم قلبي خلني لأمي يارب احفظني
كل ما تشوفني تقولي


داااااارج


شنو هاالازعاج هذا؟

عشان مريضه يعني ما تخلوني آخذ راحتي وأمارس احدى هواياتي !

ليــــل ســـاحـــر

هدوء ونسمه ... قطرة ماي ولمسه



كل عام وانتوا بخير .. أدري حدي متأخره
لحد يزفني لو سمحتوا
إنزفيت وايد
;p


***
مــن همســـي
أحسه حلم .. يصعب مع مرور الوقت تفسيره

يـــا شهــر الغفـــران

أهلا رمضان

كم فرحت بقدومك .. وكم أنا مشتاقه ليالي رمضان
ليالي الرحمه والإيمان .. يا شهر الغفران

أهلا رمضان


عسى الله يوعوده عليكم .. وانتوا بخير وصحه وعافيه


مبارك عليكم الشهر




***
همســــه
كم أشتاق لليالي الغفران

الكلمـــة الحلـــوه

الكلمه الطيبه لها أثر بالنفس
تترك إنطباع حلو


تترك الراحه ... الروح الطيبه ... التفاؤل

حتى لو كنت معصب .. فقط
إنتقي الكلمات المناسبه للموقف .. ولا تجرح أحد



عن نفسي

أحاول كثر ما أقدر .. إني أطبق
للروح الطيبه أصدقاء ... كفايه تحس ان كل الناس يحبونك وانت ولا تدري شنو السبب




***
همســــه
هل فكرت بنعمة الله عليك ؟

دعـــــوه

همســــه

يراودني أمل .. في ليلة ألقاكم

الجــــرحـ

في فرق بين الجرح العضوي وجرح الروح
الجرح العادي .. مع الأيام يلتئم .. يطيب


أما جرح الروح ف صعب
مع كل نسمة هوا إتنفسها تنجرح
مع كل نفس تموت وتحيا



تهقون جرح الروح .. يطيب ؟؟



***
همســـــه
أبي لي غبت .. محد يسأل عني
ويكون بعلمك .. إنت بكبرك ما تهمني

نـــور

قالت لي: لي دشيتي مكان .. الكل يلتفت
قلت لها: برج الجدي معروف بالجاذبيه
قالت لي: بس اللي يخلي الإنسان منور مو مظهره لأ روحه إنتي من داخل منوره
قلت لها: النور هو الرضا .. هو الإيمان .. هو الإحساس بالراحه


انتهى








***
همســــــه
في أحد الأيام سأكون .. رقيقه كالمنامات
في مغيب .. ممطـــر

أنفــاسـ الصبــــاحـ 4

عندما يتصل بك أحدهم لأمر هام جداً فالأرجح أن الأمر هام بالنسبة له


تلك هي الأنانية




***

همســـه
للبن نكهه خاصه .. معاك

أنفـــاسـ الصبــاحـ 3

إن عواقب الصمت عن الحق
أشد خطوره من أسبابه

ســــالفة ويـــك اند .. ما يخطـــر في بــالك

الجميع يأوي إلى الفراش .. كالقتيل ينام بعد يوم شاق طويل مهلك من التعب

لكن مالذي يخطر في بالك حين تأوي إلى الفراش ؟

في حقيقة الأمر .. هناك حوار دار بيني وبين صديقتي أنها عندما تأوي إلى الفراش

فإنها تتخيل أمواج البحر .. إلى أن تنام .. على قولتها
أنها بهذه الطريقه .. تنام مرتاحه ولا تفز من النوم


قلت بيني وبين نفسي
خل أجربها على أخوي الصغير.. وهذه نبذه من الحوار




واي مي: يالله حبيبي تعال خل أنومك وألعب بشعرك بقولك قصه
أخوي الصغير: مابي أنام

واي مي: أقولك لازم تنام
أخوي الصغير: أقولج مابي أنام


وبعد معاناة .. إستسلم لي ولحنتي عليه .. ترا الحنه تسوي شغل

واي مي : بقولك قصه .. أبيك تغمض عيونك وتنام .. اتفقنا؟
أخوي الصغير: اتفقنا
واي مي : غمض عيونك .. تخيل معاي البحر .. وانت قاعد تمشي على الرمل والموج يلمس ريولك وانت تنحاش منه .. والماي بااارد .. ها حبيبي شنو حاس في

أخوي الصغير : الكره ضاعت مني
واي مي : أي كره .. أقولك بحر بحر موج ورمل
أخوي الصغير: ما يصير بحر من غير كره .. أبي الكره اللي ضاعت مني
واي مي : مالت على اللي قاعد ينومك زين

انتهى







سر من أسراري

بعد يوم شاق طويل .. أذهب إلى الفراش
واللي يخطر على بالي اني مسافره بسياره .. والدنيا برد برد برد وانا بروحي والدنيا ليل
وبجذي على طول
Zzzzzzzzzzzzzz
أكون في سابع نومه





***
همســــــــه
روح تهفو إلى همس الضمائر

مـــادري شســالفــه .. هنــاك خطأ

مادري وين التعليقات
أشوف عدد الكومنت .. وداخل المدونه عدد ثاني


هناك خطأ مطبعي


وأرجوا المعذره من الجميع .. لان مادري شسالفه بالضبط


!




