حابه أذكركم في العوامل الرئيسيه في قصتي .. الاحداث تدور بين بنت اسمها أمل .. والمدرسه أبله أمل
أبله أمل .. هي مدرسة لمادة الكيميا في مدرسه خاصه
ونبتدي أحداث قصتنا
اجتمع المدرسات و الناظره مع إدارة المدرسه صباحا في تمام الساعه الثامنه
الإداره : يا مدرسات لازم نتأقلم مع الاحوال والاوضاع الاقتصاديه اللي صايره
أبله أمل : يعني إيه يختي ؟
الإداره : يعني يا ابله لابد من تقليل من رواتبكم
أبله أمل : ايه ايه ايه ايه ايه ؟؟
الإداره : اذا ما قللنا لازم نستغني عن جزء من الموضفين .. احنا مانبي نخسر كفاءه متميزه فلابد من التأقلم
بالاضافه الى ان جزء من أولياء الامور اللي قاعدين يستغنون عن شغلهم وفي منهم اللي يطلع واللي يسافر هذا كله بسبة الازمه الاقتصاديه .. وطبعا علشان يقللون مصاريفهم قاعدين يسحبون قيد أبنائهم وهني راح اتكون مشكلتنا راح اتقل مصاريفنا والاقبال علينا
الناظره : معاج حق لابد من التأقلم
أبله أمل : تأقلم ايه ياختي ؟؟ المعاش وحيبآلي نصه أعمل ايه انا بأ اخر الشهر أشحت يعني
الإداره : كلنا راح تتقلل معاشاتنا مو بس انتي يا ابله
الناظره : كلنا راح نتأقلم مع هذا الوضع احنا مطرين .. وأتمنى المساعده هني من المدرسات الاجتماع انتهى .. اتمنى من كل مدرسه الحين تروح حصتها لو سمحتوا مانبي حصص البنات اتضيع اليوم
كانت ابله امل .. تمشي بروحها غارقه بالتفكير والمصاريف اللي مولاقيه لها حل .. ودخلت الصف ابله امل
ابله امل : السلام عليكو يا بنات
الطالبات : وعليكم السلام
ابله امل : مافيش حصه النهرضه
أمل : ابله ليش؟
ابله امل : مليش نفس أشرح
أمل : أبله ضميرج راح يأنبج
ابله امل : ضمير ايه يابنتي .. في فلوس في ضمير ما فيش ما فيش ضمير
أمل : ليش ابله ماراح يعطونكم معاش؟
ابله امل : لأ يا ختي .. حيلهفو نصه علشان الاوضاع المتنيله
أمل : ابله قزريها دروس خصوصيه
ابله امل : آآه والله فكره يابت .. جبتيها
أمل : ابله انا صاحبة الفكره النص بالنص
الطالبات : ها ها ها ها
ابله امل :نعم ياختي انا أتعب في الشرح وانتي تاخديها كدا
أمل : عيل شون عيل
ابله امل : لأ يا حببتي .. انتي تعملي شاي وأهوه
أمل : ليش ابله انا خدامه؟
الطالبات : ها ها ها ها ها
ابله أمل : اااة يا حببتي .. عايزه تاخدي فلوس كدا .. ما فيش يا حببتي
أمل : بس هونت يبا مابي .. يالله بتخلص الحصه نبي ندرس ونفتك من هالماده
ابله امل : ايه اللي حاصل النهرضه .. امل عاوزه تدرس .. يا ختي اتنيلي
وفجأه رن تلفون أبله أمل .. ترن ترن
امل : ابله شنو نغمة الصعايده هذي فضحتينا
ابله امل : اخرسي يا بنت دا ترااااااس
امل : يا معوده انتي وراثج
أبله امل : الوو
المتصل : مرحبا اختي .. معاج سالم من شركة كاب كويت
ابله امل : بتاعت ايه الشركة دي ؟
المتصل : احنا شركة تداول للأوراق الماليه
ابله امل : ايوه عاوز ايه يعني
المتصل : اسمج طلع معانا .. واحنا حابين نهديج كورسات مجانيه في ادارة فلوسج في البورصه والتداول وغيره
ابله امل : نعم يا بني ؟ فلوس ايه ؟ كوسات ايه ؟ عاوز انت اديك دروس في الكيميا ؟؟
المتصل : نعم؟
ابله امل : جتكو نيله مانتوا اساس المصايب دي .. وبعدين مش عاوزه كورسات ولا حاجه ما عنديش فلوس اصلا عشان اديرهم
المتصل : مدرسة كيميا وماعندج فلوس ؟؟ انتي اغنى مني حدج مقزرتها دروس خصوصيه
