بـس أنا وإنت - تمرد

يمسكها من يدها وبقوه

عمر : أطقج اذا شفتج إتسوين الغلط .. أمد إيدي لما أشوف حبيبتي سكرانه .. امشي معاي تعالي

غيداء : هدني وخر

وهي تترنح وفي حالة سكر

غيداء : وخر عني زين .. ياي الحين اتقول عني حبيبتي وينك وينك يوم اهلي رفضوا زواجنا أشوفك ما وقفت بويهم وقلت أبي حبيبتي

عمر : إمشي انكمل حجي بغرفتي جذي ما يصلح سكرانه وقاعده تخورينها

غيداء : مو سكرانه وخر عني


وطرااااااااااخ .. طرق ثاني على خدها

وحملها الى غرفته .. وهي في حالة سكر.. توجه عمر الى الفندق حاملا غيداء .. وطلب قهوه ساده.. وأتى النادل بالقهوه


عمر : يلا شربي .. اصحي غيداء .. ماني ناقصج لا تكملينها علي شربي

غيداء : مابي اشرب .. اشسالفتك بس قاعد وطق ما اتفاهم وخر وخر لا تلمسني


يمسكها عمر .. ويقبلها على رأسها



عمر : آسف حبيبتي .. موبيدي والله .. احتريت يوم شفتج سكرانه .. ممكن تشربين القهوه ونتفاهم ممكن حبيبتي ؟

غيداء : اوكي راح أشربها


وتشرب غيداء قهوتها بهدوء تام .. وهو يتأمل كل ما فيها .. شعرها .. عيناها .. شفتاها .. وأصابعها



عمر بينه وبين نفسه : رديتي روحي من شفتج .. الله يسامح أخوانج بس

غيداء: شتفكر في ؟

عمر : فيج .. أفكر ليش ماخذه عني هالفكره .. خطبتج 4 مرات وأهلج رفضوني .. ليش جذي شنو ذنبي انا باختلاف مذهبنا ؟

غيداء : وايد ناس مذهبهم مختلف وتزوجوا شالمشكله يعني

عمر : انتي اتقولين لي هالحجي ؟ ما تقولين حق اخوانج؟

غيداء : انت بس 4 مرات حاولت .. بليز حاول

عمر : بس غيداء أحبج وأحطج على راسي .. لكن كل اشوي ماخذ الوالده وياي بيتكم واخوانج يسمعوني جم كلمه لي متى؟ ما تقولين لي متى بالله ؟

غيداء : آخر مره صارت هوشه فويه في البيت .. وامي وقفت وياي عقب ماكانت واقفه وياهم .. قالت والنعم فيك 4 مرات خاطبني معناه شاريني وما تفرق اذا مذهبنا مختلف احنا نفس الدين

عمر : هذا اللي قاعد أقوله من الصبح


غيداء : أدري أمي دقت علي اتقولي أخواني بيراضوني .. وانا ماني راضيه الا لمن انتزوج ياما ناس تزوجوا ليش اهمه واقفين ابويهي

عمر : اللي علي سويته .. الباجي عليج انتي

غيداء : بس انت الفتره اللي طافت لا تسأل ولا ترد على مكالماتي .. ليش ليش هالقطاعه هذي ؟؟

عمر : أحسج بتضيعين من ايدي .. ومابي أوقف نصيبج اذا يالج واحد أحسن مني

غيداء : بليز ولا كلمه مابي أسمع هالحجي .. الله يجمع بينا



يبتسم عمر .. ويقبل يدها

عمر : نطلب شي ناكله هني بروحنا
غيداء: أي أبي شي أكله هني معاك وبروحنا .. مابي أحد معانا ولا يقاطعنا



عمر : محد بيقاطعنا كلش
يمسك يديدها ويقبلها .. يداعب شعرها

وتسقط ورقة التوت





وللحديــث بقيــه






طبعا أحمد الحيدر
وبولطيف

حدهم مستانسين على الأكشن اللي صاير
;p

*****
همســــــــــــــــــه

أنا و أنت أسطوره رسمعا عاشقان .. ولوحة فيها جميع الألوان

مــن القلــب إلـــى القلـــب

قالي : ما تطلعين من البيت وانتي مو متريقه أزعل
قلت : انشالله


وفي ذاك اليوم ما تريقت .. مريت بقاله علشان أخذ لي كوكيز او اي شي ينوكل الصبح
شفت ريال كبير بالعمر