ومع كوب من الشاي ... بتتصلح الأمور

ما بين الحكمـــه و النسبيــه

تصر زوجتي على شراء الأسماك الطازجة، ولا تقبل أبداً شراء الأسماك المجمدة، وتنظفها وتحفظها بالفريزر، وتقدمها لنا بعد أسابيع، وتدعوني في كل مرة للاستمتاع ...بالسمك الطازج



تلك هي الحكمة

***



سأل أحدهم شيخاً وقوراً: لماذا لم تتزوج حتى الآن؟
قال: كنت أبحث عن المرأة المناسبة طوال أربعين عاماً .. وأخيراً وجدتها
سأله: ولما لم تتزوجها؟
قال: اكتشفت أنها لا تزال هي الأخرى تبحث عن الرجل المناسب


تلك هي النسبية.







***

همســـه
لكل منا مشاكله .. همومه .. اختياراته الخاطئه والندم عليها
وتظل أنت أيها الإنسان طالب في هذه الدنيا

ذلك هو .. الإمتحان

غريبــــه

غريبه ... قصة هالدمعه
تريح جفن عين باكيها وهو في قمة أحزانه






****
همســـــه
أنا برحل .. على كيفي وهواي

أحيــانــاً

أحياناً نؤثر .. الصمت
لأننا نعجز عن التعبير.. عن مشاعرنا





لا أستطيع التعبير ... سألتزم الصمت

لك الحمد .. حمداً كثيرا

إننا نشكو لأن الله جعل تحت الورود أشواك
والأجدر بنا أن نشكره لأنه جعل فوق الشوك وروداً





اللهم لك الحمـــد والشكـــر





***
همســـــــه
وهج الأمل

يجب ألا يختفي من حياتنا

حكمــــه

ليس الغبي بسيد في قومه
لكن سيد قومه المتغابي

ســالفه وســط ... الســوالف

حزت اليمعات والقعدات .. لازم لااااااااازم إييبون طاري الصور القديمه

أنا أكره صوري القديمه
يا جماعه أنا أكره صوري القديمه



كل ما أشوف صوره لازم أشقها .. صارت الوالده تخش الصور عني


المشكله يطلعون الصور .. حزت اليمعات عبالكم نسترجع الذكرايات



لا وألف لا


يختارون منو اللي يتمصخر في القعده اليوم .. وأنا وأعوذ بالله من كلمة أنا
أحب أمصخر .. بس كثيرا ما أتمصخر .. أكثر من إني أمصخر
وأكره من إييبون طاري الصور




حتى خالاتي يمصخرون اللي ما يتمصخر .. يعني خالتي بالله شرد عليها


عاد أنا


وأرد و أقول أعوذ بالله من كلمة أنا ... لازم أختار واحد من عيالها و أستلمه وأديها بأ






ليش يعني حزت اليمعات على أبو الذكريات .. إطلعون لنا هالصور؟؟

لحظـــه مــع فنجــان قهــوه

فــي لحظــه .. تشعــر
أنك شخـص في هذا العالم


بينمــا هنــاك من يشعـــر
أنــك العـــالم بأســـره





وصبحكم الله بالخير .. وعسى تكون بداية إسبوع حلوه






***

همســـــه
سأهمس وحدي ... والأنا
ودونــك لــن أكــون

ســــالفة ويك اند 2

على أصوات الفناجين .. وضحكات تتصاعد
ورائحة العطر تملأ المكان



رفقه حلوه .. و حكايا متنوعه منها المضحك ومنها التطنز

نأكل الكعك و نشرب الشاي .. و وسط الحديث نندمج وهنا لابد من وجود المكسرات والقهوه حتى يصبح للحكايا طعم مختلف

حكايا بنكهة المكسرات ورائحة البن






وسط هالاجواء

تمنيت
تهت
وعشقت


تمنيت حب ياخذني بعيد
وأتوه في بحره
وأعشق لقاه
وأكون في هذه الحكايا أنا الأميره ... وهو اللي يخطفني على الحصان الأبيض





