يـــــوم مليـــــق

اول شي مبارك عليكم الشهر









واي مي : يلا امشي
اختي : يالله كاني


واي مي : لاااااااااااا


طحت من الدري من أوله لي اخره .. هالطيحه تسوى عمري
hehehehehehehehe






خلوني اقول لكم بحكم اني وحده خبيره بالطيحات


لما اطيح من الدري من اوله لي الاخر

اييلك احساس انك اطير .. اتحس انك طير حر عقب
احساس حلو بس الموحلو ان جسمك كله متكسر وكدمات


والموحلو بعد لما اطيح جدام احد ما تعرفه .. عن نفسي لما اتصير فيني هالحركه ودي أبجي




يعني لي متى الواحد يطيح بالله ؟؟ بس عاد لاعت جبدي من كثر الطيحات


ادري المشكله بالكعب .. بس ما اقدر استغني عنه



...




مريت المكتبه اليوم وماكان عندي خرده ولاعت جبدي كل مكتبه امرها الفاكس عندها خربان يـــــــه شلون بالله ما اطرش فاكس





في مكتبه أكره أروح لها لووول اطريت اني اروح المهم دشيت .. وكنت حدي حدي معصبه



واي مي : السلام

الموظف : وعليكو السلام
واي مي : بدز فاكس
الموظف : آآآه اتفضلي

واي مي : عندك خرده ترا ما عندي
الموظف : معلش المره دي على حسابي
واي مي : اي شي شنو على حسابك .. عندك خرده ولا لأ
الموظف : أيوه عندي .. متعصبه كدا ليه
واي مي : ولين مو شغلك هاك دز الفاكس
الموظف : اوكي

وعقب ما طرش الفاكس

واي مي : يالله خرد لي
الموظف : ماعنديش .. خليها على حسابي

واي مي : شنووووووووو مو قلت عندك

والله والله بغيت افلعه بتلفوني .. جان اطلع وفر فر خردت عند البقاله ورديت

واي مي : تفضل
الموظف : الله بأ مش أولتلك على حسابي
واي مي : انا عرفت ليش اكره هالمكتبه




*****************
همســــه

أهواك وهمي ..كيف قلبك أهنيه
من كثر ما اسمك في .. هالقلب منحوت

أبــــي مـــاي

قف ثانيه أمام كوب الماء الذي ستشربه

فكر لثانيه واحده فقط

اذا كنت في صحراء قاحله تحت الشمس الحارقه

ماذا كنت ستختار


كوبا من الماء ؟؟ أم قرص من الخبز ؟؟




في الحقيقه أنا أعلم الاجابه مسبقاَ سوف تكون اجابتك هي كوبا من الماء



لماذا نختار كوبا من الماء ؟؟





هل فكرت في هذه الثانيه ؟؟ هل خطر هذا السؤال على بالك ؟؟


في الحقيقه الماء هو الحياة.. انظر الى كوب الماء قبل شربه

ستلاحظ له حياة .. مع العلم بأن الماء لا يوجد له ريحه ولا لون ولا طعم


والماء هو السائل الوحيد الذي يروي الجسم حتى الشبع مع العلم بأن لا يوجد له طعم ولا نكهه




قد تشعر بالشبع او الاكتفاء من عصير البرتقال او الكوكتيل وتتوقف


و قد لا يعطيك الاحساس بالارتواء الحقيقي الذي يحتاجه جسمك


الماء هو الحياة بحد ذاته .. ماذا لو نشفت البحور والمحيطات ماذا سيحل بنا ؟؟






طبعا

يت لي كل هالاسئله لما كنت طالعه واكتشفت ان تكييف سيارتي خربان ورديت بموووووووت من العطش وقبل لا اشرب تمعنت النظر في كوب الماء .. طبعا دشيت البيت بس ادور المطبخ





واي مي : وااااااي ابي مااي ماااي

اختي : شنو من وين يايه ؟؟ من الصحراء القاحله

واي مي : التكييف خربان .. تبين اتقزين بسيارتي؟

اختي : عرضج مغري ما يطوف بس للأسف ما اقدر اقز بسياره تكييفها خربان

واي مي : هذا العرض قائم حتى اصلاح التكييف ياحلوه .. عقب ما يتحصلح اشوفج تركبين سيارتي

اختي : ام النحاسه انتي

واي مي : ادري لووووووووول





في النهايه .. الحمدالله على نعمة الماء .. والرجاء المحافظه على هالنعمه علشان لي عطشت أقدر أشرب ماي




مع تحيات ترشيد
لوووووول

أنــا ومــرآتي

في يوم كان شديد الظلام .. والمطر الغزير يروي الارض






في يوم كنت فيه عائده من حفله كنت بها ملكه

في هذا اليوم نظرت الى مرآتي
في هذا اليوم تمعنت النظر في مرآتي
في هذا اليوم أقف أمام مرآتي أزيل الاقنعه المزيفه
في هذا اليوم أرى حمل وديع .. يحتمي من تلك الوحوش الجائعه

ذلك الحمل الوديع هو أنا



تمعنت النظر في مرآتي .. أنظر الى فتاة شعرها طويل غزير
عيناها خضراوان .. نظرت الى خاتمي الألماسي ونظرت الى فستاني

وابتسمت كنت أحرك شعري واترقب ابتسامتي
هل كنت جميله اليوم ؟؟
هل كنت الملكه اليوم ؟

