.jpg)
السطحيه في التفكير .. السطحيه في الحكم على الاخرين .. السطحيه في النقاش والاهتمامات
زادت ماكانت جذي .. اهتمامات جدا سخيفه ... الا من رحم ربي
لما يكون ريال عمره 26 وفوق .. همه بس المغازل وملاحق البنات .. هذي سطحيه
الحين انت بدال ما تقعد قعد لك بمكان تقرا كتاب .. تركض بهالمجمعات ولا هايت بهالشوارع
لما تكون بنت اهتماماته فقط مجمعات وأسوقه وكوفي شوبات .. يعني كله برا البيت ماكو شي مفيد اتسويه
انزين ليش عندح وقت فراغ اطوله قسميه الطلعات حلوه .. بس هم ان يكون عندج اهتمامات أحلى
موقف
عرفت وحده قبل كانت تقولي .. قبل لا اروح شارع الحب لازم أبلغ أخوي لأن قال لها لي بيتي تروحين قوليلي علشان لا أروح وألقاج هناك
يوم انتي ويوم أنا
يعني يوم اهي تروح ويوم اخوها يروح
؟؟
تعليقي
خوش خوش خوش .. خوش اهتمام .. خوش طلعه
أنا ملاحظه حتى الجيل هذا اللي أعمارهم 15 سنه من البنات والشباب .. اهتماماتهم غيرنا واحنا قبل
الدنيا غير الدنيا
والسوالف غير السوالف
والاهتمامات غير الاهتمامات
هالجيل ماله أي اهتمام
الحوار معاهم جدا صعب .. ولو تكلمت وياهم بتطلع انت متخلف ورجعي
شكو التخلف بالاهتمامات؟؟
اوكي مو بس هالجيل .. في وايد من جيلنا اهتماماته ضعيفه .. اهي اهتمامات فقط التشيحط الزايد بلا هدف
أخوي الصغير بالروضه
من الحين طلعت له اهتمامات وهوايات ما يستغني عنها حتى بالطلعه كامرته وياه يصور .. خل يعرف قيمة كل شي حلو يشوفه خل يفهم ويعرف ان الانسان من غير هوايه يضيع ينتهي .. والرسم تعبير عن اللي داخله .. خل يكبر اشوي وامسكه كتب
لازم يكبر ومايكون سخيف مثل اللي قاعده اشوفهم
الله يستر
37 comments:
ببساطه لأن الأهل ما ركزّوا على تنمية هوايات و أهتمامات عيالهم
و خلّوا القرعه ترعى
و زرع المجانين يرعاه رب العالمين
nanonano
صاجه والله
عاد الميانين اشكثرهم زادوا
نورتي البلوق
:))
اي والله هذا ما هو مشاهد في كل مكان وصور منتشرة في كل العالم العربي.
بصراحة شي يحز بالخاطر لكن ما اقول غير الله يصلح شباب المسلمين.
مدونتك ممتازة.
وساكون من زوار المتابعين.
تقبل مروري
الحمد لله على نعمة العقل
ونعمة الايمان وحب رب العالمين
لان بهالطريقة يعرف الانسان اولوياته ويكرس يومة وساعات حياته بشء بفيدة دنيا وآخرة
هالزمن صار صعب
وما ندري التربية تكون حق الكبير ولا الصغير
الله يحفظج حبيبتي من شر الزمان
ويعينا على ان نعيش عيشة صالحة
لفته حلوة وموضوع مهم
:)
بوستج رائع جدا ويستحق ان يكون بشكل مفصل اكثر
الجيل اليديد ليس لديه اي طموح او اهداف ليحقق مستقبل باهر او ناجح
كل مافي اهتماماته مجمعات , سوالف الشجار وغيرها
لذا "لتعود حليمة لعاداتها القديمة"
اشكرج اختي العزيزه
تغير جذري
اللوم الأكبر على الأهل
وعلى المدارس
الي ما تهتم بهواية الطلاب
ندرين ليش !!
ما كو اهتمام من الاهل .. الكل منشغل بالدنيا وتجارته وسياسته .. واخر شي بالقائمة فكر وعقل الابناء !!