مادري شلي أحسه ... بس أحس أنا مو أنا







***
همســــه
أنـــا أســمع همســـك

أنفــاسـ الصبــــاحـ 2

لا تكن أصعب ... مافي الحياة
ولا تكن أسهل ... ما فيها

وكــــن أنــــت ... الحيــــاة
في أسمى ... معانيها

عنـــدمــا

عندما تعجز النفس عن لقاء الأحبه .. فإنها تشتاق لهم بصمت







***
همســـه

لك بخـــاطري .. كلمـــة

أنفــاسـ الصبــــاحـ

بعض الناس يجعلون حياتك سعيده .. فقط بتواجدهم فيها

لــكل زاويـــه مــذاق

ليل وهدوء .. وتسمع عبدالحليم .. بتلوموني ليه

هذه زاويه فيها متعه .. و هدوء






جو بارد .. أمطار خفيفه .. و لاتيه

هذه زاويه فيها جزء من الحلاوه
جزء من الرومانسيه
جزء من فن التأمل







ليل وحدك في غرفتك .. تستمع الى القرآن الكريم
وتدمع عينيك من الخشوع .. وطلب المغفره والرحمه

هذه زاويه .. فيها خشوع .. حب الله .. طلب الرحمه والمغفره وتأمل صادق من القلب
الله على هذي الزاويه






بخور
قهوه عربيه
وحلوى بحرينيه أو عمانيه أو حلو قهوه
رائحة الهيل والزعفران تملأ صالة الاستقبال


تنزل هي من الدرج لتستقبل زوج المستقبل .. في ابتسامه
بدلع ورقه


هذه الزاويه .. فيها جزء من الامل وخوف وحب
فيها شوق الى لقاء الحبيب


هو: جميله أنتي أيتها الملاك
هي : أحبك







***

همســــه
قال أرسطو
علل الأفهام أشد من ... علل الأجسام

أنـــا والتــاج السلطاني

قوانين التاج السلطاني:اذكر اسم من طلب منك حل هذا الواجب

تحدث عن ستة أسرار قد لا يكتشفها من يقابلك للمرة الأولى

حول هذا الواجب إلى ستة مدونين، واذكر أسماءهم مع روابط مدوناتهم في موضوعك

اترك تعليقا في مدونة من حولت الواجب إليهم، ليعلموا عن هذا الواجب

التاج ياني من
مدونة سوالف يال
و مدونة فيلسوف




وبالنسبه إلى أسراري السته هي كالآتي


أختنق من الزقاير

أحب الفيوو وايد .. ف دايما انا اللي اختار المكان اللي نقعد في لان اهم شي عندي

أعشق الكوفي

يجذبني الرجل الاسمر والاقرع لوول

عصبيه لي درجة جنونيه
و عمليه أكثر من عاطفيه





وبدوري أحول الواجب إلى


الحلم الجميل
شقران
ARTFUL
aL-NooR .
SHOOSH


وأخيرا

أحب بعد أعرف هالصفات من شخص دايما يتابع لي وايد هو

Scorpion

شيــــىء مــن الهــدوء

هدوء .. يعتصر قلبي
قلق .. أنتظر الوقت .. أحاول أن أنسى لكن ما باليد حيله



يارب تنصرني .. يارب تنصرني




***

همســـــه
لا تسأل شكثر .. أحبك
لأن أكثر من اللي تحسه

ســاعـــات فقـــط

حتى يبدأ الويك اند .. بعد عدة ساعات من العمل
بصراحه اليوم حابه و ودي إني ما أشتغل اليوم أقعد أشرب قهوتي وأسولف وأستمتع
لكن الهوا دايما ضدي .. ف اللي حصل اليوم بس نعد الساعات علشان الوقت يعدي
ويبتدي الاكشن




بس أكو شغله مليقه

الويك اند يشمي بسرعه.. ليش؟
الويك اند ساعات بس إنام في ما نلحق نسوي شي .. هم ليش؟
الويك اند صار مصدر نكد لي بغيت تطلع تشم شوية هوا.. وبعد ليش؟









خارج الموضوع
لمن إتشوف شخص ... ذرب .. عسول .. قمة في اللباقه وانت ما تعرفه أصلا
ليش يومك يصير حلو؟؟


: )



***

همســــــــه
تــــباَ للمستحيــــل

MOOD

هنالك أرواح نتمنى لو أننا نستطيع أن نهديهم راحة الكون




***
همســـــــــه
لو أمدح الدنيا على طول الأيام
ما ألحق جزاها يو فيك اجمعتني

فـــــي يـــــومــ

في يوم نكون في بروحنا .. وفي يوم نلتقي في أحد ويكون ويانا
وتمر الأيام ونرد بروحنا