قالي : صباح الخير .. وانشالله دايما صباحج خير
قلت له : صباح النور


هالريال اللي يشتغل في البقاله ويهه سمح .. طيب حبوب .. حتى صباحه غير.. لي مريته الصبح وقالي صباحج خير صج صج يومي يصير غير


وأنا من خلال هالبوست أقولك صباحك خير وعسى دوم خير










...........



عبد السمط



أخوي الصغير : تحبين عبدالسمط
واي مي : منو عبد السمط؟
أخوي الصغير : اللي وياي بالروضه اسمه عبد السمط
واي مي : حبيبي اسمه عبدالصمد مو عبد السمط

أخوي الصغير : لأ اهو قالي اسمه عبدالسمط عبدالسمط أقولج عبدالسمط
واي مي : زين عبدالسمط
أخوي الصغير : أنا أحب عبدالسمط .. انتي تحبين عبدالسمط؟
واي مي : يادي عبدالسمط .. اي أنا أحب عبدالسمط





........


نسكافيه

يتكون النسكافيه من القهوه الساده و كوفي ميت وسكر

هكذا هي الحياة .. كالنسكافيه

شوية سواد
وشوية بياض
وشوية حلى



.......



قلبك
لؤلؤة الحب
وجوهرة الطيبه
ومصباح عشاق التقوا في ظلام دامس
ليطفئوا وهج الشوق
من هنا وهناك .. ابتسامتك كقطرات المطر
تغير بها كل مفاهيم البشر












وأدري قطعت عليكم القصه .. راح أكمل القصه .. بس حبيت أغير اشوي عشان محد يمل

: )




*******

همســــــــــه

أنــت هـــو حلمــي المنتظــر

إصحــــي ولا تبين أصحيـــج - تمرد

أحمد : هااا قوه

غيداء يقويك

أحمد : بروحج محد معاج

غيداء : اي انا يايه بروحي .. انا بغير جو ويايه بروحي

أحمد : أها .. لا يكون أزعجتج ولا شي

غيداء : لا عادي

أحمد : عيل خل نروح نشرب لنا شي .. اوكي شتحبين اييبلج ؟

غيداء : مممم عصير ليمون بالنعناع

أحمد : بـــــــس عصير ليمون .. وبعدين في أحد يشرب عصير ليمون هني ؟ وبهاواي ؟؟؟


غيداء: عيل شيشربون الناس ؟
أحمد : ما تشربين ؟؟

غيداء : لأ
أحمد : يبا هاواي هني

غيداء: يه أقولك ما أشرب عن اذنك مشغوله اشوي
أحمد : انزين في حفله اليوم بليل .. منها اتغيرين جو وانا بكون موجود و واحد من الربع بعد حياج ويانا

غيداء : وين في ؟
أحمد : على البحر بيسونها .. على الساعه 7:30 تقريبا تبتدي

غيداء : خوش عيل بيي وياكم خل انغير جو اشوي .. يلا استأذن عندي جلسة مساج

أحمد : وعصير الليمون ؟

غيداء: مره ثانيه
أحمد : على راحتج .. يالله انشوفج
غيداء: انشالله باي




تذهب غيداء الى قسم المساج تفكر .. وهي مسترخيه

بينها وبين نفسها : اي ليش لأ .. خل أروح الحفله وياهم أغير جو .. صج انه هالانسان حننه ودعله بس يالله تغيير جو



ونعود الى عمر وأحمد


أحمد : عمر .. اكو حفله اليوم الساعه 7:30 تقريبا على البحر انا عزمتها
عمر : منو اهي .. اهااا ما غيرها
أحمد : اي وبعدين اسمها غيداء


يسرح عمر بتفكيره بعيدا
بينه وبين نفسه : الله يا حلو هالاسم يذكرني فيج



يقاطعه أحمد
أحمد : ألووو معااي اشفيك وين رحت بتفكيرك
عمر : رحت بذاك التفكير وخلاص
أحمد : ما شفتها يا عمر ما شفتها
عمر : ترا اذيتنا عاد .. زين خلاص بنشوفها اليوم ونحكم