" الحب يطلع على بذرة !! "
زمن اقشر !!
اووووف .. لوووووووووووووووول :)
والله هذا من صجه !! خوش اخو والله !!
الظاهر مايبي ربعه يغازلون اهله بالغلط !!!
يرضى حق بنات العالم وماكو مشكلة .. و اهله خط احمر !!
" كما تدين تدان "
شكله بقلبج وااايد بعد :)
وسلميلي على مصور المستقبل .. عسى الله يوفقه ان شاءالله دنيا واخرة :)
شكله يهبل وهو يصور :)
لووووووووووووووووووول :)
وتحياتي ..
ويسلمواااااااااااااااااااا :)
ملح الحياة
الله يسلمج حبيبتي شهاده اعتز فيها بعد عمري مشكوره
===
Manal
اي والله
شنلحق عليه الكبير ولا الصغير صار ماكو فرق
!!
==
للكلمات بقيه
أتفق معاك في الكومنت
والف شكر لك
:)
===
ma6goog
متى يبدأ هذا التغيير؟
===
بانوراما
المدارس بنرقع شنو ولا شنو خلها على الله
احنا تعليمنا بروحه معتفس
شكرا على المرور الحلو
Q8EL5AIR
اي والله اي والله
قلبي متروسه.. خلني ساكته بس
وبوصل سلامك لمصور المستقبل
ترا كله يصورني وانا اكل كاكاوو
يصورني بالجرم المشهود
لووووووووول
حياك الله نورت
:)
اي والله .. صايرين ( تافهييين ) ابكل شي بالتفكير وبالاسلوب والمرادد وقله الاحترام .. والطلعات الزايده على غير معنى .. واااي جييل متعب جدا
الله يعين اهلنا على تربيتهم
على قوله ابوي حبيبي .. يقول حق اختي الي عمرها 16 .. انتي يبيلج قلب
كل ما زادت وسائل الترف والترفيه
زادت الرباده وزاد الكسل وزادت السخافه
=/ سبحان الله علاقة عكسية الله يجيرنا من هالزمان
قبل فترة كنت اشوف مسلسل الداية
وكان مشهد عادي بس اخييييييه تمنيت لو كنت عايشة اللحظة
حياة الفهد وزوجها قاعدين بالحوش بعد المغرب ويشربون جاي واحس الجو روعة لول مادري شالطاري بس يحليلهم ترى احس قبل مستحيل الواحد كان يقول افف ملل
^^ يمكن طلعت شوي عن خط سير الموضوع
بس ، معني ماعشت ذيج الفترة
اتمنى لو نردلهااا
ماكان أكو تفاهة وسخافة وسطحية وقتها
(= ثانكس عالموضوع حبوبه
السلام عليكم :)
اختي الكريمة حزحز , الاساس هو البيت والبيئة اللي نشأ فيها الفرد
ومشكلة بعض الاهالي انهم يخلون الشارع اهو اللي يربي عيالهم
خل نخاف الله في عيالنا ونغرس فيهم المثل الاعلى وهو رسولنا الكريم ونقرأ عليهم سيرته بشكل بسيط عشان نغرس فيهم المبادئ والاخلاق اللي الكل يتمناها
على الاقل في كل زوارة واحد او وحده من الاهل اتجمع الصبيان والبنات وتقعد اتقص عليهم لمدة نص ساعة فقط عن السيرة النبوية او قصص فيها عبر واتقولها بشكل حلو عشان اتخلي الاطفال يحبونها ويبحثون عن باقي القصة
كل من لاهي بدنياه ويالله نفسي نفسي
هدف الإنسان في حياته يحدد طريقة عيشه .. الانسان السطحي شنو هدفه بالحياة غير إنه يكون مجرد "عالة" عليها ؟
طالما ما في هدف سامي يسير نحوه الانسان فهو لا يملك حاجة تعطيه الدافع نحو تحقيق الهدف ، فيظل محصور بدائرة صغيرة هي سطحية التعامل و التفكير و المعيشة ... لأن السطحية تضمن له اشباع الاساسيات الغرائزية عنده دون مجهود .. فيظل تابعا لها
اغلب ابناء هذا الجيل يفتقدون للهدف ، و يفتقدون (للإطار) اللي يبونه لحياتهم .. معظم اهتماماتهم ما تتعدى يومهم و ليلتهم .. لأنهم يعانون من (فراغ قيمي) .. بالتالي ما عندهم تصور لليوم اللي بعده .. او للسنة القادمة !
