الجميع يأوي إلى الفراش .. كالقتيل ينام بعد يوم شاق طويل مهلك من التعب
لكن مالذي يخطر في بالك حين تأوي إلى الفراش ؟
في حقيقة الأمر .. هناك حوار دار بيني وبين صديقتي أنها عندما تأوي إلى الفراش
فإنها تتخيل أمواج البحر .. إلى أن تنام .. على قولتها
أنها بهذه الطريقه .. تنام مرتاحه ولا تفز من النوم
قلت بيني وبين نفسي
خل أجربها على أخوي الصغير.. وهذه نبذه من الحوار
واي مي: يالله حبيبي تعال خل أنومك وألعب بشعرك بقولك قصه
أخوي الصغير: مابي أنام
واي مي: أقولك لازم تنام
أخوي الصغير: أقولج مابي أنام
وبعد معاناة .. إستسلم لي ولحنتي عليه .. ترا الحنه تسوي شغل
واي مي : بقولك قصه .. أبيك تغمض عيونك وتنام .. اتفقنا؟
أخوي الصغير: اتفقنا
واي مي : غمض عيونك .. تخيل معاي البحر .. وانت قاعد تمشي على الرمل والموج يلمس ريولك وانت تنحاش منه .. والماي بااارد .. ها حبيبي شنو حاس في
أخوي الصغير : الكره ضاعت مني
واي مي : أي كره .. أقولك بحر بحر موج ورمل
أخوي الصغير: ما يصير بحر من غير كره .. أبي الكره اللي ضاعت مني
واي مي : مالت على اللي قاعد ينومك زين
انتهى
سر من أسراري
بعد يوم شاق طويل .. أذهب إلى الفراش
واللي يخطر على بالي اني مسافره بسياره .. والدنيا برد برد برد وانا بروحي والدنيا ليل
وبجذي على طول
Zzzzzzzzzzzzzz
أكون في سابع نومه
***
همســــــــه
روح تهفو إلى همس الضمائر
23 comments:
قبل النوم بدقائق لا يعمل سوى العقل الباطني !
فان كنت تفكرين بالسفر وسط ظلمة الليل فهذا يعني انك تشعرين بالوحدة و كذلك الندم !
انا قبل لا انام اتذكر ايام امريكا و الدراسة تدمع عيني اقول يا ليتني ما تخرجت
لوووووووول
وشصار حصل الكرة ولا لا :p
بس تصدقين حلوه حركة الموج والسيارة
انا لما انام ماكو شي معين افكر فيه
بس غالبا افكر شسويت اليوم وشنو بسوي بكرة
ومرات تكون احداث اليوم واجد
فاتاخر بالنومة وانا احسبها لوووووول
قواج الله :)
Scorpion
صباحك ورد وياسمين
عسى يكون يومك حلو
والله انت ييبتها عدل
بصراحه هي الوحده وليش الندم ما اشعر به
بس شعور مريح وايد
مممم
مادري من يخطر ابالي هالشي على طوووول
أناااام
الحين انت كل ما تييتنام اتذكر امريكا
يا بختها امريكا تدمع عينك عليها
;p
le Koweit
LOOL
حتى انت تسأل عن الكره
لأ ما حصل الكره .. أصلا اهو فت مرارتي وطفرني وقمت خليته بروحه
:)
مادري جرب حركة الموج وشوف نومتك شون تصير
وصباحك ياسمين
:)
صدقين انا اتبع هالطريقه ..فعلا تنفع
Sami
yes it is :)
تبين الصج وآسف على الكلمه انتي مليقه
شهالاخت البلشه
اول شي حننننه
ثاني شي الريال ما يبي ينام غصب
!!!
تعال اقولك قصه والعب بشعرك
شتبييييييييين
!!!
وافق الريال امره لله
قصه وقصه وهالله هالله
وانت تمشي على اليال الموج يحوش ريلك
وشتحس فيه؟؟
القصه فين؟؟
ما ينلام والشرهه عليه مجابلج
;p
--------------
انا بالنسبه لي من كثر التعب ما يمدي
انسدح على الفراش الا انا نايم من غير لا افكر بولا شي
لله الحمد
:)
ARTFUL
أخوي عمره 6 سنين
لووول
حسستني اني شريره
;p
يا حليله الله يخليك له و يخليه لك
عجبني رده
صراحه انا قبل انام افلام ساعات لازم اناقش نص قضايا العالم
او اني اعيش نفسي في حلم اليقضه على ما انام
و نوم العوافي
لووووول ياحلوة الله يخليه لج ..
صح نبهتيني على هالشغله ساعات تتعودين على شي ماتنمين إلا لما تفكرين فيه أو تسوينه ..
أنا ساعات أفكر بباجر وأنام ..
و ساعات احط محاضره بالفون وانام عليها
و ساعات قرآن .. و أنام ..
هههههههه والله خوش سالفة
اممم تخلينا نقول خرابيطنا قبل لا ننام
انا عن نفسي .. اذا رحت فراشي في ثلاث امور تشغل بالي بشكل دوري كل ليلة شي
- افكر بالاشعار والي قريتها .. واقعد اهذي بكلام مو مفهوم كأني قاعد اقول قصدية ... ومرت تشنص وياي وتطلع قصيدة متكاملة
- احلم اني مدير لشركة انا املكها .. وافكر شنو راح اسوي وايش يوميات المدير
- ثلاث سر
:)
أنا ما افكر بشي بس اذا صار شي حلو بهاليوم اقعد افكر فيه لين انام
موفقه
فيلسوف
الواحد يخطر على باله سوالف ساعات
بس حلاته القرآن تالي تنام احلى نومه عقب ما تقراه
وجـدان
كم هو جميل القرآن يا وجدان
:)
أحسنت الاختيار
الفنان
لا عاد انا بعرف السر ما يصير جذي
;p
Unique Girl
حياج الله
الاسلوب روعه مشالله :)
TaZmaNiA
:)
Antonio
اهلا وسهلا
اي خو ماعندي الا اخوي اجرب في
:)
بالضبط تختلف الاهتمامات في منهم من يقرأ القصص وفي منهم من يقرأ القرآن وهكذا
بس بغينا نعرف شتفكر في قبل لا تنام
;p
ضحكني, صج كل واحد وله همه!
Seema*
صاجه
:)
لووووووووول اهبل اخوج الله يخلي لكم .. حده عاش الدور بالخيال :)
This is one of the most incredible article I've read in a really long time. I hope you update this blog often because I’m anxious to read more about. cotton percale bedding , sateen sheet set ,
Post a Comment