اللي إنكسر ما يتصلح .. هذا اللي اعرفه
واللي اعرفه ان حتى لو تصلح .. مستحيل يرد مثل قبل
هي : ما تراعي مشاعري .. أنا مو محتاجتك
هو : ماشي
بعد فتره من الزمن
هي : ما كان قصدي .. سامحني
هو :خلج عند كلمتج قولي اني مو محتاجتك
هل لازم إهي إتذل نفسها عشان اهو يرضى عليها ؟
من المؤكد إن العلاقات بين الناس مبينيه على الثقه والتفاهم .. بس لو يت كلمه وجرحت الطرف الثاني مستحيل الطرف الثاني أن يقبلها .. وحتى لو قبلها .. مستحيل يرد كل مثل قبل
شلون كلمه تكسر علاقه بين الطرفين؟
وليش لو اترد العلاقه .. مايرد مثل قبل؟
لان في شي انكسر.. مستحيل اللي ينكسر يتصلح وحتى لو تصلح ما يرد مثل قبل مستحيل
قد تصل العلاقه بين الطرفين الى حد الانفجار .. ولكنها ساكنه لا تتحرك لكي تؤدي الى الانفجار فيكون الكسر هو الحل
هي : أنا فعلا مو محتاجتك
عندما يصل الطرف الاول الى قرار انه لا يحتاج الطرف الثاني .. فهدا القرار ينبع من برود مسبق في تلك العلاقه الغامضه
ومن هنا نرى بأن الكسر .. ممكن أن يكون نهاية علاقه .. وبداية حياة جديده
*********
همســــه
لم أعُدْ قادرةً على الحُبِّ... ولا على الكراهيَهْ
ولا على الصَمْتِ, ولا على الصُرَاخْ
ولا على النِسْيان, ولا على التَذَكُّر
ْ
لم أعُدْ قادرةً على مُمَارسة أُنوثتي
فأشواقي ذهبتْ في إجازةٍ طويلَهْ
27 comments:
يقول الشاعر :
ان القلوب اذا تنافر ودها ** مثل الزجاجة كسرها لايشعب
فلهذا يكون الانسان حريص في علاقاته
خوصا الي يحس انها راح تخسره وايد اذا كسرت
العلاقات
بين الناس مثل لعبه شد الحبل
كلنا نعرف قواعدها
لكن بين العلاقات صعب نطبقها
فكرت اللعبة هني
اني اذا الطرف الاول شد
الثاني يرخي
واذا الطرف الثاني شد الاول يرخي
بهذا نحافظ على استمرار اللعبه (( اقصد العلاقة ))
شكرا
السلام عليكم
كل اللي ذكرتيه يعتمد على نوع العلاقة , هل هي علاقة زوجية ؟ ام علاقة حب بدون زواج ؟
اذا كانت علاقة زوجية فا اعتقد ان الكلمة الجارحه ما اتأثر وايد على هذه العلاقة يمكن يصير زعل لكن العلاقات راح ترد مثل ماكانت
اما اذا كانت علاقة حب فقط بدون زواج فهذا شيء طبيعي ان ما يرد مثل قبل لان لا يوجد رباط بينهم يحكمهم و يخليهم يفكرون اكثر من مره انهم ينهون العلاقة اللي بينهم واقصد بالرباط هو عقد الزواج
حتى لو قلتي ان بينهم رباط الحب فهذا ما يكفي بل الحب والعشرة الحسنة اهية اللي اتكمل هذه العلاقة
موضوعج وايد حلو و عجبني
بس ابي اقولج شغله ترى الناس الحين و بالاخص عندنا اهني مايعرفون يعني شنو حب و لا يعني شنو عاطفة فسواء العلاقاة تكون علاقة حب او حتى زواج هذا الشي ما يغير فيهم شي لانهم باردين عاطفيا الحب اذا كان حب صج راح يتنازل الطرفين بسبيله عن اشياء وايد و ماتكون الكرامة عائق بينهم صج جرح المشاعر عميق بس الحب اذا كان من الاهماق يتجاوز كل هالاشياء و اللي يبي احد صج من قلبه ما كو شي بالدنيا يقدر يرده عنه
سمعي اختي..
