عن باقي الناس قدرك ..واضح وفارق
لو شنو يقولون .. لا يهمونك
أشوف فيك بحر ... وأنا حوريته
أغرف بهواك .. ولا أحد يقدر ينقذني غيرك
تعال قولي .. شلي ماخذك مني
السفر
العمر
خطوات الدهر
إيــــــــــــه لــــو بـــس تــدري
!
***
همســـه
ودي بقربك وأدري إنك .. تبيني لاتستحي قل ودي .. الحب يكبر
ما أبيك تتركني لـغربة ..سنينـي لكن أبيك تبين.. إحساسك أكثر
12 comments:
تصدقين كل مره كلماتك تكون اكثر روعه
و اصدق احساس
***
همســـه
ودي بقربك وأدري إنك .. تبيني لاتستحي قل ودي .. الحب يكبر
ما أبيك تتركني لـغربة ..سنينـي لكن أبيك تبين.. إحساسك أكثر
*****
صحيح انه قلب العاشق هو الوطن
الله الله عليج
ابدعتي
احسااس ولا اروع
تسلمين على هالكلمات الحلوه
*
تحايلت كيف واشلون ابي ادخل البوست
واهتديت اخيرا
وتمنيت ان يكون فيه مجال
لتعليق النو نيم
والمجهول مثلي قولوله تعال
ولقيته بعد شوية بحث لقيته
واستمتعت حقيقة بالمقال
وتفاعلت مع نبلك مع البحر
وعلاقتك الحميمة به كونك حورية
ومخلصة
****
وعن باقي الناس قدره واضح وفارق
ولو شنو يقولون ماهو مهم
الله نبل وتسليم وقناعة لا تقبل
التزييف
هاذي قراية منك له لا يقراها
إلا حورية غاصت في خلجان هاذا البحر الواسع العميق
وكيف للأنهار تعيب الشطئآن
وهي افرع وزيادة روافد
او يمكن فيض منه تكونت؟
وإن قالوا ماهو إلا جدول؟
فما للجداول حواري
ولكنها في اليم وجدت
****
جعلتي منكِ الغريقة
كااا عذر
وهو المنقذ
والبحر بأسمه معروف بالغدر
غدره المصطنع والمغصوب بطريقة
الريح يلعب به ويُقلب امواجه
ويُغدر مرغوم على الغدر
ما هي من صفاته
عامل الفعل ورداته
والريح العاصف
قد يحميك بقوقعة في ركن في صخرة من جبل
تحت جنح سكينته
بعيدا عن الرطام
فينقذك من تمرده
ويظفر بك وحده
على صدره الرحب
وأغواط جوفه
لا حورية او حواري
يسع رحم هذا البحر غيرك
وعليك خايف
كوني على يقين ,,
ان كنت تموتين
ان خرجت
تتنفسين الهواء
****
وتتسائلين,, وشللي ماخذك مني ؟
السفر , العمر , خطوات الدهر ؟
وإذا كان البحر يأخذ نفسه مصيبة
لا السفر ولا العمر ولا الدهر
هو بإختصار بحر
انطري مرساة يرسي
ان كنت حورية له
ينزل ويمسي
هوه خذاه الريح وبحالة جزر
والمد على مرسى الهوا يرجع
شوفي مداه
في الجهات الاربع
حسي دفاه
في الفصول الاربع
عيدي ذكريات حله وترحاله
ووين انتو
وين قعدتو
وبأي حاله؟
واي الفصول
واللي تعشق بحر
تقوي زعانفها
ودفتها تطول
****
(آهـ لو تدري )
ياحورية كان عليك علمه
وبقلبك مكنون
وكان عليه يدري
بمكنون فؤادك ,,
اووماسواه
سفره وعمره وهجره بأشواقك
(آآآآهـ لو تدري )
ماكان يدري ؟!؟
ليش اللوم ياحورية وهو مادرى ؟