ابله امل : في ايه اهو انت عاوز تضربني عين تسدحني في الفراش .. يا شيخ إتلهي مش حضيع شقا عمري كله في بورصه ما عرفش ايه
المتصل : طيعيني باجر اتصيرين غنيه وما تحتاجين دروس خصوصيه
ابله امل : اللــــــــــــــه اهو انت حتلزء لي .. مألونالك مش عاوزه
وسكرت التلفون في وجه المتصل
أمل : ابله شيبي منج
ابله امل : انتي خليكي في الدرس أووومي إمسحي الصبوره
امل : لا ابله خلج اقتصاديه اشرحي شفهي .. مو الا صبوره الطباشير يحتاج فلوس والفلوس هذي ياخذونها من معاشاتكم علشان يشترون طباشير عقب انتي ادرسينا في
ابله امل : ما تمسحيج الصبوره .. وما فيش درس النهرضه .. دا ايه اليوم المنيل ده ؟؟
وللحديث بقيه
18 comments:
هههههه
رديتي على ابله أمل
احسن من سوالف السفر و الرحلة الى الجزر
:)
أبله أمل شنو موقفها لما قرت أمس تعليق محافظ المركزي
القادم أسوأ؟
abu eldestor
دوم الضحكه
اي والله ولهت على ابله امل .. وبعدين اهي جزء من عالم الواقع
:)
nanonano
احتمال سكته قلبيه وتمووت
لوول
شكلها خوش سالفة .. مترقبين يا ابله :)
الظاهر ماتحبين اسم امل .. والدليل الابله والطالبة اسمهم امل !!
كلش ابله امل مو مصرية !!
وتحياتي ..
ويسلموااااااااااااااااااااااا :)
الحين أبلة أمل ما تعطي دروس خصوصية
و في نفس الوقت ما عندها نفس تدرس الطالبات لان معاشها مخصوم
على القاعدة الاولى فهي تقوم بمهمتها للتعليم مو للفلوس
و على القاعده الثانية اللي قاعد يحركها للتعليم هو الفلوس
شلون نجمع بين الاثنين ؟
الله لا يسامحك يا ارسطو ..
.
.
.
اذكر أيام الثانوية كان عندنا مدرس قايم و قاعد يطب بالمدرسين الخصوصين ، يوم من الايام و انا رايح بيت صاحبي بالفريج اللي يمنا و لا اشوفه يطلع من بيت هناك :) .. ويهه صار كوكتيل لما شافني
.
.
حل مشكلتها سهل الابلة امل ، تنشئ شركة للدروس الخصوصية و تنطر اقرار قانون الحيتان :)
Q8EL5AIR
loool
لا عادي ماعندي مشكله مع اسك امل
بس خطرت ابالي هالفكره
لا كلش اهي مو مصريه
منو يقول
;p
Safeed
خو هذا اللي صاير الحين .. يتحجون عن شي والتطبيق شي ثاني
ومدرسك هذا اكبر مثال
صك على ابله امل
;pp
خوش أبلة هذي .. مسوينها سمردحة البنات ;p
يعطيج العافية حلوة القصة .. ناطرين بعد :)
خل تدرس خصوصا شوراها ..!!!!
شاللي مودر عيالنا غيرهم
القصه ممتعه
و الحديث مشوق
متابعه
أحمد الحيدر
لوول
اي اذكر قبل ايام المدرسه .. كانت ابلة الانجليزي كله نقلب حصتها سمردحه
لوول
بس ابله امل غير
;p
حياك الله اسعدني مررك الكريم
==
ReLaaaX
حده
==
عفره
بعد عمري والله
:)
هههههههههههههههه
حبيتها
ذكرتني
بأبلة جيهان بتاعت الزراعة:D
بس انا للحين ناطرة قصة غيداء:P
السلام عليكم
مضطرين = مطرين
موظفين = موضفين
شيبي = اشيبي
هذا مو تصيد لكن الظاهر وانتي تكتبين البوست كنتي يوعانة او مستعيلة او امعصبة ودج اتحذفين احد بأكبر شيء يمج ... يمكن يمكن يسويها البخت :))
على العموم الى الامام دوما :)
مشكووووورة
يااستاذه التمرد على السؤال
راعية اصول وواجب
ومار اسلم يالغاليه
جاتك نيلة يا ابلة امل اييه لدرقا دي بتحبي الفلوس ;p
كبرياء ورده
لول
كل ما احاول انسيكم اتردون اتذكروني
;p
==
someone_q8
تبي الصج
كنت يوعانه
:)
==
بوفهد
يا هلا ومرحبا
:)
الله يسلمك ويخليك يارب
==
عبادي
لووووووول
p5m95o1t30 k4y35s8f82 i9q55i8g11 g2m81p2b52 p7x20k0g85 v5v40f2g04
Post a Comment