قالي : ما تطلعين من البيت وانتي مو متريقه أزعل
قلت : انشالله
وفي ذاك اليوم ما تريقت .. مريت بقاله علشان أخذ لي كوكيز او اي شي ينوكل الصبح
شفت ريال كبير بالعمر
قالي : صباح الخير .. وانشالله دايما صباحج خير
قلت له : صباح النور
هالريال اللي يشتغل في البقاله ويهه سمح .. طيب حبوب .. حتى صباحه غير.. لي مريته الصبح وقالي صباحج خير صج صج يومي يصير غير
وأنا من خلال هالبوست أقولك صباحك خير وعسى دوم خير
...........
عبد السمط
أخوي الصغير : تحبين عبدالسمط
واي مي : منو عبد السمط؟
أخوي الصغير : اللي وياي بالروضه اسمه عبد السمط
واي مي : حبيبي اسمه عبدالصمد مو عبد السمط
أخوي الصغير : لأ اهو قالي اسمه عبدالسمط عبدالسمط أقولج عبدالسمط
واي مي : زين عبدالسمط
أخوي الصغير : أنا أحب عبدالسمط .. انتي تحبين عبدالسمط؟
واي مي : يادي عبدالسمط .. اي أنا أحب عبدالسمط
........
نسكافيه
يتكون النسكافيه من القهوه الساده و كوفي ميت وسكر
هكذا هي الحياة .. كالنسكافيه
شوية سواد
وشوية بياض
وشوية حلى
.......
قلبك
لؤلؤة الحب
وجوهرة الطيبه
ومصباح عشاق التقوا في ظلام دامس
ليطفئوا وهج الشوق
من هنا وهناك .. ابتسامتك كقطرات المطر
تغير بها كل مفاهيم البشر
وأدري قطعت عليكم القصه .. راح أكمل القصه .. بس حبيت أغير اشوي عشان محد يمل
: )
*******
همســــــــــه
أنــت هـــو حلمــي المنتظــر
24 comments:
سلم الله قلبج
حلوة وايد ..... نسكافيه
منو .. حلمــي المنتظــر
اخو عبدالسمط المنتظر
بوست رائع كما انت دائما
حفظك الله
Ja
عمتي يابت ولد
سمته عبدالسمط
:)
التفاؤل شيء جميل
وصباح الخير
السلام عليكم
بقالة @@ اثاريج قاصة على الريال و مو معطيته فلوسه من شهرين والمسكين يقولج صباحج خير ها ؟
عن العيارة حزحز عطي الريال حقه :)
النسكافيه فيه 3 انواع من الخليط اما الدنيا فإهي مثل علبة الماكنتوش اللي اتعيزين وانتي تاكلين وما يخلص :)
حلوه هالوقفات هذه صباحج خير اختي :)
عيل صباحج خير
اول شي قاعد احاول اربط بين البوست والقصة .. ماقدرت اربط !! شالسالفة !!
اها اها اها اثاري كلمات من القلب الى القلب :)
يالله عسى تكون الكلمات كلها من القلب لي القلب .. اكثر مصداقية واكثر مصارحة واكثر اريحية :)
ناطرين التكملة :)
وتحياتي ..
ويسلمواااااااااااااااااااااا :)
عساها دوم الكلمات تكون القلب ويه القلب والايد بالايد
فكره حلووه ليش الناس ماتسمي عبدالسمط
صح كلامج الحياة مجرد نسكافيه
عجبتني سالفة عبد السمط :)))
بالنسبة للحياة بالضبط عندي نفس الفكرة كنت ناوي أحطها بمقدمة كتاب ياي .. بس مو نسكافيه .. شي ثاني مابي أقوله عشان لا أحرق الفقرة ;p
ناطرين القصة .. قوليها لا نطلع مظاهرات :))
إلى الأمام دائما أخيتي :)
كااااااك اخوج يهبل اهم شي ان مصمم على عبدالسمط
تحفة لووول بوسيه حقي بليز
:P
تحليلج لموضوع النسكافيه خطييير
و يعطيج الف عافية
:)
عبدالسمط يزرط، والله عجيبة
:)
لما يصير بالبقسماط يصير عبدالسمط
عرفتي؟؟
عاش عبد الصمط!