اعلم بأنني كنت الملكه في هذه الليله


واذا بمرآتي تحاكيني
مرآتي : كنت فتاة المطر .. كنتي بغاية الجمال

واي مي : آآه مرأتي تحدثني

مرآتي : نعم أحدث فتاة طلبت مني التحدث اليها .. احدث فتاة تقدر الجمال

واي مي : هل انا تلك الفتاة

مرآتي : بالطبع انتي هي الفتاة .. ولكن دعيني أقول لكي من قال بأن الجمال الخارجي هو الجمال الذي يتغزل به الناس انما هو الجمال الداخلي هو الجمال الصافي النابع من القلب

واي مي : وماذا عن الجمال الخارجي ؟؟

مرآتي : جمالك الخارجي هو جمال مؤقت يذهب مع مر السنين وتبقيت انتي

واي مي : كفاكي يا مرآتي كفاكي .. دعيني استمتع بهذه الليله فأنا الملكه اليوم

مرآتي : انا احدثك حتى انبهكي لما قد تتعرضين له من غرور من نظره متعاليه من نفس لايهمها سوى الجمال


وفي هذه اللحظه .. ومع غزارة المطر ومع صوت الرعد القوي


اختلطت علي تلك الامور .. مرآتي حدثيني .. مرآتي
آآه مرآتي لا تريد التحدث معي .. كم انا حزينه وكم فكره وضعتها مرآتي في عقلي جعلتني افكر .. أشعر بالندم يا مرآتي

ذهبت مرآتي .. وذهبت في افكاري .. ويبقى الجمال الخارجي مكمل للجمال الداخلي .. واصبحت وحدي مع مرآتي أتمعن النظر في فستاني وفي خاتمي الألماسي



حدثيني يا مرآتي


*******
همســـــــه
اشعر بالخوف ...وبالرهبة

أصابعي تفارق كفي

الواني تفارق جسدي

وتعلن تمردها

يتركني كل شي

حتى أجزائي

لكن ساعة موتي

تشبث الحزن بحنجرتي

ودفن معي

بأعماق الأرض

كالمسخ في جسد عذراء

النمـــره غلــــط

في ويك اند .. من الويك اندات
الساعه : 4:30 صباحاَ


تلفوني يمي وانا نااايمه .. وفي سابع نومه

يدق تلفوني .. ما مداني اطالع لان اللي بيدق هالحزه اكيد احد اعرفه .. اكو احد غلطان يدق هالحزه !! مايندرى كل شي جايز المهم.. رديت



واي مي : ألووو
المتصل : ألوو صباح الخير .. سمر ؟؟

واي مي : لا لا اخوي غلطان
المتصل : سمر عن الملاقه عاد .. ماله داعي هالحركات

واي مي : ولين النمره غلط اوكي

وتووووووووووت سكرت التلفون ابويهه





وانا عاد حدي فيني النوم ومالي خلقه هذا .. الاخ يا حلمان وداق يبي سمر بالغلط لووول

او انه ياي من سهره ويبي يمشي الفلم علي .. وانا ما احب جذي عاااااد طفارتي هالحركات



صكيت التلفون الحين برد انام الله وناسه نوووم اشوي ولا مسج واصلني







مسج من المتصل : من الأدب والأخلاق إنج لما اتحاجين واحد ما تصكين التلفون ابويهه



انا شنووووو شيقصد يعني قليلة أدب والله مادري منو قليل الادب .. عصبت عصبت عصبت جان اطير النومه: (




وطرشت له مسج : ومن الأدب والأخلاق إن لما واحد يقولك النمره غلط .. اتصدقه مو تقوله علينا هالحركات .. شنو واحد من ربعك انا





جان يرد علي بمسج

مسج من المتصل : ومن الأدب والأخلاق انج تعتذرين لانج صكيتي التلفون ابويهي



جان أرد عليه بمسج : ومن الأدب والأخلاق انك اتفج الحين وما طرش ولا مسج ولا بيصير يومك أسود





وبعدين صار صخه .. ما رد علي بمسج .. قلت الله وناسه يانوومه تعالي ابي اناااااام بلييييز
ونمت وغرقت بالنوم




دق تلفوني مره ثانيه .. ومن كثر ما فيني النوم ما جيكت شنو هالرقم ورديت مره ثانيه


واي مي : ألوو
المتصل : أنتي نايمه ؟؟ أفاا

واي مي : نعــم !! شسالفه كل اشوي داق ومسجات ومقعد خلق الله من النوم شتبي خير قلنا النمره غلط ماكو استيعاب لي هدرجه

المتصل : انا آآآآآ

وتوووووووووووت صكيت التلفون ابويهه



عقب ما مايت منه لا مسج ولا اتصال وعقب اسبوعين طرش لي مسج



مسج من المتصل : سمر اذا تزوجتي ترا أموووت


بس ما رديت عليه ..شنو هالناس الماكو شغل





شفيه هذا !! ابتلشت انا والله بالميانين
ياجماعه اللي يعرف سمر خل يقول لها لووووول

أبحــث عــن نفســـي

بين الجدران وبين أوراقي أبحث عن فتاة تائهه في عالم الاحلام

تبحث عن عالم يطلق لقلمها العنان .. تبحث من يقدرها قدر الامكان

بين تلك الجدران أكتب ...ومن تلك الجدارن أسترسل

هل مللتي مني أيتها الجدران ؟؟

ولكني لم أمل .. والى أين تريدنني أن أذهب .. ماذا ؟؟ أصرخ ؟؟

لن يسمعني أحد .. لن يلتفت إلى أحد دعيني أحلم


بأنني أحلق في السماء .. دعيني أعيش متعة الحلم ما أجمله من حلم يحلق في السماء







وفجأه ..

