ليش يعني وشمعنه أنا لي اليوم اللي أرد في من الدوام تقولي الوالده أنا اليوم مو طابخه غدا
ليش أنا اليوم يوعانه
ليش وشمعنه أنا اليوم يوم دشيت مكتبي ولا مـــاكو كرسي
؟؟
أدور يمين يسار ولا الاخت ماخذه الكرسي مادري منو زايرها عقب الدوام وانسحب كرسيي أنا يــــــه ليش أنا يعني
وليش السوبرفايزر كل ما يشوف ويهي يعطيني شغل فوق شغلي ويقولي
السوبرفايزر: عم عزبك معي ما ؟
ودي أقول م م م
واي مي : لا شدعوه
اي قولي مـــــــا كله لا شدعوه لا شدعوه
وليش يوم أحد يطلب مني أساعده أساعد ويوم أحتاج شغله صغيره يسوون روحهم ما سمعون
ليش ليش
!
صباحكم ورد وسكر
****
همســــــــه
وتقول أني ضلع منك
وأنت كلــــك منــــــي
13 comments:
يا حلوج ..
حبيت الفصلة الرقيقة
:*
صبحج الله بالخير
******************
السلام عليكم
بدون لف ولا دوران لان انتي السبب تدرين ليش ؟
لاند ما اتقولين كلمة لأ , او خل انقول لانج تستحين واااايد فا هذه النتيجة , سوي اللي عليج من الشغل فقط والزايد يعتمد عليج اذا لج خلق او لأ واذا لج خلق فهذه طيبة منج واذا مالج خلق قولي للشغل الزايد اسمحلي عندي شغل ولازم اخلصه وفيه موظفين ثانيين
الحين بهالوقت ما شيء اسمه حيا خصوصا بالعمل كل واحد يشوف شغله و مو عيب ان الانسان يساعد اللي معاه بالشغل لكن اذا كانوا يستاهلون , واذا ما يستاهلون كل واحد يشوف شغله فقط
تعلمي اتقولين كلمة لأ او آسفه ما اقدر
بهالديرة اختي اللي يشتغل بذمة وضمير يصير كديش وغبي للأسف
انتفضي حق نفسج كلمة لأ مطلوبه وصعب الاستغناء عنها
الــ لأ الاولى بس اهي الصعبه واللي بعدها كلهم سهلين
وين اللي ما يبي الكآبة البوست اللي طاف؟!!
ما عليه ، شوي كاي جنجبيل و تروح الحالة الازدواجية
:)
و بعدين شهذا اللي كاتبته؟؟
يسوون روحهم ما سمعون
!!!!!!
ايه ما عليه ، صج لا قال المثل
إحنا يايون يغازلون
http://www.youtube.com/watch?v=zjsq0I1PiGw
1.45
:)
سلمي لي أكرم راعي المصبغة
تي ايام تنقلب ضدنا
و تي ايام نفرح فيها
معليش يمكن هاليوم مو يومج
,والياي ان شاء الله احسن :)
aL-NooR .
صباح الورد
وانا حبيت مرورج الحلو
:**
==
someone_q8
اي والله اي والله الغلط مني والله ما اعرف اقول لأ
اي والله صاج
شكرا على مرورك الحلو أسعدني وايد
وبتعلم من اليوم بقول لأ في حال كنت مشغوله
اسعدني المرور الحلو
وصباحك ورد وسكر
مَـــــعْــــمَــــعَـــــه
اي والله هذا اللي لازم أسويه
شكرا على المرور الحلوو
نزرت المدزنه
وصباح السكر
Anonymous
لوووووووووووووووووووووول
يا هلا ومرحبا
ياصباح الزنجبيل والينسون والدارسين واللومي
يقزلك
دوام الحال من المحال طال عمرك
اي والله شنو ماسمعون
لووووول
خطأ مطبعي طال عمرك
إمسحها في كيبوردي لووول
الله يهداك
بس طايح له تصيد بهالبدليات
تعبت نفسيا انا
;pp
منو أكرم بعد
أنا أعرف الحج إسماعيل
;p
عفره
صاجه والله
صباحج ورد وياسمين
:)
طيب شمعني انتي عندج ام وغيرج ماعندها ام
وليش انتي عندج مكتب بالدوام وغيرج تتشارك ويا خمس موظفات علي نفس المكتب
وايضا ليش انتي موظفه وغيرج مو لاقيه وظيفه
وليش وليش وليش
ننظر للحياه من الجانب السلبي
وهذا المفهوم الانهزامي للحياه
يقول عايض القرني في كتاب لا تحزن
اجعل من الليمون شرابا حلوا
شوفي الحياه من الجانب الايجابي
وراح تجدين السعاده
موفقه
mac
وشمعنه انت تعليقاتك تريح ونلقى عندك الحل المريح
شاكره لك هالمرور الحلو
ومسائك ورد
:)
اليوم رجعت البيت .. انصدمت انه ماكو غيري
:)
دخلت المطبخ، طبخت غداي ولله الحمد بروحي
الحين اكلت او ما اكلت .. هل أثر هذا بشي بالعالم؟
المغزى/ نحب نتصور انه اللي يصير لنا لازم العالم كله يحس فيه ويشعر فيه معانا، لان للحين ما عرفنا شلون نفك الارتباط بين (ذاتنا)الشخصية .. وبين هالعالم الوسيع
.. لذلك عيشوا حياتكم (مثل ما تبون)مو (مثل ما يبون) صح؟
Safeed
صح
من متى انت مو صح
:)
شاكرخ لك هالمرور الحلو
Post a Comment