لو درى ,,
كان تلاطم بشعرك وغفى سكون
بين ايدينك مستريح
لو يدري كان حاله براها
كان عبر بحور ومشاها
وتحدى عصف الريح
لو تصفر,, لو تصيح
خليه يدري واسمحي نفسك كبرياها
ماهو ذا إلا عشق
لا يعرف التجريح
هو وداعة وولدنه
على حد سواها
يحتمل تصحيح
دامه موجود عهدها
يحتمل ,, دامه موجود وفاها
****
يحتمل تصحيح
لانه بحر
خاوي إحساس
خاوي ردة فعل
قصير اليد وبلا بصر
قوي من الساس لساس
يجرف قرى , يخلع مآذن
يقرع أجراس
لانه غير البشر
وقلبه لا هو حجر
ولاااا هو معادن
ولا شافه غطاس
رقة هو بأحضان المطر
وانتي الحورية
وفي قلبك ربيع
خضر
****
ليش انتي؟
ممتن لعظيم إخلاصك والوفاء
^
^
^
^
^
شايب مزيون
تنازعتني افكاري بين ما كتبتِ
وما كتبه شايبنا المزيون
كلمه وصداها
دانه وغطاها
ومشاعر بالدفء جميله ... راقيه .. وذات بعد وعمق مختلف
انسكابك انت كان رقيق كنسمة ربيع
وانساكبه هو كان سيل كمطر الشتاء
هنيئا لنا بهكذا يوم
وهكذا انسكاب
احبج يالغلا
الزين تحيتي لك ولقراءتك المثمرة
وسعدت عن نفسي كون اعجبك السجال
ولا اعتبره كذلك
هو مسايرة تفاعلت معاها
وتفاعلنا مطلوب
مازال الكلام للقلوب
أحيان نتركها تعبر
عن فرحها
واحيان كثيييييييرة عن نبضها الشجي
قلوب
ولااا نختار لها اسلوب
تجي صح ,, تجي مقلوب
تجي ,,
اشلون ماتجي
وعلى عماها
وعلى السجي
****
ضغطت على صورتك يالزين
كان هذا الظهر قبل لا يغلبني
النوم مافيه غيره يزعجني
وصلت صفحتك وقريت سطورك
عدتها ثاني ,, وقلت في خاطري
السايت وعنوانه حفظته
وحفظني
ارجع لك ثاني وازورك
تصدق يالزين لو قلت
في ذا الوقت
بعد ماصحيت وطلبت العنوان
اعتذر ماقبلني
حاولت ثاني وعاشر ,, رفضني
هنيه لينبوع الحكي رجعت
اقول اللي حاصل
هوه نتي
او نتك فاصل؟
اكيد فيه مشكلة
واعتذر لك اني ماكتبت
غلطتي كانت
من الظهر اشواقك خطرتها
ليتني ما قلبت الصفحة وعبرتها
النعاس غشى عيوني
خفت لا اكتب حروف
بلا نقط
او نقاط بينها
حرف سقط
ويتراوالي عقب
وبعدها مقلوب حالي
رجلي على عالي
وراسي على عقب
:)
****
الاستاذ زين
لزوووم) تشوف المشكلة على قولة الاستاذة المدونة شوووش
تحاياي لقراءتكم وحسن ظنكم
أتمنى أن لا يجف ينبوعك عن هكذا كلمات
:)
أحاسيس مرهفة قد خطّت هنا
ارق التحايا ..
روعه بجد
احساس عالى اوى
اوى
تسلمى يارب
انسانه بكل ما تحمل الكلمة من معانٍ ..
تحياتي
يا حلو حروفج
و صدق كلماتج
تصدقين اراها شفافة
قاسية بالم
لكن
رقيقة بحرفك و القلم
انت هنا جميلة
و هناك
ايضا جميلة جدااا
:*
كلمات نابعه من القلب وفعلا كلمات مرهفه
صح لسانج
الاحساس صادق من مفرداتج,تقبلي مروري ,وسوف ننتظر اليديد مالج’تحياتي
>
Post a Comment