اختي : يلا بدلتي ملابسج امشي خل نطلع انا ابي اروح المارينا


اخوي : خلصوا انتوا للحين اتبدلون ملابسكم ماصارت .. صج الطلعه ويا البنات دعله


واي مي : اوكي جاهزه



ومن هنا انقطع عالم أفكاري وعدت الى الواقع وأدركت انه لا مفر من تلك الجدران .. كما أدركت إن أخواني دعله



**********
همســــــــه

حبه وجوده في حياتي سراب

أبــله أمــل ... والمـدونيــن

الوقت الساعه : 6:30 المغرب
المكان: بيت أبله أمل
العنوان : عماره في جليب جليب شيوخ الدور الثاني شقه 3





ابله امل كانت عازمه أمل في بيتها .. وطبعا جيل هالوقت معروف وين ما يروح معاه لاب توب من طقتنا يعني


ابله امل : اهلا اهلا يا امووله .. تشربي شاي ؟
امل : اوكي حلو الجاي

ابله امل : يا اهلا يا اهلا نورتي يابنتي
امل : الله يسلمج أبله مشكوره

ابله امل : هو انتي جايه وجايبه معاكي اللاب توب ليه ؟؟
امل : أتصفح الانترنت وأشوف اخر الاخبار


جان تتليقف ابله امل وطل بالشاشه

ابله امل : ايــــــه ده ؟؟
امل : شنوووو ابله شفيج

ابله امل : هو انتي بتتفرجي على ايه .. ايه دي مدونات ؟؟
امل : اي ابله مدونات

ابله امل : والله ناس فاضيه
امل : ابله شنوووو ناس فاضيه .. في منهم عملاقه بالتدوين اشفييج ابله ؟؟

ابله امل : يا شيخه اتنيلي .. ايه ده .. ايه ده
امل : شفييييييييج

ابله امل : ايه ايه ايه ايه .. مدونة مطؤوووء
امل : ابله اسمه مطقوووووق

ابله امل : يعني اي مطقوق؟؟
امل : يعني يا ضارب يا مضروب .. بالمصري

ابله امل : يعني هو مضروب مضروووب بحأ وحئيئي؟
امل : لااااااااااااا موووصج اسم مدونته جذي

ابله امل : ايه الغلابه دي .. ليه ليه كدا بس ليه يا مطؤووء لييييه .. طب وليه كاتب اخرسوا عايزهم يخرسوا ليه ؟؟
امل : ابله اصمتوا .. كيفه يكتب اللي يكتب شكوو انتي وبعدين مو اخرسوا في فرق هاهاها


ابله امل : اما اشوف المدونه التانيه
امل : ابله جنج استانستي ؟ وخري وخرري يه لاب توبي

وخذت ابله امل لاب توب امل .. وطاحت له تطمش


ابله امل : ايــــــــــــــــــه ده .. بلوق عمتي .. لأ بلوق عمتووووه هوو.. ياروح عمتووو
امل : هاهاهاها اي هذا بلوقر

ابله امل : اهو ولا عمته اللي بلوقر ؟؟
امل : ابله انتي ماكله فول صح؟

ابله امل : اللــــــــــــــــــــه وماله الفوول بآآآآآآآآآآآآآآآآ
امل : لا مافي شي بس يعني ساعات الواحد يتنح

ابله امل : اختشي يابت لكسر اللاب توب ده فوء نافوخك
امل : لا بليز الا لاب توبي


ابله امل : مين ده
As you like
امل : اي بلوقر

ابله امل : ليه مش
As he like
امل : ابله يه كيفه

ابله امل : تعرفي انا مره دخلت المدونات دي ولئيت واحد اسمه معااااز
امل : اي ابله اسمه معاذ .. اشفيه

ابله امل : سمعت مره بيئول عني هبله
امل : هاهاهاهاهاهاهاهاهاها

ماتضحكييييييش .. جتك نيله

ابله امل : هو بيكرهني ليه
امل : لا ابله ترا اهو معجب حده معجب
ابله امل : آآآآآآآآ كويس .. و واحد اسمه الحارس ابن همام مش عاوز يكتب لي شعر ما عرفش ليه بيكرهني
امل : اسمه الحارث بن همان .. ابله محد يكرهج


ابله امل : الا مين ابولطيف ؟
امل : مدووووون جم مره اقوول كلهم مدونين

ابله امل : شكله لطيف اوي اوي اوي
امل : ابله شكلج معجبه ؟؟

ابله امل : انا بصراحه معجبه في
Ak-47

امل : ليييييييييييش ؟
ابله امل : اصل هو بيحب شرم الشيخ


ابله امل : مين ده فررريش ساعوود؟؟ هو مدون كمان؟؟
امل : اي ابله ليش تعرفينه ؟؟ وبعدين اسمه فريج سعووود فريييج

ابله امل : يعني فريش ساعود
امل : ردينا على فريش ؟؟

ابله امل : ما تؤولي وتخلصيني
امل : فريج يعني حاره
ابله امل : يعني حارة ساااعووود
امل : اي

ابله امل : اصل انا كنت بتابعه وكان كاتب بوسط
امل : شنووووووووووووو هاها اسمه بوست مووو بوسط

ابله امل : اللــــــــــــــــــه هو انتي أعدالي ياختي ما تسكتي
امل : انزين كملي شنو البوست اللي كاتبه و موعاجبج

ابله امل: اصل كان كاتب بوست فيه .. يأبرني ويعل يومي بعد يومه
امل : شنوووو غلط غلط يعل يومي قبل يومه