...
يعني اذا هدفهم بالحياة هو (فرارة بالشارع) شنو بيكون اهتمامهم غير تنسيق مواعديهم للفرارة بهالشارع :) ؟
...
الدنيا تتغير و تتطور و بالتالي اهداف و اهتمامات اجيالها تتغير .. دائما اهتمام اي جيل يكون نابع من رؤيته للنقائص اللي يشوفها .. عشان يتغلب عليها
جيل اهتم بالادب لان في وقته كان الادب سلعة نادرة بمجتمعه
و جيل اهتم بالدراسة لانه الدراسة كانت سبيله لتطوير حياته
.. إلخ
الاجيال الجديدة فقدت اهتمامها باغلب هالاشياء لان صار هناك تشبع فيها .. أو لأن هالاجيال حصلت على كل ما لم يحصل عليه السابقون بدون تعب .. المترف لا يشعر بالحاجة .. لذلك يزيل اي قيمة للاهتمام بأي شي لانه ما يشوف منها "فائدة" ضرورية له
لذلك هم يشوفون (الكثيرين) معقدين .. لانهم مو مستوعبين طريقة عمل (الدوافع) عند هؤلاء لتحقيق أشياء .. هم حصلوا عليها بدون عناء
أخوج الصغير الله يخليه
شجعوه على هالهواية
ونموها عنده
على الأقل يكون له هدف في الحياة
الشباب من الجنسين
فيهم طاقة لكن مو عارفين وين يفرغونها
اييييييييييييييي
والله انج حطيتي ايدج عالجرح...........
الله يستر على هالجيل الموجود حاليا كل شغلهم القز بالمجمعات والتحرش بالرايح والجاي والفئه الثانيه تقحيط من الليل للصبح
وهذا طبعا كل يرجع للأهل بالدرجه الاولى ويوم نكلم اهلهم عن هالتصرفات يقولون خلوهم يعيشون حياتهم ويتمتعون فيها ....يبا مو جذي هذا جيل كامل باجر اشلون راح يدير اموره وامور هالبلد..........
وازيدج من الشعر بيت
هاليومين وايد نسمع عن شباب يدرسون بالهند والفلبين جامعة طبعا شهر بالسنه وبعد ما يخلص يرحع مهندس او غيره المهم انه خلص جامعه والميزه طبعا انه ما يعرف كلمتين على بعض انجليزي ((اشلون خلص وتخرج ما ادري ))
ما اقول لهم الا حرام عليكم اتقوا الله بهالبلد اشلون يتديرون شغلكم وانتم ما تعرفون الالف من الباء...
اسف عالاطاله وتحياتي واشواقي الحاره
ســــ26ـــنة ويغازل
هذا زين, لووول
والشياب والعيايز ترى اخس من بو 26.
الله يستر علينا وعليهم.
نقلة جميلة
تحياتي لك
ورفيجتج ماعندها شغل غير القز بشارع الحب ويا اخوها وشفتات كل يوم على واحد نصحيها ولا سويلها إشتراك في مسجات ركاز وايد أبرك ينصحونها على طريقتهم
كفو والله بتربيتج لاخوج الصغير
السلام عليكم ،
أنا قدمة بحث في هالموضوع ، بس طبعا البحث انقط بزبالة وزارة التربية ، المهم .. الملخص و بالعامية
الياهل بالكويت 3 أشياء يتربى عليها :
1 - الخدامة
2 - التلفزيون
3 - الربع
و الأهل بالكويت ما تربوا على ان يكونون قد المسؤولية و إن يربون عيالهم عدل .