:)
تمام بوست رائع
اعجبتني فلسفة النسكافية
صحيح هالدنيا فيها الابيض والاسود
الصورة جميلة احسنت الاختيار
حلو حلو حلو
موغلط
فرصة ان احنا ناخذ بريك على مانشوف
التمرد
عبدالسمط
هذا خل يحطون بجنطتة اكل الصبح مسكين
يا سلام عليج يا واي مي
شبهتي الحياة صح
وصباحج نسكافيه حالي بالعسل
وناطرين تكملة
البوست مو طوليييييين
وسلامي لعبدالسمط
وراعي البقاله الي كل يوم تمرينه وما تدفعين
:)
.:***
النسكافيه ..
وايد عجبتني سالفة النسكافيه
بس تدرين وين المشكله ؟
اذا صارت حياتج كلها قهوه سوده مررره
بالنهايه فيفا حليب كرنيشن
بوست خفيف وحلوو
بس تحليل النسكافيه ضيق خلقي لاني اشربها ساده :|
صج صج صج
احنا محتاجين حق كلمة صباح الخير انوجهها لاى واحد انشوفه
ترى الكلمة البسيطة لها معانى كبيرة
ويعطيج العافية
من القلب الى القلب:
صباح الخير
والحليب والنسكافيه
:)
بوست خفيف ويونس
أبو لطيف
الله يسلمك ويحلي أيامك
شرفت المدونه بمرورك الحلوو
حرام عليك
حلمي المنتظر مو اخو عبدالسمط
:(
لوول
==
sologa-bologa
صباحك ورد وياسمين
صباحك معطر بنكهة التوت والكرز
اشوف اسم عبدالسمط انتشر
;pp
==
someone_q8
ولين هذا اللي بيطلع علي اشاعات
لوول
والله اعطيه حقه حرام عليك
لوول
مو كفايه مسميني حز حز
;pp
نورت ومرورك يشرفني ويسعدني
صباحك ورد :)
==
ابو الدستور
صباح الفل والسايمين
صباح الخير على اهل الخير
:)
==
كويت الخير
صباح الورد
لا هذا البوست بريك اعلاني صغير ونعود من جديد
:)
==
المباركيه
الله يسلمك يارب
أشوف عاجبك اسم عبدالسمط؟؟
;pp
==
أحمد الحيدر
اووه شلي صار توارد افكار
حلو المره اليايه بركز عدل عشان ابوق فكرتك
وحاضر بكمل القصه لا تعفسنا وتسوي انقلاب بعدين ترا ما اعرفك
;pp
==
TruTh
الله يسلمج حبيبتي
وراح ابوسه لج
:)
==
-mate
لوول
==
بروفسور حمادوو
اها بالبقسماط
تحليل سليم
;pp
==
صلاح
لووول
عاش عاش
==
الفنان
شكرا شكرا
كلك ذوق والله
:)
==
بوفهد
لووول
==
صبا
اهلا
صباح الياسمين
تسلمين حياتي انتي
يبا والله عطيته فلوسه كله من سم ون كويتي يطلع علي اشاعات
;pp
==
Engineera
حده حزتها مالج الا الحليب
:)
==
ANGEL HEART
لا يضيق خلقيج لاني انا بعد اشربها ساده
صباحج ورد يا ورد
:)
==
قانوني كويتي
بالضبط احنا محتاجينها وايد وايد
اهلا بزيارتك الاولى
:)
استكانه
صباحج ورد وياسمين
وهذي من القلب الى القلب
يا احلى قلب
:**
بوست حلو والله
عجبتني سالفة النسكافيه وااايد
عجيبة
صراحة بوستاتح الاخيرة كلها مميزة
شنو السر
؟
:)
7osen
صباحك ورد وياسمين
الف شكر لك
:)
والله مادري .. يمكن الراحه النفسيه لها أثر كبير
أشكر متابعتك ومرورك
:)
Post a Comment