لو نشوف الموضوع من بعيد .. ونطلع من الدائره اللي احنا فيها
نكتشف


إن في كل الحالات إحنا بروحنا
تتكلم عن المشاعر ... مصيرها تختفي
تتكلم عن الحب ... مصيره يروح
تتكلم عن الصداقه ... مصيرنا نفترق
تتكلم عن اليمعه والوناسه .. الا ما يطلع لنا شي كدرنا



موضوعي اليوم مو موضوع الكدر

موضوعي .. ليش تلف وتلف ونرد بروحنا ؟؟





***

همســــــــه
غالي والله يا حبيبي .. لو نكون بعاد

لا تصور أنسى حبك .. لو بعادك زاد
حبيبي .. تبقى روح الروح
حبيبي .. لو تصد وتروح
حبيبي.. لو تصد عني وتروح

ابتســــمـ

ابتسسسم وإضحــك وخل الهــم يتكـــدر






***

همســــــــه
اشتقت إلى لمسة أيديهم

اشتقت إلى أحضانهم .. كانت ملجئي ودفئي

فأين هم الآن؟

مـــاذا لــــو ؟؟

تنشكح في الشارع .. وانت مندمج

وهات


يا


Chatting

الـــــورد

الــورد لـه إحســاس .. لـو كـان ذابــل
ليــت ( القلـوب الذابـله ) تـرجع تحـــس







***

همســـــــه

رغم المســافه .. وابتعــادك عن الشوف

الشـــوق .. يرسم لي ملامح عيونك

قطــــرات مطــــر

سماء غائمه
غيوم
رعد
برق




وقطرات مطر .. بارده تسقط
لتذكرني بلقاء من الكلمات .. يحتويني بحب
يعانق أنفاسي






دائما السماء الغائمه مع قطرات مطر بارده .. توحي لنا بجو رومانسي
وتذكرنا بشخص معين




يوم قلت لي

صباح كل يوم ممطر
: )



ومن هنا أقول لك .. صباح القطره البارده





***

همســــــــــه
قطــرات مطــر
تسمعني رنين أكواب دافئه

أجمــــــل

أجمـــــل مـــا يحــدث لنـــا
للا نعثـــر عليه ... بـــل نتعثــــر بــــه







Have a Nice Weekend





***
همســــــــه

عفـــــواَ نيـــــوتــن

أنــا ســــر الجـــاذبيــــه

;p

لغتنــا العــربيه ذهـــبت

اختفت اللغه العربيه .. تعودنا على المسلسلات المكسيكيه المدبلجه باللغه العربيه
مو باللهجه السوريه ولا اللبنانيه


والأفلام الهنديه
اللي باللهجه الكويتيه ولا البحرينيه






ما هذا ؟؟؟؟




أنا أفضل أشوف و أسمع الفلم أو المسلسل باللغه الأصليه وأقرا الترجمه
ياجماعه الوضع صار .. ويع

وفوق هذا تبي اطالع فلم حلو .. على قناة من القنوات تلقاه مدبلج باللجه اللبنانيه ولا السوريه .. أنا أدري أقدر أكنسل هاللغه وأشوفه باللغه الانجليزيه وانا أصلا أسوي جذي


لكن ليش راحت اللغه العربيه ؟؟؟




شسالفه؟؟


شنو هالهبه المليقه اللي هابه فيها القنوات



الله وين الدبلجه العربيه .. على فتاة شقراء زرقاء العينين
يا حلو المسلسلات المكسيكيه المدبلجه باللغه العربيه شي حلو تحب تسمع وتشوف




مو المسلسلات التركيه اللي تلوع الجبد وتييب الهم والغم .. حتى البطل مو محلق لحيته

ويع ويع




أنا كرهت التلفزيون
!

ســــالفة ويك اند

سمعت غنيه كنت أسمعها وانا توني مغيره جزء من حياتي
وعقب كل هالفتره
عقب ما تغيررت وايد أشياء .. سمعتها حسيت باحساس حلو اني طايره
في كل انجاز يحققه الانسان .. ويوصل في لهدفه يحس ان له قيمه في هالحياه
أكو اشياء وايد ودي أسويها ومهما



نتعثر
ونحبط
وتتسكر أبواب وايد بويهنا
ما أنكر اني كنت أبجي بعد
وانعزلت فتره



بس أنا دريت
الحمدالله
رديت وبقوه
أهم شي بقوه
حسيت اني داشه حرب
;pp











وأنا قاعده أكتب هالبوست الحين في هذه اللحظه
إنكتت القهوه على ملابسي .. وأنا بالدوام
عاد

قهوه
قهوه
قهوه
قهوه




شيقولون عني الأوادم






بس أنا عصبت وتنرفزت .. ولي هني وستوب خلص البوست
خل أروح أعابل بعمري أشوف حل في هالقهوه

لول


***

Have a Nice Weekend