يتحدث هو مقاطعا لنظرتها
هو : شرايج نختار نقعد في هالمكان
هي : اوكي
هو: لا تبوزين .. مابي أشوف بووووز
هي : انزين
هو : شوف شلون هم اتقول زين .. شايفه بوزج انتي
تنظر إليه بابتسامه محدثه لنظرته
نظرتها : لا تبدأ
نظرته : لماذا؟
نظرتها : لا تبدأ أرجوك .. فلا قدرة لي على تحمل تلك النظره
نظرته : اذا انتي تعرفين ما معني تلك النظره ؟
نظرتها : كيف لا أعلم .. كيف ؟
يتحدث هو مقاطعا لنظرتها
هو : الله تذكرن أول مره التقينا .. في مقهى ؟
هي : شلون ما أذكر
هو : بس كنتي لابسه خوش نفوف
هي : بعد متذكر لي الحين
هو : طبعا
هي : قولي شنو كان لونه ؟
هو : الله انا .. انا تسئليني هالسؤال تختبريني يعني ؟
تنظر اليه بابتسامه
هو : كنتي لابسه نفنوفج الوردي اللي يشب عليج .. على قولة المصريين .. حياكل منك حته
هي : ابيييــه والله تتذكر
هو : عيل شلون عيل .. حبيبتي لا تختبريني بهالسوالف اوكي
هي : اي طبعا مغازلجي
هو : ولييـــــه
هي : ها ها ها ها ها ها ها
ينظر اليها بابتسامه مشرقه
نظرته : كنتي أميرتي في تلك الليله
نظرتها : سحرتني بتلك النظره
نظرته : أخذتيني الى عالم كنتي به انتي فقط
يتحدث هو مقاطعا
هو : ها شتشربين ؟
هي : ممممم
هو : أوووووص أنا أعرف شتحبين
تنظر اليه بابتسامه
هو : لا تيه .. راح اطلب انا بعد لاتيه
هي : عارف شحب بعد ؟
هو : عيل شون عيل أميرتي انتي
يتظر اليها مداعبا لنظراتها .. ويمسك يدها يداعب اناملها
نظرته : أميرتي ، حوريتي ، دميتي
نظرتها : ماذا تريد أيها الصياد؟
نظرته : أريد أن أستنشق عطرك .. أن أبحر في سحرك
نظرتها : وماذا بعد ؟
نظرته : أن تكوني دميتي .. لي وحدي في عالمي الخاص .. عالم يحتوينا
نظرتها : خائفه من هذا الزمن
يتحدث هو مقاطعا لنظرتها
هو : شنو هالزمن اللي اتخافين منه
هي : اهو نفس الزمن اللي فرقنا
هو : ونفس الزمن اللي جمعنا صح ؟
هي : صح
هو : عيل خلاص .. كل شي في هالدنيا خيره ونصيب
هي : بس
هو : أووص ولا كلمه خليني أكمل .. ما نطرت أنا كل هالسنين الا لاني قلبي حاس ان في شي بيجمعنا في شي بيحتوينا ويوحدنا .. اللي طاف طاف عيشي هاللحظه معاي .. عيشيها وياي
هي : كلامك في أمل
هو : منو أمل ؟
هي : وااااي لا تملق
هو : ها ها ها بعد لازم أتحرش ما اقدر
هي : أدري فيك شيطون
ويصل طلبهما للقهوه ( اللاتيه )
وبينما كانت ترتشف القهوه .. داعبت نظرته نظرتها
نظرته : شفتاكي
تنظر اليه مبتسمه
نظرته : أبحر بتلك الشفتان .. تأخذاني الى عالم من الخيال .. عالم به زهر و نهر ونخيل .. وعيناكي
نظرتها : مابهما عيناي
نظرته : عيناكي بحر أستمتع وأنا أغرق بهما .. لأني أعلم بأن هناك حوريه جميله تنتظرني عند الشاطىء
يتحدث هو مقاطعا .. ممسكا يدها
هو : أحبج
هي : بس عاد
هو : أحبج
هي : شالمطلوب الحين ؟
هو: نرد لبعض .. وبخطبج ... كيفج رظيتي ولا ما رظيتي مو بكيفج اتعلقين قلبي وتاخذينه مني .. ولا بكيفج تخليني أحبج كل هالحب .. انتي بكيفي انا ولي انا وحقي انا وملكي انا
هي : وانا موافقه
هو : صج ولا غشمره ولا تاخذيني على قد عقلي
هي : اوووله صارت الساعه 12:30 امبيه تأخرت
هو : سندريلا مو وقته ترا .. قلبي على طريف حرام عليج تلعبين بأعصابي جذي
هي : تدري اني أحبك .. وتدري اني ما اقدر أعيش بدونك
هو : يعني موافقه
هي : اي موافقه على كل كلمه اتقولها انا موافقه عليها
هو : وتكونين حبيبتي وزوجتي وحوريتي وأميرتي
هي : أبي أكون لك
هو : اللـــــه
أمسك يدها .. وقبل رأسها .. وداعب شعرها هامسا في أذنها مقبلا خدها