ونعود الى غيداء في تمام الساعه 7:15 .. تسرح شعرها وتضع عطرا هادئاَ .. وتعدل بعض رتوش المكياج
وتذهب حيث تبدأ الحفله



كانت أنيقه جميله .. رقيقه


رأت أحمد وكانت تتقدم .. وتتقدم ببطىء شديد محرجه من هو الذي مع أحمد





وتتقدم في كل خطوه تحمر وجنتاها
في كل خطوه .. تلامس بشرتها الهواء وينتشر عطرها ليصل ذالك العطر الى شخص قد عرف رائحة العطر قبل أن يلتفت إليها


غيداء : مساء الخير
أحمد : أهلا مساء الورد


يلتفت عمر .. ليرى تلك الفتاة .. اللتي طالما أحبها
تراه هي غير مصدقه منصدمه .. مالذي أتى به الى هنا ؟
هل هو القدر ؟
صدفه ؟


عمر : أهلا غيداء شلونج
غيداء : منصدمه
عمر : ساكته ؟؟ شلي يايبج هني ؟ وبروحج ؟
غيداء : ساكته

أحمد : يه يبا فهموني شسالفه ؟
عمر : كل هذا وما عرفت ؟ ولا استوعبت

تدمع عيون غيداء .. هاربه .. تريد الاختباء

أحمد : تعالي غيداء .. اشفيها ليش اتبجي البنت ليش
عمر : مو شغلك انت



تذهب غيداء بعيدا على البحر .. يأتيها النادل .. هل تريديدن شراب

غيداء .. وبلا وعي أخذت الشراب ( الواين ) وشربت وهي تبكي .. تذرف تلك الدموع وتشرب وتشرب وتشرب


يذهب عمر الى غيداء .. ليراها وهي في حاله مزريه .


عمر: غيداء .. غيداء

تنظر اليه وهي في حالة سكر



غيداء : عمر بليز اللي فيني مكفيني
عمر : وسكرانه بعد ؟ سكرانه أول مره بحياتي أشوفج في هالمنظر يا مربية الاجيال .. يالمدرسه .. ياللي تربين عيال الناس .. كنتي بتكونين زوجتي قبل اسبوعين

غيداء : انت قلتها كنت .. كنت يا دكتور ياللي تحل وتعالج مشاكل الناس وأول مشكله اتصادفك تنحاش منها .. تنحاش منها وتخليني بروحي


عمر : ماني مستحمل منج ولا كلمة

وطراااااااااخ .. طراق على خدها


عمر : اصحي .. اصحي ولا تبين اصحيج .. مابي اشوفج في هالمنظر اصحي
غيداء : أول مره اطقني .. أول مره اطقني وخر عني مالك شغل فيني .. لا تلمسني بعيد






يمسكها من يدها بقوه .. و للحديــث بقيـــــــــــــــه





************
همســــــــــــــــه
انت حبيبي و باقي لي حبيبي
في هاجسي وحلمي و وهمي لقيتك
حتى الاماني في الامل لك تطيبي
ابد ما اظن اني في لحظه نسيتك
وان كان ذا ظني فالله حسيبي
و هذه مناتي بعد ما انا لقيتك
ابي حياتي تهتويني حبيبي

متمــرده في هــاواي -2

يعود أحمد عند صديقه .. مصدوم من جمالها مبهور بعينيها ويقاطعه صديقه متحدثا

صديقه : أحمدوو اشفيك ساعه اتييب الكره
أحمد : عمر اسكت اسكت
عمر : اشفيك متنح؟
أحمد: متنح وبس .. انثولت حدي
عمر : شسالفه طايح له قرقه وياها

أحمد : مو انت يالاثول .. تلعب بدفاشه كتيت العصير على البنت .. اتسبحت في
عمر : لا والله ؟ والله فشله