ابله امل : مش فرئه ابل ولا بعد اللــــــــــــــــــه .. هو في راجل بستاهل كل ده ؟
امل : انزين ليش العصبيه؟

ابله امل : هو ماجبش سيرتنا ليييييييييييييييييييييه هاااااااااااااا؟
امل: يمكن نسى الريال شلون بالله ؟؟

ابله امل : اللـــــــــــــه بينسانا ليه عملناله ايييييييييييييييييه
امل : ولين مادري مادري سئليه انتي .. انزين اهو كان كاتب يأبرني ويعمل يومي قبل يومك انتوا شنو عندكم

ابله امل : اللــــــــــــــــــه احنا عندنا .. أووؤمر يا سي سيد
امل : اهاا سي سيد .. لا لا اكيد الريال نسى .. والبوست الثاني شنو مشكلتج في ؟؟

ابله امل : البوست التاني .. لما عمل اللقاء في قناة الراي .. هو بيتريأ على ابن خالتي الاصلع لييييييه ؟؟

امل : وييييييي طالع ولد خالتج الاصلع ؟؟

ابله امل : هاهاهاهاها

امل : عاد فريج سعود يحبه وايد

ابله امل : ماهو باين يختي ... بوصي أما أولك حاجه
أمل : شنو أبله ؟
ابله امل : العيال دولت مش عاوزيت دروس خصوصيه في الكيميا

امل : امبيه من صجج كلهم ناس كباااار

ابله امل : اللـــــــــــــه انا اولت نسترزء ولا حاجه .. ماليش دعوه بيكي انا دلؤتي حكتب بوست


وفعلا بطلت ابله امل نيو بوست .. واكتبت




ازيكو يا مدونين يا حلوين .. أخباكوو ايه بصوا يا عيال اللي عاوز دروس خصوصيه في الكيميا

يراسلني على الايميل ده .. واللي مش متجوز يضفني على المسنجر نتعرف على بعض .. والمتجوز مش عاوزاه يضفني انتوا فاهمين

Met5t5a@hotmail.com

متختخه آت هوت ميل دوت كوم



وبجذي انتهت يوميات أبله


ملاحظه: المدونين اللي انذكرت أسمائهم في البوست .. لو ما انتوا عمالقه ومشهورين جان ما تحرشت فيكم .. تحيه حاره مني لكم .. وبعدين انا سويت لكم شهره جم تعطوني ؟؟؟

هــــذي آخــرة القــــز

الوقت الساعه : 5:30 العصاري

دق تلفون امل
ترن ترن .. ترن ترن

امل : الوو
ابله امل : الوووووو ازيك
امل : اهلا اهلا ابله امل شلونج شخبارج؟
ابله امل : كويسه الحمدرالله .. انا زهأنه عاوزه اتفسح

امل : ابله وين تتفسحين بهالحرررر
ابله امل : عازه اتفسح بئولك مخنوئه
امل : اوكي خلاص امرج نروح لنا كوفي شوي نشرب لنا شي شرايج؟

ابله امل : حلو الكلام .. يلا تعالي مستنياكي


ومرت امل .. ابله امل وبالطريج

ابله امل : هــــــــــــــه حتفسحيني فين؟
امل : بوديج مكان كوفي شوب هادي

ابله امل : لأ لأ لأ مش عاوزه مكان هادي .. عاوزه مكان زحمه كله ناس .. اصل انا بحب اللمه

امل : مممم اشرايج اوديج جوكوليت بار البدع ؟؟
ابله امل : ايوه كدا عايزه زي ما بتئولوا اقز

امل : بعد تبين اتقزين .. ابله انتي كبرتي على هالسوالف الله يهداج

ابله امل : ايـــه كبرت دي ؟؟ اللــــه عاوزه اعيش حياتي

امل : زين عيشي حياتج



وصلوا جوكوليت بار البدع .. وقعدوا

و اول ما قعدوا .. يت لهم الويتر وقالت لهم
شنو تحبون تشربون ؟

ابله امل : عاوزه شاي كشري
امل : ابله هاهاهاهاهاهاهاها انتي وين قاعده بالقهوه ؟؟ ماتبين شيشه بعد

ابله امل : الله شيشه في شيشه .. عاوزه اديها وحده
امل : امبيه ابله انتي شفيج اليوم؟؟ ماكو شيشه هني ولا شاي كشري


ابله امل : طيب عايزه اهوه على الريحه
امل : شنوووووو ؟؟ شنو هالطلبات الغريبه ؟؟ ابله بطلب لج امريكان كوفي دام اتحبين القهوه

ابله امل : مش عاوزه امريكان .. انا مأطعاهم

امل : ابله تكفين فشلتينا صوتج عالي فظحتينا اووووص .. خلاص مو الا تشربين اشرايج تاكلين براونيز ؟؟

ابله امل : ايـــه يالله ناكل احسن .. آآل امريكان آآآل جتهم نيله وستين داهيه

امل : خلاص ابله اوووص صوتج عالي قاعدين يخزوونا

ابله امل : اللـــه هو احنا فرجه ببلاش .. جتكم نيله انتوا كمان .. اما افتح البلتووووس احسن واشوف الاسماء

امل : بعد حركات تبطلين البلوتوث

وبصوت عالي طبعا صرخت فجأه ابله امل


ابله امل : انا دلؤتي حفتح البلووووتوووووس
امل : اووووووووص زين بطليه محد ماسكج اشفيج

ابله امل : علشان ااوول لهم علشان يفتحووه همه كمان

امل : انزين ابله شنو نكج بالبلوتوث ؟؟
ابله امل : آآآآ النك نيم بتاعي مين عاوز دروس خصوصيه في الكيميا ؟؟

