Thursday, January 27, 2011

فــي مثــل هــذا اليــوم


أحتاج بريك في حياتي .. أشعر بالتعب مع اني ما ركضت يعني
بريك ينسيني أنا وين .. ينسيني كل شي
...
..
.
ومحتاجه كتكات
ينسيني اللي أنا فيه
...
..
.
يا حلو الجوكوليت مع القهوه مع ذكرى على البال انت طاريها
و في جو تحس إنت في غير
...
..
.
ذاك اليوم أنا عفست الدنيا واخترب الريجيم
وقلت دام اليوم الدنيا معفوسه خل اروح اييب لي كتكات .. وفي هذا اليوم كان يوم ممطر وبرق ورعد والسيايير زحمه مالها والي
وأنا الا آكل كاكاوو
مالي شغل أكل كاكاوو يعني آكل كاكاوو .. إن بغى تصير عاصفه هم باكل كاكاوو
وأنا بالطريج وعند الدوار واحد الله يحفظه كان حاجز الدوار كله تقحص
انزين يا بابا أبي أطوف
يا حبيبي عطني فرصه ... ماكوو أبد
وأزرق انا وأصرخ بالسياره وحالتي حاله ولا رحت البقاله
جان أعصب وقلت .. باكل كاكاو يعني باكل كاكاو يمكن راح
وأرد لكم وأروح الدوار ولا الاخ مستلم الدوار
...
يا بابا خلاص أبي كاكاو بليز لا تقحص إرحمني وهم أزرق و رحت البقاله أهم شي انا صافه
ولا إيي جيب و وانيت غير رفيجنا اللي حاجز الدوار ويستلمون كلهم الدوار
انا هني يت لي البجيه
لا لا لا صج ببجي ... أنا صج مو صاحيه طالعه بهالجو ويم هالميانين لا وعفيه قلب مشتهيه كاكاو
كان يوم إنما ايه
...
المهم نطرتهم لين خلصوا هوايتهم ... تالي رديت بيتنا ومعاي الكاكاوو
لول
أدري مينونه
;p

Thursday, January 20, 2011

أنفــــاسـ الصبـــاحـ 8




صباحي إنت
...
..
.
صباح النسمه الحلوه البارده ... صبحكم الله بالخير والسرور
...
..
.
في غير الزمان
في نفس المكان
مر طيفك بين البشر
في النفس المكان في غير الزمان

Thursday, January 13, 2011

أنفـــاســ الصبـــاحـ 7


أراقبك من بعيد ... وأحسك بصدري
مابيك تدري بغلاك ... وينكشف أمري
حلات الشي .. وانت ما تدري
...
..
.
اليوم خميس ... اليوم نذبح ابليس
;p
...
..
.
Have a nice weekend

Monday, January 10, 2011

عفواَ ... حضرة المدير








عفواَ

إنت مدير ؟

يا هلا فيك ومرحبا ... ياخي سلم ترا ماراح ينزل من مستواك
ما تبي تسلم ؟؟
بس تبي تخز ... تعطيني نظره يعني انتي سلمي

خلاص أنا أسلم و أمري لله
الواحد ما يشتهي حتى يسلم على هالنظره




فاهم الشغل؟

طبعاَ لأ ... متنح










لحظه لحظه

توقع على ترقيه ؟

أي شفيها .. إنتي شفهمج .. أنا المدير










هي: حضرة المدير
المدير: اخذي موعد عشان تكلميني
هي: يا حضرة المدير
المدير: عندي اجتماع
هي : ياحضرة المدير
المدير: عندي موعد
هي: يا حضرة المدير انت
المدير: أنا .. شفيني أنا
هي : إنت ...ح.. ق.. ي.. ر .... يا حضرة المدير


Thursday, January 6, 2011

لا طاحت أوراق الزهر .. ما ينفعه كثر المطر








أبي أتكلم عن كآبه أعيشها
أبي أتكلم عن ألوان ... بديت أفقدها



ويني أنا ؟
وين ألواني ؟


قلت لها: فيني شي تغير .. مو أنا
قالت لي: روحج صغيره .. وإنتي ورده حافظي عليها

قلت لها: تعبت
قالت لي: توج صغيره

قلت لها: ما أحس بهالشي
قالت لي : بييج اللي يحسسج بهالشي



أخشى السقوط إلى الهاويه
كل ليله دمعي على خدي .. شفيج يا دمعه ارحميني شوي
تعبت منج ولا أدري شنو سبب زيارتج كل ليله




همســه
فيني ضجيج ... وداخلي سكون

Tuesday, January 4, 2011

خلنــــا مــن الحكـــــي







أبيك حب .... ما ينتهي
وأبيك قلب .... ما يسكنه غيري


أبي


أعطيك قلب لا سألته ...عنك تأتأ واكتفا
بنبضه لا طريت على بالي ... تشتاق وتلين




همســه
فيني بداية وقت .. ونهاية أزمان