لا اعلم ان كان موضوعج حل.. او مشكله بحد ذاته،،
لكن دعيني ابشرج بانني افهم ماتقصيدينه بالتلسكوب.. ليس لسابق معرفتي بك وان كان ذلك يشرفني.. الا لان المثل العندليب يقول.. اسال مجرب،،
لاينكسر اي شيء فجأة.. من طبيعة البشر انهم يتحملون الصدمات.. لكن الى حد ما! قد يكون الموقف الاخير في العلاقة "مايسوى".. لكن هل تعرفين قصة "القشة" التي قصمت ظهر االجبل!!
نعم.. عندما تأتي العلاقة الى مرحلة ان لايتقبل الطرف الاخر اي اعتذار، فنحن وصلنا الى درجة التشبع من الاعتذارات، ووصلنا الى مرحلة اللا عودة الى سجن الصمت والقبول والتقدير..ليس الكسر على الضربة الاخيرة.. انما على فترة التحمل.. وعدد الضربات..
اما ان كنتي ترين ان كان الكسر يتصلح.. لا شيء مستحيل.. لكنه صعب الى درجة الاستحالة! لانها كيان وشخصية وشموخ نفس.. يتنازل الناس عن كثير من الاشياء.. الا احترام الذات!
لن أكون متشائما.. لكن مخزون الحب يجب ان لاينضب كذلك.. فاذا كان القلب فارغاً.. فهنا استطيع ان اقول ان العودة مستحيلة..
هل فكرت بالخسائر؟ كالعمر.. والوقت.. والهدايا.. والابناء.. والتفكير والهم.. الخ
لن يصبح لها قيمة اذا خسر الانسان نفسه.. سيجندها كلها لينقذ نفسه من سجن الصبر على صدمات حبيبته..
ستجدين نفسك، ان كنت تعيشينها لا قدر الله، في سجن في جزيرة.. لا ترين حولك سوى القيود و"كلام الناس" والعيب والحسرة .. والحيرة!
ستلجأين الى من يشير عليك.. ستتلخص استشارتهم بـ "نام عالجنب اللي يريحك.. بما لا يظلم الطرف الآخر!" لكن كيف؟ هي تقديرية..لايستطيع الحزم الا انت.. ولا يصيغ تقدير الحدث الا انت.. لكن لا بد من استشارة صديق.. ليس من وراءها اي مليون!
اسف عالاطالة
العلاقة بين اثنين
اي علاقة بالدنيا
ان كانت حب او حتى عمل
اذا خدش نسيجها فرقعا وتجبيرها لايحل المشكلة
انما يحيط ذلك الخدش بهالة ذات بريق
يلوح للناظر كلما تحرك النسيج
مستحيل ان يرجع الماء لشفافيته بعدما سقطت عليه قطرة من حبر كلمة
اما عن الاجازة الطويلة
فتحتاج لمسعف حقيقي
يعالج ماحطمه الزمن
موضوعج وايد حلو
يعطيج العافيه عليه
انا عن نفسي احس العلاقه بين اثنين مهما كانو هالاثنين شنو
اصدقاء ولا حبايب ولا اقرباء
اذا انجرحت علاقتهم ببعض سواء بكلمه او بفعل .. وسبب هالشي جرح حق احد الطرفين .. مستحيل يرد كل شي طبيعي حتى لو تم الاعتذار و توضيح الندم
.. اوكي ممكن اسامح بس علاقتي فيه ترد نفس قبل .. ما اتوقع !!
انا عن نفسي الشرخ الي صار بحياتي بيني وبين اهل و ماني متصوره لو صار واعتذرو او بينو لي ندمهم ان ارد معاهم نفس قبل خصوصا انهم اهل .. يعني نقدر نقول غلطة الشاطر بألف و انا اقول غلطتهم ولا بملايين ..
مادري قمت اتحلطم عندج لول
نايس بوست :)
طبع الإنسان مثل الشجرة
و روحه/ نفسيته مثل الصخرة
مثل الشجرة بأنه جذع صلب و ثابت ، يبقى مدى الأيام ما يشتكي ، حتى لو طقيت فيه مسمار ..