امل : اووووله اشطوله النك .. وبعدين انتي حتى هني ما تنسين الكيميا

ابله امل : اللـــــــه ماتسبيني استرزء

امل : هاها زين كيفج

ابله امل : بصي في واحد النك نيم بتاعه .. ابي اتزوج هو عايز يتجوز بجد يا امل ؟؟ اما اكتب له مسج

امل : ابله شكوووو نك نيم هذا امبيه لا لا لا طرشين ترا اتصيرين ملقوفه

ابله امل : يعني ايه ملقوفه؟؟
امل : هااااا آآآ يعني حبوبه

ابله امل : بجد ؟؟ اما اكتب له مسج انا مدرسة كيميا عمري 35 وملقوفه اوي اوي


وطرشت ابله امل المسج للريال.. وطبعا رد عليها الريال
المسج .. انتي ام كشه اللي قاعده هناك لابسه احمر ؟

ابله امل : ايه ده ايه ده .. ايه ام كشه دي ؟؟ أما ارد عليه أليل الادب

وكتبت له مسج .. ايوه انا لابسه احمر يا أليل الزووء

رد عليها بالمسج .. ويع انتي منو يبي يطل ابويهج

ابله امل : ايه دا ايده بأ .. اما اكتب له مسج ارد عليه

وكتبت له مسج .. هو انت فين ؟؟

رد عليها بالمسج .. وانتي شكو ؟؟

ردت عليه بمسج .. جتك نيله دا انت اكيد الاأرع اللي مترزع هناك

رد عليها بمسج .. وانتي ام كشه جنج ابله عطيات

ردت عليه بمسج .. يا خويه اتلهي

رد عليها بمسج .. احبج

ردت عليه بمسج .. حبك برص

وفجأه ابله امل : بس بس بس انا اتنرفزت اوي اوي يلا بينا نمشي

امل : ابله والطلب ؟؟ ما كليتي شي

ابله امل : مش عاااوزه الاارع ده سد نفسي ربنا يسد نفسه

ورجعت ابله امل .. بيتها مسكينه .. ضايق خلقها قاعده تتحلطم طول الطريج من الاقرع اللي تحرش فيها

لووووول













****************
يتبع .. ابله امل والمدونين

فــي الجمعيــــه .. ياااا لهـــوي

كانت ابله امل محتاجه اغراض من الجمعيه ودقت على امل تلفون

ترن ترن .. ترن ترن

امل : الوو
ابله امل : ازيك يا امووله
امل : هلا ابله امل

ابله امل : انا عاوزه اغراض من الجمعيه .. ايه رأيك تيجي معايا

امل : يالله شورانا ؟؟ تبيني امرج توني ماخذه الليسن

ابله امل : ايه لسا ماخداها .. ربنا يستر طب يلا تعالي


ومرت امل ابله امل بسيارتها .. وبالطريج


ابله امل : بصي يا امل لازم تمشي شوي شويه ياحببتي علشان ما تدعميش اووكي يا روحي

امل : انزين ابله خل اركز بالطريج الله يخليج

مرت شاحنه ونامت على سيارة امل

امل : يماااااااااااا

ابله امل : يااااااااااااالهووووي .. يااااااااااالهووي

وطلع ابله امل راسها من الدريشه وتسب الريال اللي بالشاحنه

ابله امل : جتك نيله .. هو انت مابتشوفش ولا ايه ؟

امل : بس ابله دخلي راسج لا تيبين لي مصيبه وابتلش فييييييج


ابله امل واهي قاعده اتهاوش ويا الريال ومطلعه راسها من الدريشه من سرعة السياره والهوا القوي طار حجابها

ابله امل : يادي النيله .. الحجااب الحجااااااااااااب

امل : ولين شهاليوم ؟؟ ابله اشفيييييييج يننتيني ؟

ابله امل : الحجاب يابت طار راح


التفتت امل على ابله امل واهي تسوق السياره

امل : بسم الله الرحمن الرحيم .. يمااااا ابله شنو هالكشه امبيه امبيه

ابله امل : صحيح يابت هو شعري منكوش بس جميل خالص خلاص نعمل ايه الحجاب وطار كملي طريئك


امل : امبيه انا شلون بمشي يمج ويا كشتج .. امبيه امبيه



وصلوا الجمعيه

ونزلوا منها امل وابله امل وخذولهم عربانه

وكانوا يتمشون الجمعيه .. والكل يطالع كشة ابله امل

امل : ابله ليش يطالعونج ؟
ابله امل : معجبين يابنتي .. دنا لسا بحلاوتي وجمالي وسحري هو انتي بتتفتكري اني بئيت عجوزه ؟؟

امل : لا ابد من قال ؟؟

ابله امل : بوضي يا امل مين الشاب الحليوه اللي هناكم ده

امل : مادري .. بس وايد حلو ومسوي تان بعد

ابله امل : بوصي يا امل .. ايه رأيك تزبطيني

امل : اظبطج ؟؟ شلون ؟

ابله امل : ماتروحي تكلمبه عني
امل : امبييييييييه انتي من صجج .. لأ لأ لأ انتي شايفه كشتج امبيه لا لا لا ما اقدر روحيله انتي .. وبعدين انتي عبالج قاعده بالكورنيش ترا احنا بالجمعيه

ابله امل : أصل بتكسف

امل : ولين ابتلشنا بالمراهقه المتأخره؟؟ انزين ابله بروح له

ابله امل : بوصي .. انا حتصل عليكي وخلي السماعات مفتوحه بيني وبينك علشان اسمع ايه اللي بجرا بينكم

