Sunday, January 24, 2010

Cream day




غيوم .. أمطار .. نسمة هواء دافيه
شمس غائبه .. نهار سهل الإنزلاق أي يعدي بسرعه
خلاني أحس إن هاليوم فيه نكهة الكريم .. مع إني ما أحب الكريم لكن حسيت في هالنكهه الحلوه






عندما تحدد نقطه في حياتك وتعتبرها ايكون موجود على الديسكتوب تحدد ورايت كليك ودليت
يكون هني يومك كريمي لذيذ سهل الإنزلاق





عديها
خليها تمشي لا توقف عند محطه وحده .. الخيارات أمامك وفي كل مكان بس عطها فرصه تييلك وغير اللي في نفسك وافتح قلبك واستقبلها

الحياة فرص جرب كل فرصه فيها قد تنجح احدى تلك الفرص .. خلك يومك كريمي







***

همســـــــه
حتمــــاً أنـــا مختلفــه في أدق تفاصيلي

Thursday, January 14, 2010

مكـــــــــــس




أحياناً كثيرة نبتعد نعتزل .. حتى لا نتشابك مع غيرنا أو نبتعد عن مشاكل نحن في غنى عنها

و أتفاجأ




إن الواحد لمن يقعد بروحه أوقات كثيره صار إنسان منعزل وانطوائي ومغرور ومعقد
!



ليش الواحد لمن اتييله فتره ويقعد مع نفسه مده طويله يعيد حساباته .. يطلبون منه اللي حواليه الاحتكاك بالمجتمع الخارجي .. وهذا المجتمع أصلا يخرب اللي ما يخترب




مجتمع يتعامل مع جم رصيدك في البنك
واي شنو سيارتك كشخه
شفتي طقمي الألماس اليديد
شفتي الهبه اللي هابين فيها البنات الحين باللبس
واي احنا نخيم بالجليعه لان قز هناك

والخ .. الخ .. من سوالف مليقه وسخيفه ودنيويه







==




س في ج



هل مجتمعنا سخيف ؟
س: على أي أساس نحكم على المجتمع؟
ج: نحكم على المجتمع من الناس صح

س: هل المجتمع يتغير بتغير الناس أو الأفراد اللي عايشين في؟
ج: ماني لاقيه إجابه


س: ليش الشباب يحبون التخييم وأغلب البنات يكرهون التخييم؟
ج: لأن البنات ما يحبون التراب وأنا وحده منهم








==







موقـــــــــــف


الوالده : تبين فلوس
واي مي : ليش أنا مو محتاجه
الوالده: أحد يعرض على أحد فلوس ويرفض؟
واي مي : اي أنا
الوالده: ليش؟
واي مي : علشان ماطالبوني بعدين
;pp





***
همســــــــه
ينام الليل
وأنا أصحى الليل بشوق وحنين







Thursday, January 7, 2010

إذا






إذا لم تكن تعلم أين تذهب ، فكل الطرق تؤدى إلى هناك





همســــــه
أحياناً نندم من كلام نقوله
وأحياناً نندم ليش نسكت ما نقوله
الله يعين الحرف لحظة هطوله

Tuesday, January 5, 2010

يـــــوم مـــن العمــــر




مع أشعة الشمس الذهبيه ومع صباح جديد مليىء بالحيويه يبدأ يوم ميلادي


فاليوم تتغير بعض المفاهيم .. وتتغير طريقة التفكير
ولابد من تكسير بعض القواعد القديمه .. وتغيير الخطه الاستراتيجيه مع مراعاة الدقه في الخطوات


أوووله كل هذا لأني حسيت اني كبرت بالعمر
Heheheh




من هنا تبدأ تلك الأفكار تزحف إلي فكرة تلوى الأخرى تليها خطوات بعضها سهله وبعضها صعبه وجزء منها مستحيل



هل المستحيل يتحقق ؟؟



هو حلم .. أمل .. مثابره .. كفاح

قد يتحقق وقد نحتفظ به للذكرى


مع تمنياتي لكم بيوم صباحي مشمس جميل





همســــــــه
كل عام وأنا الحب
;p



يحق للبلوقر مالا يحق لغيره في تدليع عمره .. مو ولا مو مو؟
;p