الاهتمامات تفيدنا على المستوى الشخصي قبل العام
تنمية منفرده تتحول في مجموعها لكم هائل من الرقي الفكري والنفسي
ينصب بالنهاية لتحقيق رقي ومصلحة وطن
بوست في وقته الصحيح وفي صميم ازمة ضياع هوية شبابنا
بارك الله بك
:)
انا من زمان و انا اتابع بلوقج
الصـراحه روعه ^^
و كله قرالج ,
اي و الله كلامج صح اميه بالاميه
الديره ما عندها طموح و لا احد
يشجع كل واحد قام يتجه لمكان
الغلط ,
Ps: نبي نقرا شويه من قصص ابله امل شتقنالها :)
بصراحة لاتعليق
يعني انا مرت علي وحدة عمرها فوق الاربعين وتصرفاتها انا استحي اسويهي
ومخ ماكو
وين الي يقولون اكبر منك بيوم افهم منك بسنة
هالايام شباب بالعشرينات يعلمون شياب الادب
موضوع وايد حلو :)
تنويه :
تغير رابط مدونتي
http://khadija-bahaweed.blogspot.com/
وشكرا ^_^
ندعوكم لحضور مسرحية "فريج بني نايم" والتي ستعرض على مدى يومين يوم السبت والأحد 23-24/5 في تمام الساعة السابعة والربع على مسرح جامعة الخليج-مشرف..
مسرحية شبابية هادفة مقدمة من فريق وصال الإعلامي بالتعاون مع فريق شبابي مميز..
فكرة المسرحية: مسرحية كوميدية إجتماعية و إنسانية تعكس حياة فريج كويتي مميز و تدور الاحداث في يوم واحد بانتظار شروق الشمس..
حياكم الله ..
لمزيد من الإستفسار : wesal.media@live.com
where are you ?
يا ترى شنو السبب ؟
التلفزيون ولا التربية ولا البعد عن الدين
المجتمعات اللي برا يهتموون أشد اهتمام بالصغار و يطورون مواهبهم
برا تحس في فرصة حق كل واحد يبدع مهما كانت موهبته
اما هني فالكتب مهجورة
أسخف ناس اللي مسوين إشتراك يومي عل مدار السنه بكوفي شوب معين
http://www.syasah.com/vb/showthread.php?p=8581#post8581
الفراغ الفكري يولد تلك الإهتمامات التي تفضلتي بها اختي العزيزة
غياب العرفة الحقة للقيمة الإنسانية و سببية الوجود يخلق هذا الفراغ
الهواية هي أسلوب لشغل الذهن و قد تكون يناءة أو هدامة
أحسنت اختي في التنويه إلى قضية مهمة حقا، تقبلي مني الثناء
دمت و الأهل و الأحبة برعاية الله
بصراحه بوست صح :)
ابدعتي اختي ..
بس مع هذا ترا وايد من جيلنا ناس مثقفين و واعين ..
الله يهدي الباجي ..
داشه اسلم وعبالي عندي كومنت لأن فعلا كان في اشيا كنت بعلق عليها
السبب لانه مافي وعي مافي شي بالمدارس يشجعهم و يقولهم خل تصير عندكم هوايه تعلموا
بس يتكلمون نظري من غير لا تشجيع ولا تطبيق
فاذا الواحد ما تاسس صح من اهو صغير شي طبيعي لما يكبر بكون معقد
لان الاهل مو معطين فرصة حق عيالهم يسوون شي او يبذلون اي جهد سواء فكري او بدني كل شي يلقونه جاهز بين ايدهم
طبعا هالشي الاهل يسوونه من باب الحب
بس هم ما ينفي كونه خطأ
ويييييييينج يا بنيه
؟؟
فقدتج حييييل
عسى ما شر
والله احاتيج
طمنيني بلييييز
:***
عسى ما شر ؟
شنو ليلحين قاعدة تاكلين كاكاو ! :)
وينج من زمان عنج !! طولتي علينا !!
عسى ماشر ان شاء الله !!
Post a Comment