امل : انزين اففففف



راحت امل حق الشاب الحليوه وكان اهو صوب الاجبان

امل : ولين شبقوله هذا ؟؟ قــوه يعطيك العافيه

الشاب الحليوه : هلا يقويج
امل : شنو نوع الجبن اللي تحبه ..؟؟
الشاب الحليوه : والله احب كيري .. وانتي شتحبين احب كيري بعد وايد حلو

استانس الشاب

الشاب الحليوه: شسمج ؟
امل : اسمي امل
الشاب الحليوه: عاشت الاسامي يا امل

جان تتليقف ابله امل . لانها قاعده تسمعهم جان اتقول

ابله امل : وانا كمااااااااااااان اسمي امل .. وانت اسمك ايه ؟

الشاب الحلوه: شسالفه حسيت بصوت

امل ويها صار احمر وقالت

امل : لا ماكو صوت .. يتراوالك .. اي ما قلت لي اسمك

الشاب الحليوه : اسمي احمد
ابله امل : الله ياسلام بحب اسم احمد

احمد : مو قاعده تسمعين صوت جنه وحده مصريه تتكلم ؟؟
امل : هااااااا آآآآ لا لا ما سمعت

احمد : وتحب اسمي بعد
امل : ها هاهاهاها يتراوالك

وكانوا يتمشون احمد وامل ويسولفون .. وانبطت جبدها ابله امل
ابله امل اتكلم امل بالتلفون وتقول لها

ابله امل : ما تكلمي الواد عني
امل : واهي تعلب بشعرها علشان ما يحس احمد .. انزين صبري صبري

احمد: شرايج نروح نحاسب عقب نروح كوفي شوب نقعد في
امل : اوكي ماعندي مانع

ابله امل : يالهوووي هو انتي حتطفي الوااد مني


وتركض ابله امل تركض تركض تركض ولما شافتهم

ابله امل : ياحمد ياحمد انا هنا يا جميل

جان تتزحلق المسكينه و وصلت عندهم

امل : ابله امل اشفيج
احمد : ابله امل ؟؟ شسالفه ؟؟ ومنو هذي جنها جيب يوكن مقلوب

امل : هذي ابله امل كانت تبي تتعرف عليك
احمد : يمااا لأ لأ يمعوده مشكوره .. ترا مابي ادبس هالتدبيسه

ابله امل : باحبك ياحمد
احمد : يـــه وتحبني بعد .. لا يحوشك يالله باي


وراح احمد .. وانكسر قلب ابله امل مسكينه كان عندها امل في انها تحبه وتتزوجه


********************
و توته توته خلصت الحدوته حلوه ولا كتكوته ؟؟

عفـــاريـت .. أبله أمل

كان ياما كان في قديم الزمان .. كان في بنوته اسمها أمل

وكانت هالبنوته حدها دعله ومطفره مدرسينها وكانت اخر سنه لها بالمدرسه .. وكله اطفر ابله امل


رن جرس المدرسه .. ودخلوا الطالبات الصف


أمل : اففففففففف
الطالبه : اشفيج اتأففين تونا ما قلنا بسم الله
أمل : أدري بس مالي خلق أبله أمل
الطالبه : حرام عليج يا حلوها حبوبه وفقيره مسكينه


طبعا أبله أمل مدرسة كيميا .. وعلى نياتها

دخلت ابله امل الصف

أبله أمل : السلام عليكو يا بنات
الطالبات : وعليكم السلام وحمة الله وبركاته
أمل : اففففففففففففف

خذت ورقه وبدت اتقصصها

أبله أمل : يلا بينا نروح المختبر يابنات
أمل : هيااااااااا وناسه
أبله أمل : بت يا أمل .. وناسه دا ايه بوصي لو لئيتك بتبصي من الشباك حضربك
أمل : ابله يلا عاد اتغشمر وياج

أبله أمل : ما تتغشمريش معايا دا انا بعرف حركاتك

امل : انزين

دشوا المختبر الطالبات .. والمختبر كان في ضدفدع محطوط من الحصه اللي قبل حق طالبات كانوا يدرسون مادة الاحياء

امل اول ما دشت

امل : وييييييييييييييييييييييع
ابله امل : ايه في ايه يابنات في ايه

امل : لاعت جبدي من الصبح ضدفدع ليش ما شلوته

ابله امل : بوصي انتي دلوعه اوي يلا روحي شيليه وحطيه على الطاوله التانيه

امل : امبيه لأ لأ انسي الموضوع
ابله امل : هو انا وحده من صحباتك ؟؟ يابت بوصي ما تخليج العفاريت تتنطط في وشي دلوؤتي

امل : يالله صباح خير شنو هاليوم المشؤوم اللي اوله ضفدع
شالت امل الضفدع المحطوط داخل القرشه

امل : ويييييييييييع ابله لاعت جبدي

ابله امل : سلامت شبدش يابنتي
امل : ابله تطنزين ترا صج لاعت جبدي
ابله امل : ما اولنا سلامتك اعمل لك ايه
امل : ممممممم
ابله امل : وبتفكر كمان ... بصوا يابنات بكره في امتحان فصير

امل : لااااااااااااااا ابله لا لا الله يخليج
ابله امل : ماخلاص يابت .. من الصبح انتي أعدالي ما خلااااص ارحميني

امل : ابله قاعده اقولج الله يخليك الله يخليج تعرفين يعني شنو .. يغني ربنا يخليكي

ابله امل : ربنا ياخدني كدا كويس ؟
امل : لا ابله مو لي هدرجه
ابله امل : عاوزه تلغي الامتحان ليه ؟؟
امل : عندي عرس باجر
ابله امل : عرس يعني ايه ؟
امل : يعني فرح
ابله امل : هو انتي حتتجوزي ؟؟
امل : ابله جان زين جان افتكيت من الكيميا بكبرها
ابله امل : اماااال فرح مين ؟؟
امل : عرس بنت خالتي .. ولازم اروح السوق ولازم اروح الصالون عندي حوسه ابله و..