أحمد : بس أنا أشكرك أشكرك .. تعال عطني بوسه
عمر : وخر عني .. شيقولون عنا الاوادم ؟ ليش تشكرني بالله ؟
أحمد : عرفتني عليها .... يا انها تاخذ القلب .. راحت وخذت قلبي معاها
عمر : ويييييه من نظره وكلمه .. شدعوه
أحمد : شعرفك انت بالنظرات
عمر: نعم اخوي؟
أحمد : اي حبيبي النظرات .. عيونها فيها شي يجذب .. فيها فيها الانا كبيره عندها
عمر : ماراح تقدر توصل لها يعني
أحمد : غلطان



وهنا حيث تعود غيداء الى الفندق لتغير ملابسها وهي تفكرمحدثتاً نفسها .. وهي تغير ملابسها

وبينها وبين نفسها : شنو هالصدفه يعني ؟ منحاشه من العرب ألقاهم إبويهي
!!

ارتدت ملابس السباحه ( المايو ) .. لتغيير ( المود ) واتجهت الى شاطىء البحر بعيده الناس حيث هي فقط
هي والبحر





تراقب البحر بهدوء .. تستنشق الهواء .. محاوله نسيان كل المشاكل والعراقيل التي تفكر بها هاربتاً منها

ويأتيها اتصال من والدتها

غيداء : ألوو
الوالده : هلا حبيبتي شلونج ؟
غيداء: انا بخير انتي شلونج ؟
الوالده: احنا بخير عسى مرتاحه بسفرتج ؟ اخوانج يقولون اذا ضايق خلقج انييلج
غيداء : في أحد يضيق خلقه من هالمكان؟ وبعدين يما الله يهداج انا منحاشه منهم يلحقوني مابي أحد أبي أكون بروحي
الوالده : بس أهمه مثل اللي ندمانين و ودهم يطيحون الحطب
غيداء : يما انا منحاشه من كل المشاكل ومابي اسمع أي شي .. ولا ابيهم يراضوني
الوالده : يا حبيبتي اللي صار نصيب .. كان بيصير بعدين او الحين جذي جذي كان بيصير
غيداء : صاجه يما بس مابي احد يراضيني الحين لي رديت الكويت يصير خير .
الوالده : زين عيل انا بس داقه بطمن عليج
غيداء : مشكوره حبيبتي
الوالده : يالله حيل استمتعي وديري بالج على نفسج


أنهت غيداء المكالمه واذا بأحمد يلوح لها بيده

بينها وبين نفسها : لااااا مو وقته افففف مالي خلق

يأتي أحمد مسرعا

أحمد : هااا قوه
غيداء يقويك
أحمد : بروحج محد معاج
غيداء : اي انا يايه بروحي .. انا بغير جو ويايه بروحي
أحمد : أها .. لا يكون أزعجتج ولا شي
غيداء : لا عادي
أحمد : عيل خل نروح نشرب لنا شي .. اوكي شتحبين اييبلج ؟
غيداء : مممم عصير ليمون بالنعناع
أحمد : بـــــــس عصير ليمون .. وبعدين في أحد يشرب عصير ليمون هني ؟ وبهاواي ؟؟؟




وللحديــث بقيـــــــــــه










***********
همســــــــــــــــــــه

نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت

متمــــرده فــــي هـــاواي

في يوم مشرق ومشمس

كانت مسافره الى هاواي لقضاء العطله بمفردها هاربه من ضغوطات العمل .. تبحث عن الأمل
وحدها فقط في تلك الجزيره ومع أشخاص غرباء

رغبتها بالتمرد تطغي عليها .. رغبتها بكسر القوانين وفك القيود المحيطه بها


جالسه لوحدها على الشاطىء .. تشرب عصير الليمون بالنعناع وهو مشروبها المفضل والهواء يداعب شعرها الغجري الأسود

مرتديه فستان قرمزي اللون قصير .. وتضع عقد من الأحجار الكريمه





هو يلعب بالكره مع احد أصدقائه على شاطىء البحر .. عريض المنكبين أسمر اللون مفتول العضلات


هي تراقب الناس من بعيد .. وتشرب عصير الليمون .. مستمتعه بالجو الجميل واذا بالكره تأتي ناحيتها منصدمه بيدها وينسكب عصير الليمون على فستانها القرمزي