لكن يظل أثر هذا المسمار فيه ، حتى لو شلتيه .. يظل الجذع ثابت و صلب .. ينمو و يخضر .. و يبقى اثر المسمار فيه
ساعات ما نحس بقيمة الكلمة ، نقطها و تصير مثل المسمار المطقوق بالجذع ، نعتذر عنها و نشيلها و لكن نغفل ان أثرها باقي مهما كانت سرعتنا بشيل هذا المسمار
في نفس الوقت روحه مثل الصخرة ، تتحمل سقوط كل الاجسام عليها ، و نشوفها ما تتأثر .. نعتبر كلامنا ساعات مثل قطرات الماء تسقط على الصخرة .. مرة و مرتين و ثلاثة .. إلخ و ما نشوف لها أثر لذلك نستانس على السالفة و ما ننتبه إلى أن قطرة واحدة بامكانها كسر الحجر اذا استمرت بالسقوط على نفس المكان و بنفس الرتابة
تعاملنا مع الناس مهما كانوا لازم يكون بنفس تعاملنا مع الشجر و الحجر ..
في النهاية 50% من احكامنا في هالحياة هي احكام تصدر من الطباع و الروح مو من العقل المجرد :)
و إلا لتحولنا للآلات .. خالية من المشاعر
يصل الإنسان إلى مرحلة يتشبع فيها من كل شيء حوله
فيجد نفسه غير قادر على التحمل
ينجرح ويتأثر بأقل المؤثرات
ولا يستطيع تقبل أي تقصير في حقه
ليس من السهل أن يتشبع الإنسان ممن يحب ويعشق لكن البرود والقسوة والتجاهل المستمر يذيب القلب ويغلف بقاياه بغلاف صعب الخلاص منه
غلاف من التعب يستنزف قواك فتجد نفسك غير قادر على الاحتمال
فتصل إلى مرحلة تفضل بها الانعزال والابتعاد عن مسبب هذا الألم
فتجد نفسك تستغني عمن حولك,, قد لاتدرك هذا إلا بعد أن يحدث
"أنا مو محتاجتك" تنفجر معبرة عن كل مكنون القلب والعقل الباطن حتى لو لم تكن تدرك صحتها وقتها
غيبوبة مشاعر,, تتملكك فتجد نفسك عاجز عن التعبير عاجز عن الفرح عن الحب عن الألم وعن الشوق
الإجازة الطويلة ضرورة لإيجاد بقايا الروح وعلاجها وتهيئتها لمواجهة باقي مشوار الحياة..
يصل الإنسان إلى مرحلة يتشبع فيها من كل شيء حوله
فيجد نفسه غير قادر على التحمل
ينجرح ويتأثر بأقل المؤثرات
ولا يستطيع تقبل أي تقصير في حقه
ليس من السهل أن يتشبع الإنسان ممن يحب ويعشق لكن البرود والقسوة والتجاهل المستمر يذيب القلب ويغلف بقاياه بغلاف صعب الخلاص منه
غلاف من التعب يستنزف قواك فتجد نفسك غير قادر على الاحتمال
فتصل إلى مرحلة تفضل بها الانعزال والابتعاد عن مسبب هذا الألم
فتجد نفسك تستغني عمن حولك,, قد لاتدرك هذا إلا بعد أن يحدث
"أنا مو محتاجتك" تنفجر معبرة عن كل مكنون القلب والعقل الباطن حتى لو لم تكن تدرك صحتها وقتها
غيبوبة مشاعر,, تتملكك فتجد نفسك عاجز عن التعبير عاجز عن الفرح عن الحب عن الألم وعن الشوق
الإجازة الطويلة ضرورة لإيجاد بقايا الروح وعلاجها وتهيئتها لمواجهة باقي مشوار الحياة..
شالتحليل .. من أين لكي هذا :)
والله كلامج قمة في العدل :)
تدرين بعد شالمشكلة .. ان ماينكسر الشي الا بعد ما يكون كتلةوحدةومتماسك .. والي يبط الجبد اذا كان سبب الكسر " تافه " !!
ليش عاد جذي !!
