أحياناً كثيرة نبتعد نعتزل .. حتى لا نتشابك مع غيرنا أو نبتعد عن مشاكل نحن في غنى عنها
و أتفاجأ
إن الواحد لمن يقعد بروحه أوقات كثيره صار إنسان منعزل وانطوائي ومغرور ومعقد
!
ليش الواحد لمن اتييله فتره ويقعد مع نفسه مده طويله يعيد حساباته .. يطلبون منه اللي حواليه الاحتكاك بالمجتمع الخارجي .. وهذا المجتمع أصلا يخرب اللي ما يخترب
مجتمع يتعامل مع جم رصيدك في البنك
واي شنو سيارتك كشخه
شفتي طقمي الألماس اليديد
شفتي الهبه اللي هابين فيها البنات الحين باللبس
واي احنا نخيم بالجليعه لان قز هناك
والخ .. الخ .. من سوالف مليقه وسخيفه ودنيويه
==
س في ج
هل مجتمعنا سخيف ؟
س: على أي أساس نحكم على المجتمع؟
ج: نحكم على المجتمع من الناس صح
س: هل المجتمع يتغير بتغير الناس أو الأفراد اللي عايشين في؟
ج: ماني لاقيه إجابه
س: ليش الشباب يحبون التخييم وأغلب البنات يكرهون التخييم؟
ج: لأن البنات ما يحبون التراب وأنا وحده منهم
==
موقـــــــــــف
الوالده : تبين فلوس
واي مي : ليش أنا مو محتاجه
الوالده: أحد يعرض على أحد فلوس ويرفض؟
واي مي : اي أنا
الوالده: ليش؟
واي مي : علشان ماطالبوني بعدين
;pp
***
همســــــــه
ينام الليل
وأنا أصحى الليل بشوق وحنين
24 comments:
لنفسي حق علي بالإنفراد ، أخالط الناس لكن أعشق الوحده إن شائت نفسي،و بالذات لقراءة الشعر العربي
تفكير سليم والله يا واي مي
عدل شغلج
:)
مهم الواحد يختلي بنفسه شوي ...يعيد ترتيب حياته
و الاهم ان يعود يختلط مع الناس
خلج من الحجي
ماكو على الوحدة
ممتع أن يعيش الواحد منا حياته سولو
السلام عليكم
تقدرين اتسوين كل شيء اذا كنتي مقتنعة باللي اتسوينه , خصوصا اذا كانت هالقناعة ما تغضب ربي ولا رسوله , عندها اقدر اقول كلمتي المعتادة : عند يدي :)
مو عيب الواحد ينفرد مع نفسه ..
بس بالنهاية لازم يرجع ويختلط بالمجتمع ..
واذا في شي مو عاجبه فيه يحاول يغيره :)
تحياتي ..
المجتمع يقدر يأثر في الفرد والفرد يقدر بتعاون من معه يغير المجتمع والدليل الثورات في العالم!!
الانسان اذا تعود ياخذ من غير مقابل ومن غيرم ا يعرف طعم العمل والشقاء والعمل صدقوني الدينار عنده مثل المليون راح تنصرف من غير طعم
والله صاجه ..
هذا اتوفع من سببين :
- التربية على التفاهات !!
- عدوم الوعي بمعنى الحياة !!
فاهمين الدنيا غلط !!
يايين يعيشون وياكلون وينامون ويستانسون .. ويموتون !!!
دارن دره ودارن مادره !!
وتحياتي ..
ويسلمواااااااااااااااا :)
كل انسان
بين الفتره والثانيه
يحب يختلي بنفسه
ها شي طبيعي
* عن المجتمع يوم نحس انه سخيف
نشعر بالاحباط
لان للاسف هذا هو مجتمعنا
والله مجبورين ان احنا نتأقلم فيه!
من صجج ؟؟
آنا ما أرد الفلووووس
وآخذ
على أمل إنهم يا ينسون يا آنا أنسيهم
:)
اللي بالكوب شنو بالضبط ؟؟
كوكتيل ولا مانجا ؟؟
في وصية الإمام الكاظم (ع) لهشام: الصبر على الوحدة علامة قوة العقل
من معانيها أن الإنسان القادر على مراجعة نفسه، وتقييمها، و تهذيبها بدون الحاجة لمجتمع يوزن أفعاله ويقيمها ويشير لأخطائه اللي ما يلتفت لها هو صاحب العقل القوي، لانه اكتشف اخطاءه بنفسه
ومن مصاديقها الاخرى، ان الانسان اللي يثبت تفرده ويعزل نفسه عن التماهي مع سطحية وسلبيات مجتمعه استطاع ان يحافظ على قوة وثبات عقله امام فيضان المجتمع
==
المجتمع ما يتغير بتغير (الناس) لانهم اساسا متغيرين
لكنه يتغير بتغير أفكار الناس
الفكر يغير الطبيعة البشرية من توحشها الحيواني الى تهذيبها الانساني
بحسب إريك فروم
:)
==
دايما الناس يستانسون بالبداية، لأنهم يغفلون عن الخاتمة
:)
مساج الله بالخير ..
ياحلوج والله .. هذيان حلو من بنوتة كويتية .. بداخلنا تساؤلات كثيرة .. مودايما يبه نلاقي لها اجوبة
شكرا لج
الدانة
عامر
لابد من البعد قلبلا
وشكرا على مرورك
عثماني
الله يسلمك ثانكيو
:))
صباحك ورد
Sami
لابد من الاختلاط بعد
:)
صباحك الكرز
Fahad Al Askr
وياك في هالنقطه :)
someone_q8
اكيد طبعا
انا وياك
أحمد الحيدر
عدل عدل
صباحك ورد:)
كاريكاتير
أوافقك الراي
في هذي النقطه
Q8EL5AIR
ويموتون
لووول
عجبتني هالنقطه :)
اقصوصه
نتأقلم
ملينا واحنا نتأقلم :)
صباحج ورد
SHOOSH
لا انا أردهم يا معوده
محد ينسى الفلوس ترا:)
اللي بالكوب
جنه قهوه مو منجا
:)
Safeed
أتفق معاك في هالنقطه من ناحية الاختلاء بالنفس قليلا يحتاج الانسان الى ان يعيد ترتيب افكاره من فتره الى اخرى
صباحك ورد
الدانة
الشكر لج اختي العزيزه
وشكرا على المرور الحلو
صباح الخير:)
Post a Comment