هي : أبيــــه
هو: آسف آسف اختي مو قصدي والله

تلتفت ناحيته .. لتجد ذلك الشاب الطويل مفتول العضلات يحدثها

هي : لا عادي شدعوه
هو : وين عادي والله فشله .. العصير كله انكت عليج
هي : الله يهداك لعبكم دفاشه
هو : ها ها ها بعد شنسوي

هي : حصل خير ولا يهمك .. أنا استأذن بروح أغير ملابسي مثل ما انت شايف تسبحت عصير
هو : نعيما ها ها ها
هي : ها ها ها الله ينعم عليك
هو : اسمي أحمد .. ما عرفت اسمج
هي : غيداء
هو : عاشت الاسامي غيداء وايد حلو اسمج
هي : ثانكيو .. يالله انا استأذن
هو : اوكي وانا اسف مره ثانيه
هي : حصل خير اخوي




وذهبيت .. ذهبت وأخذت قلب أحمد معها



وللحديـــث بقيــــه




***********

همســـــــــــــــه
أنا ودي يا حبيبي اوصلك ولو يكون الزمن والناس ضدي
ألا ليت الأماني يا حبيبي اتحقق والوصل يصبح بيدي
احب الليل يذكرني بك حبيبي اقضي الليل سهرانه لوحدي
احب الشوق في عينك يناديــــــــك وينادينــــــــــي
يبيك اتحط بس يدك بيدي

فــــــــي المقهـــــــى

يتحدث هو مقاطعا لنظرتها

هو : شرايج نختار نقعد في هالمكان
هي : اوكي
هو: لا تبوزين .. مابي أشوف بووووز
هي : انزين
هو : شوف شلون هم اتقول زين .. شايفه بوزج انتي


تنظر إليه بابتسامه محدثه لنظرته

نظرتها : لا تبدأ
نظرته : لماذا؟
نظرتها : لا تبدأ أرجوك .. فلا قدرة لي على تحمل تلك النظره
نظرته : اذا انتي تعرفين ما معني تلك النظره ؟
نظرتها : كيف لا أعلم .. كيف ؟


يتحدث هو مقاطعا لنظرتها

هو : الله تذكرن أول مره التقينا .. في مقهى ؟
هي : شلون ما أذكر
هو : بس كنتي لابسه خوش نفوف
هي : بعد متذكر لي الحين
هو : طبعا
هي : قولي شنو كان لونه ؟
هو : الله انا .. انا تسئليني هالسؤال تختبريني يعني ؟

تنظر اليه بابتسامه

هو : كنتي لابسه نفنوفج الوردي اللي يشب عليج .. على قولة المصريين .. حياكل منك حته
هي : ابيييــه والله تتذكر
هو : عيل شلون عيل .. حبيبتي لا تختبريني بهالسوالف اوكي
هي : اي طبعا مغازلجي
هو : ولييـــــه

هي : ها ها ها ها ها ها ها

ينظر اليها بابتسامه مشرقه

نظرته : كنتي أميرتي في تلك الليله
نظرتها : سحرتني بتلك النظره
نظرته : أخذتيني الى عالم كنتي به انتي فقط


يتحدث هو مقاطعا

هو : ها شتشربين ؟
هي : ممممم
هو : أوووووص أنا أعرف شتحبين

تنظر اليه بابتسامه

هو : لا تيه .. راح اطلب انا بعد لاتيه
هي : عارف شحب بعد ؟
هو : عيل شون عيل أميرتي انتي

يتظر اليها مداعبا لنظراتها .. ويمسك يدها يداعب اناملها

نظرته : أميرتي ، حوريتي ، دميتي
نظرتها : ماذا تريد أيها الصياد؟

نظرته : أريد أن أستنشق عطرك .. أن أبحر في سحرك
نظرتها : وماذا بعد ؟


نظرته : أن تكوني دميتي .. لي وحدي في عالمي الخاص .. عالم يحتوينا
نظرتها : خائفه من هذا الزمن