وتحياتي ..
ويسلمواااااااااااااااا :)
الفنان
تعبنا من هاللعبه
:)
someone_q8
وليش ماتكون علاقة الحب مثل العلاقات الزوجيه؟؟
ليش مايكون فيها تنازل
:)
حياك الله نورت
:)
Anonymous
يا هلا ومرحبا
شكرا جزيلا
بالضبط عندنا برود عاطفي او بالاحرى .. محد مستعد يتنازل
:)
أستاذ حمام
يا هلا ومرحبا
تعليقك عجبني وايد
هي فعلا درجة التشبع من الاعتذارات توصل لي هالمرحله
نورت .. ولا تقاطع
:)
بتاح ... آلهة الفنون
بالضبط
:)
Engineera
لووول حياج الله حبيبتي
تحلطمي بلوقي مفتوح لتحلطمج
وبالضبط غلطة الشاطر بألف
على فكره صارلي نفس الموقف من ناحيه الاهل
معاج انا قلبا وقالبا
:)
Safeed
عجبني تشبيهك للشجره والصخره
انا مادري من وين اتييب هالتشبيهات:)
بس تشبيهات صحيحه وفي مكانها
:)
SKY
الكومنت هذي صج ابداع
هي درجة التشبع .. تسيطر على العقل الباطن
وتقنعه بضروره التخلي عن هذا الضغط
Q8EL5AIR
هذا من عقلي الباطن
:)
شكرا جزيلا أحرجتني
مو هذا اهو ليش يصير الكسر من سبب تافه
لان الطرق الثاني وصل الى حد الشبع من الاعتذارات
فيأتي الانكسار
:)
السلام عليكم
اختي الكريمة :))
اذا قريتي ردي بشكل كامل راح اتعرفين ليش
شوفي راح امثل لج هالعلاقة مثل
علاقات الحب تكون معلقة في السماء تسير مع الرياح واحيانا الرعد يفرق بينها
اما العلاقة الزوجية سواء كانت عن حب او عن طريق تقليدي فهي مثل الارض الطيبة تتأثر بالعوامل الطبيعية لكنها تكون متماسكة بسبب الجذور والاشجار لان اساسها قوي
واقصد بالاشجار هم الذرية اللي بينهم وبالجذور اهيه العشرة الطيبة
اتمنى ان هالمثال صار اوضح
صدقيني حزحز اذا مافيه شيء يربط بين المحبين بعقد شرعي متين ماكو فايدة
someone_q8
مثالك عجبني
وصلتني الصوره واضحه
================
صدقيني حزحز اذا مافيه شيء يربط بين المحبين بعقد شرعي متين ماكو فايدة
===
اي والله صاج
وبعدين حز حز دايما إتصدقك
:))
احيانا احنا نقط كلام ما نثمنه
بس اثره يبقى في الروح مثل طعنه السجين بالجسم
يمر الزمن ويلتئم الجرح بس يبقى أثر الطعن يشهد بالغدر
احنا يمكن نسامح بس ما نقدر ننسى في
شي باقي يذكرنا بالجرح
ولانا ما نقدر ننسى ما نقدر نرد العلاقة مثل قبل
برياء ورده
بالضبط لان اللي ينكسر عمره ما يتصلح
موضوع اثر فيني وايد يمكن لاني امر بنفسه هالايام تقريبا وبصراحه ماني عارف شلون اتصرف
فعلا قرار صعب حتى لو ودك ترد تحس الصمت اصبح رفيقكم الدائم تحاول تذكر الماضي الجميل لكن يظل اليوم المر يحوم حولكم
الاعتذار والتذلل اشوفه مايفيد ويكن ماهو المطلوب
لانك انت اليوم مادور على الكلمه اللي ترضيك انت قاعد تدور على الثقه اللي راحت وهذا اللي يخليك محتار ويخلي الصمت معاك
Hashemy
رجة التشبع من هالمواقف اتخليك محتار
فكر وشوب الطرف الثاني وصل لي اي مرحله
وانا مو مع ان الانسان يذل نفسه
أحب بلوق الخاص بك
شكرا
وحاضر من عيوني
:)
Post a Comment