ابله امل : خلاااااااااااص هو انتي حتئوليلي قصة حياتك

امل : موافقه ابله ؟
ابله امل : لأ طبعا .. يابنتي دا المتل بيئوول المعاريس اتنين والمجانين الفين .. وانتي مجنونه من المجانين الالفين

امل :ولين ابله حرام عليج ما كسرت خاطرج توني شايله ضفدع وحالتي حاله ما كسرت خاطرج ؟

ابله امل : لأ .. اخرسي بأ خلينا نيتدي الحصه


بصوا يا بنات نجيب حمض ال اتش سي ال ونجيب لوح الخارصين

امل : ابله ابله ابله ابله
ابله امل : عايرزه ايـــــــــه.. ما ترحمي امي

امل : ابله بلييييييييييييز ترا انا مو دارسه عفيه اجلي الامتحان
ابله امل : مش حرد عليكي

امل : ياربي
وخذت امل القلم واهي اطق طق في بالطاوله

ابله امل : بت يا امل
امل : نعم ابله
ابله امل : انـــا كرهـــت اسم امل
امل : ابله انتي اسمج امل
ابله امل : منــا عـــارفه

امل : زييييييين خلاص كملي الحصه لا يطق لج عرج ولا شي
ابله امل : انا عفاريت الدنيا بتتنطط في وشي .. حئتلك

امل : ابله العفاريت ما قالت لج يامجرمه
ابله امل : العفاريت بتئولي خلينا نكمل الدرس هو احنا كنا فين

امل : ابله انتي ما تنسين ؟؟ عفيه ذاكره
ابله امل : تاني يا امل ؟؟ انا حغير اسمي اصلي كرهتك وكرهتو






وظلت امل اطفر ابله امل لوووول و توته توته خلصت الحدوته حلوه ولا كتكوته ؟؟


*************
تبون انكمل مع ابله امل ؟؟؟

وبعدين مع تعدد الزوجات ؟؟

أحييكم شبابا وبنات مدونين ومدونات من قلب الحدث .. في غرفتي اللي اهي منبع أفكاري


في الفتره الاخيره وعند زيارتي لكذا مدونه .. الاحظ التعليقات من بعض المدونين كله تؤيد تعدد الزوجات


الحين انت بروحك اول ما تتزوج تقعد تشتكي من الزواج هالمره تبي تنتحر وتتزوج ثنتين وثلاث واربع



أدري الله حلل .. يايه انتي يا واي مي بتحرمين ؟؟

لا لا انا ما اقول جذي .. بس اقول تعدد الزوجات الله حلله لاسباب معينه

منها اذا كانت المره ما تييب عيال
اذا كانت مريضه .. اقصد مريضه يعني مرض مستعصي سم الله علينا وعليكم

جذي يعني ما تحضرني اسباب وايده بس هذيله اهم الاسباب .. لان دينا دين يسر وليس عسر يعني علشان الريال ما يطلق مرته ويمكن اهلها منهم ميتين ومنهم محد لها بالدنيا اصلا وعلشان مرته ما يشردها يتزوج عليها لان يبي يتزوج ثانيه



اللي بقوله شسالفه يا شباب ؟؟

المؤيدين للتعدد الزوجات وايد مشالله عليكم اي ليش عاد ؟؟ شنو السبب ؟؟

اذا عندكم اسباب اخرى قولولي نوروني انا اختكم

;p


ومع هذا حتى لو تحاولون تقنعوني ماراح اكون وياكم من ناحية هالفكره

اشلون اييك قلب اتحر زوجتك حبيبتك .. ام عيالك ؟؟

اشلوووووووووووووون ؟؟


بتقول راح اعدل بينهم ؟؟ ترا حجي .. ماراح تعدل بينهم


ممكن اتقول اتزوج علشان اادب مرتي .. لا لا شكو التأديب جذي ايي لا لا


لماذا يفتح الرجل بابه لزوجة ثانية؟ هل لأنه يستند على التشريع الإسلامي الذي يحلل تعدد الزوجات ؟ أم لحاجته إلى أن يخفف صداع رأسه من زوجته الأولى، أم لأن هنالك مبررات أخرى لذلك، وهل يحل تواجد الزوجة الثانية أزمة حقيقية لدى الرجل في الوقت الذي يهز من صلابة زوجته الأولى، وقد يصيبها بالإحباط، أم أنه يقع في مزيد من التخبط، والأرق والإزعاج. ربما نتساءل أيضا هل تجلب الزوجة الثانية السعادة والفرح الذي ينقص الرجل، وتزيح عن كاهله الهموم والتعب، أم أنها تورطه بالكثير من الأعباء والمشاكل؟ و ماذا تضيف الزوجة الثانية إلى رصيد العائلة المستقرة أو غير المستقرة نفسيا وماديا؟

ومن المستفيد الاكبر في زواج من الزوجيه الثانيه ؟؟

هل هي الزوجه الثانيه ؟؟
ام الزوج ؟؟





************************

همســـــــــه
مالقوا بالورد عيب ... قالوا أحمر الخدين

ويـــن الغلـــط !!