يتحدث هو مقاطعا لنظرتها

هو : شنو هالزمن اللي اتخافين منه
هي : اهو نفس الزمن اللي فرقنا
هو : ونفس الزمن اللي جمعنا صح ؟
هي : صح
هو : عيل خلاص .. كل شي في هالدنيا خيره ونصيب
هي : بس
هو : أووص ولا كلمه خليني أكمل .. ما نطرت أنا كل هالسنين الا لاني قلبي حاس ان في شي بيجمعنا في شي بيحتوينا ويوحدنا .. اللي طاف طاف عيشي هاللحظه معاي .. عيشيها وياي

هي : كلامك في أمل
هو : منو أمل ؟

هي : وااااي لا تملق
هو : ها ها ها بعد لازم أتحرش ما اقدر
هي : أدري فيك شيطون

ويصل طلبهما للقهوه ( اللاتيه )

وبينما كانت ترتشف القهوه .. داعبت نظرته نظرتها

نظرته : شفتاكي
تنظر اليه مبتسمه
نظرته : أبحر بتلك الشفتان .. تأخذاني الى عالم من الخيال .. عالم به زهر و نهر ونخيل .. وعيناكي

نظرتها : مابهما عيناي
نظرته : عيناكي بحر أستمتع وأنا أغرق بهما .. لأني أعلم بأن هناك حوريه جميله تنتظرني عند الشاطىء

يتحدث هو مقاطعا .. ممسكا يدها

هو : أحبج
هي : بس عاد
هو : أحبج
هي : شالمطلوب الحين ؟
هو: نرد لبعض .. وبخطبج ... كيفج رظيتي ولا ما رظيتي مو بكيفج اتعلقين قلبي وتاخذينه مني .. ولا بكيفج تخليني أحبج كل هالحب .. انتي بكيفي انا ولي انا وحقي انا وملكي انا

هي : وانا موافقه
هو : صج ولا غشمره ولا تاخذيني على قد عقلي
هي : اوووله صارت الساعه 12:30 امبيه تأخرت

هو : سندريلا مو وقته ترا .. قلبي على طريف حرام عليج تلعبين بأعصابي جذي
هي : تدري اني أحبك .. وتدري اني ما اقدر أعيش بدونك

هو : يعني موافقه
هي : اي موافقه على كل كلمه اتقولها انا موافقه عليها

هو : وتكونين حبيبتي وزوجتي وحوريتي وأميرتي
هي : أبي أكون لك
هو : اللـــــه




أمسك يدها .. وقبل رأسها .. وداعب شعرها هامسا في أذنها مقبلا خدها








تنكشف أسرار روحي لي من طريت اسمك والا لي غرّد على غصني و زهّر كل انتظاري
أغنيلك عصافير اتفنّن في هواك إرجع .. وانته صوتي وصوت الناس
لي قلت بفرح.. إرجع


هو : تذكرين غنيتنا


تصحك .. بدلع .. وهو يغني تلك الاغنيه ويقبل خدها الناعم

























انتهى
مع تحيات بنات أفكاري






**************

همســـــــــــــــــــه

كل ماطريت إسمك تغنّى كل مافيني

فـــي دعـــوه علــى العشــــاء - ليلة بارده

هي : انا مادري مادري شلي صار ؟
هو : ليش اشصار بينكم ؟


تصمت ويعم الصمت بينهما .. يمسك هو بيدها وينظر الى دمعتها

نظرته : أنا هنا بجانبك
نظرتها : لا أستطيع مفاومت نظراتك .. كف عن ذلك أرجوك
نظرته : لن تفلتي مني هذه المره

يتحدث هو مقاطعا

هو : قوليلي شلي صار ؟
هي : في بداية زواجنا كنت بدال ما اناديه أناديك .. طوف لي ياها .. ومره كنا سهرانين سألني اذا انا للحين أحبك ولا لأ
هو : انزين

هي : قلت انت كنت رفيجه وكنت عارف العلاقه اللي بينا .. عقب انتهينا وهم انت عارف ليش .. والحين انا وانت متزوجين نصيب لا تحط هالافكار ابالك

هو : اوكي

هي : عصب وقالي كذا مره تغلطين باسمه وانا ساكت ومستحمل حبيتج من قلبي .. وييت لج من الباب وتزوجنا .. وساعات ما احس انج ملكي .. ما أحس انج زوجتي .. أنا ماني قادر أستحمل أصعب شي ان الوزاحد يعيش مع انسان يحس ان مو ملكه وانتي أحسج بعيده عني بعيده مع انج يمي

هو : شهالخرابيط ؟؟ متزوجين ويقول هالحجي .. وبعدين من عرفت انا بزواجكم يت وباركت له .. هذا رفيج وعضيدي والزواج نصيب

هي : اي بس أهو عصب ما استحمل
هو : يوم انه عارف باللي بينا شكو خاطبج عيل ؟

هي : مو احنا انتهمينا عقبها ابفتره ؟
هو : اي بس اهو الله يهداه مينون من يومه شكاك

هي : داق عليك شقال عقب ما انفصلنا ؟
هو : داق علي يقولي انا تزوجت بس ماني مرتاح .. قلبها معاك ما احسها لي ما احسها زوجتي .. حاولت أهديه ماكو فايده قالي انا بس انفصلت ياي اتهديني على شنو ماني مرتاح معاها


هي أصبحت تبكي بهستيريا .. وتبكي وتبكي وتبكي
هو : ولين بس بس ليش البجي .. انفصلتوا مو اول ناس ولا اخر ناس انتي وياه كل واحد يحن فوق راسي خلاص يا يبا .. مع اني والله أحبج وشاريج .. ولو تبين أراظيكم وأردكم لبعض أسويها علشان عيونج .. مابي ولا دمعه تنزل منها

هي : انا أعرفه عنيد .. ماراح يرضى .. قالي انتي شوفي حياتج وانا بكمل حياتي
هو : والمطلوب ؟

هي : ولا شي ولا شي


أخذت حقيبتها وخرجت من المطعم .. وهو دفع الحساب و هم بالركض وراءها مسرعا باتجاه سيارتها

هو : صبري .. ما كملنا
هي : ما فهمت
هو : انا ماراح أضيعج من ايدي مره ثانيه
هي : لا بس كافي اللي شفته بحياتي كافي .. انت ارجع لحياتك وانا لي حياتي
هو : حياتج اهي حياتي .. اذا خسرتج اول مره فكان النصيب .. أما الحين بحاول انج اتكونين نصيبي
هي : انا مو مثل قبل مافيني صبر .. ما فيني قدرة تحمل مثل قبل


دخلت سيارتها وأغلقت الباب مسرعه .. تفكر مالذي تريده ؟ طليقها او حبيبها

أكملت الطريق وحيده .. في ليله بارده .. كانت تحلم في تلك الليله أن يكون بجوارها يواسيها

كانت تحلم بحياة سعيده وتدمرت من شك .. وهي تفكر الآن في حالة اتخذت هذه الخطوه هل ستدمر حياتها تلك الشكوك من ناحية حبيبها أيضا ؟؟



يسرع هو بسيارته .. مسايراَ لها .. يلوح بيديه

هو : وقفي سيارتج وسفطي

وهي مكملة طريقها لا مباليه فكل الرجال لهم نفس التفكير هو الشك



يتصل على هاتفها

هي : ألوو
هو : سفطي

هي : خلاص مالي مزاج حق شي
هو : أمشي نشرب قهوه
هي : أي قهوه هذي تالي الليل .. مو وقته
هو : يلا يلا عن الدلع امشي أي كوفي شوب الحين .. الدنيا برد ومطر

وذهبا سويا الى المقهى .. كان فيه الاضاءة خافته .. وجو هادىء رومانسي ودافىء .. تدخل هي ممسحه دموعها ينظر اليها بنظرة حنان

نظرته : لا أتحمل أن تسقط من تلك العينين دمعه واحده
نظرتها : أصبحت حياتي مليئه بالدموع
نظرته : من يرى ذلك الجمال لا يصدق تلك الدموع
نظرتها : الشكل الخارجي ما هو الا غلاف يحميني


يتحدث هو مقاطعا لنظرتها

هو : شرايج نختار نقعد في هالمكان
هي : اوكي
هو: لا تبوزين .. مابي أشوف بووووز
هي : انزين
هو : شوف شلون هم اتقول زين .. شايفه بوزج انتي





و للحديــــث بقيـــــه

( فــــــــــــي المقهـــــــــــى )





************

همســـــــــــــــــــه
لمنــي بشــوق وحضنـــي