يفتقر مجتمعنا الشرقي الذكوري الى ما يسمى الاتيكيت في فن التعامل مع المرأه

يعني انا لو تسمحون لي اتكلم عن فئه .. فئه معينه وحطوا تحتعا خط .. هذي الفئه لااسلوب بالكلام ولا بالمعامله



شي يضيق الخلق .. واللي يخليني أتسأل ليش هالفئه المعينه اتعامل المرأه جذي يارترى ؟؟

هل هو فقر التربيه في اهمية المرأه واحترامها ؟؟
دينا كرم المرأه ليش انت اتنزل من مستواها ؟؟





بذكرلكم موقف صارلي

كنت في مجمع تجاري لاهيه قاعده اقرق بالتلفون المهم شفت وحده ذربه طالعه من محل و وقفت عند الاصنصير يوم وصل الاصنصير ولا يأ واحد مااااااااشي بسرعه دش الاصنصير قبلها واهي مسكينه تراجعت وخلته يدش بروحه .. انحرجت مسكينه مع ان اهي اللي كانت طالبه الاصنصير قبله
كلش مو جنتل مان كلش


انا هني انصعقت شنو هالتصرف !! ليش جذي ليش ؟






ومره

دشيت الاصنصير ولا واحد شافني من بعيد جان يركض يركض يركض يركض
يوم تسكر باب الاصنصير حط ايده .. ويتبطل الباب ويدش عادي اهو الموقف وايد عادي بس ماكان له داعي تركض وتسوي افلام هنديه عادي انطر اشوي الدنيا ماراح اطير
خرعني : (










في خلل بالتربيه يمكن ان يمكن بعض الاهل يفضلون الشباب على البنات في التربيه هني الشاب عباله اهو سوبرمان زمانه يسوي اللي يبي ومايحترم احد ولا يحترم ولا بنت .. للاسف الشديد هذي الفئه من الناس فئه كثيره لا تكن الاحترام للمرأه .. وايد اشوف واحد لي صار موقف ما يستحمل الاخ لازم يزف مرته بالطريج ليش بابا ؟؟

انطر لي رديت البيت


لا لا علشان اهو ريال والنعم فيه والله .. والنعم الرجوله
وين المشكله لي تكلمت وياها بكل هدوء وابتسامه ؟؟ وين المشكله ؟


أرجع وأسأل وين المشكله

هل لان مجتمعنا شرقي ذكوري ؟؟








ملاحظه: أشكر كل المدونين اللي تفاعلوا معاي في البوست اللي طاف وأشكر المدونين اللي سألوني عني بالايميل .. إيميلاتكم ونستني والله وريحتني مشكورين وايد .. نخدمكم في الافراح ان شاء الله

لحظــــــــة ضعـــــف

مادري بالفتره الاخيره وايد حساسه .. اي شي يبجيني ما استحمل كلمه من احد ولا اسنحمل حتى نصيحه


تقولون لي اقري قرآن علشان الله يهدي بالج .. قاعده اقرا والله


بس مظايقه .. والله العظيم مظايقه .. مظايقه وايد .. ورب الكعبه مظايقه



انا اعتذر على هالبوست المأساووي اشوي .. بس لو الموت حلال جان انتحرت وفكيت عمري



سامحوني كتبت هالبوست في لحظة ضعف وكل انسان اتييله هاللحظه وان شالله ما تييكم


**********

همســــــــــــه

دموعي تقدر اتعبر عن همستي

تصـــرفات لا إراديــــه

ساعات الواحد من كثر ما اهو متوتر يتفق مع نفسه ان ما يقول جمله معينه او كلمه معينه بس للأسف من كثر التوتر يقولها يقول هالكلمه او هالجمله موبيده من التوتر

على حسب اذا كان هذا التوتر بسبب لقاء الحبيب او كان هالتوتر من شي تعرض له وخلاه معصب و متوتر او مقابله عمل او ... الخ



كثير في حياتنا اشياء توترنا وتخلينا على اعصابنا .. بس اللي يبط الجبد التصرفات اللا اراديه اللي تصير عاد كل انسان وتصرفاته


واذكر لكم موقف شخصي حصل لي .. كنت طالعه ويا اختي ولازم ما نتأخر لان بييونا ضيوف في البيت وكانت هالطلعه وايد ضروريه ... وقاعده ادور مصفط واختي تطحن يمي بسرعه بسرعه بسرعه .. يننتني






المهم ركبنا الاصنصير ولا ريال دش ويانا واختار الدور الخامس مثل اختيارنا المهم صخه بالاصنصير ولما تبطل الاصنصير .. الريال اللي ويانا كان ابويهه ريال جان يقول


الريال اللي ويانا في الاصنصير : السلام عليكم

الريال اللي بويهنا : وعليكم السلام ورحمة الله وبركاته

واي مي : السلام عليكم
شكوووووووو انا اسلم على الريال مادري لوووووول

الريال اللي بويهنا : وعليكم السلام ورحمة الله وبركاته

وعقب ما مشينا اشوي

اختي : هاهاهاهاهاهاهاهاها
واي مي : تضحكين ها .. بالله الحين انا شكو اسلم على الريال والله فشله
اختي : ما عليه السلام لله
واي مي : ادري ان السلام لله .. بس فشششششله شفيني انا انثولت مره وحده








وكملت طريجي ويهي احمر لووووووول


******************

همســـــــــــه

أذكر بعادك .. أذكر جفاك .. أذكر عنادك
أين الوعود .. أين عهود الغرام؟؟