تنكشف أسرار روحي لي من طريت اسمك والا لي غرّد على غصني و زهّر كل انتظاري
أغنيلك عصافير اتفنّن في هواك إرجع .. وانته صوتي وصوت الناس
لي قلت بفرح.. إرجع
هو : تذكرين غنيتنا
تصحك .. بدلع .. وهو يغني تلك الاغنيه ويقبل خدها الناعم
انتهى
مع تحيات بنات أفكاري
**************
همســـــــــــــــــــه
كل ماطريت إسمك تغنّى كل مافيني
36 comments:
تمت
بيتزوجون
وفريد الاطرش ريلها شصار فيه؟
اهلا زووز
قصدج طليقها
كان مجرد كومبارس في قصتي
لووول
:)
اللي كنت بوصله
ان الحب موجود .. لي بغيناه تر اهو موجود
مع انها كان ممكن انها اترد لطليقها بس خلاص انتهت حياتهم الزوجيه واهو مايبي يرد واهي اتعرف ان طبعه شكاك
فترد لحبيبها وخلاص
:)
جنه نهاية القصه ماعجبتج ؟؟
هل انتي متعطشه للرومانسيه؟؟
كسر خاطري
حطيله في اغنية النهاية مشهد انه تزوج عشان الدنيا تصير ورديه
بعدين ترى شلون شكاك واهي قاعده تفكر بثاني واهي زوجته يعني مسكين ماكو احساس؟
تقولين الحب موجود لي الواحد دور عليه .. انا هذاك اليوم شاريته مثلج من جمعية القادسية
لوووول
وبعدين شكو ما عجبتني النهاية قصتج واناشبج يعني؟؟
بس دامج هني قلت اتحرش فيج يالغالية
:**
يازينج
زوووووووووز
انا اموت اذا ماعجبج شي في بوستي
اصلا انا وحده اذا ما علقتي عندي أهلوس
استانس على تعليقاتج + بوستاتج + التحرش
:)
حياتي والله انتي
:)
نطري نطري
الياي أحلى
:****
شلون بالله ما اعلق عند وايميه حبيبتي
اصلاً انا ماكو شي يخليني استانس بالدنيا الا نكت المحششين وانتي
ههههههههههههههه
متابعه من قلببببب
ليش كل شي منج عسل
:")
:)
ترى زووز بدعت بسالفه فريد الأطرش
موتتني ضحك يغربل ابليسها
يالله ناطرين اللي بعده
شغل عدل يبوس راسها وخدها في المقهى وفوقها مو متزوجين
!
هذا بالكويت وإلا بره
؟
nice story
ماكو اكشن ؟
طق ...سيارات ...حركات
.........
جميل جدا كان حوار النظرات
حفظك الله
بسرعه خقّت
ما هقيت..على بالي باتعفر شويه عليه
بس صاجّه الحب يغلب أي شي
و مالا داعي المكابر
خـــوش قصه
و ختمتيها
بأغنية رويشد
ختامها مسك بالنسبه لي
أختيارج للهمسات
شي راقي
جميلة جداً
وممتعة
ورمانسية
سلميلي على بنات افكارج
إللي كتبو هالقصة
:)
شـرايـج تـصـيـريـن مـؤلـفـة ؟ فـجـر الـسـعـيـد مـو أحـسـن مـنـج :D
بـس دام قـصـصـج فـيـهـا "قُـبـل" فـالله يـعـيـنـج عـالـرقـابـة
:P
الللللللللله .. والله ابداااع ليس له حدود :)
على راسي والله .. جدا جدا جدا جميلة :)
" عيناكي بحر أستمتع وأنا أغرق بهما .. لأني أعلم بأن هناك حوريه جميله تنتظرني عند الشاطىء " ..
ياسلام :)
يبيله سلسلة وهم مسافرين بعد :)
وتحياتي ..
ويسلمواااااااااااااااااااا :)
why me
تسلم بنات أفكارج
لأ لأ صج صار مسلسل مكسيكي
الحلقة 8549
تحياتي
عندي سؤال ممكن
كان في وحده اسمها شذر \او شذرات
ماذكر بالضبط
تعرفينها ولا تعرفين مدونتها
(( فاقدينها ))
بنات افكارج خلونا نصوم وايد بس الحمدلله فطرنا :D
نهاية سعيده بس سؤال حاك الرصيف ، طليقها المحترم شصار عليه ؟ ودامه يدري انها تحب صاحبه شكو متليقف وعاش الجو ؟
احسه اييب المشاكل حق نفسه :)
اقدر اقول نتمنى لهم حياه سعيده
يعجز اللسان((الكيبورد))
عن الشكر
يالله مباركين عرس الإثنين ..
بس عاد نبي الجزء الثاني قصتهم بعد الزواج ;p
اختيار الاغنية موفق جدا ..
وتسلسل الأفكار ودمج ما يقال بما لا يقال رائع ..
نترقب المزيد .. وإلى الأمام دائما ..
رغم انني كنت انوي قرائة السطور الاولى فقط
لالقي نظرة على ما تبقى
لكن سلاسة التعبير
او الاسلوب الغير متكلف يجذب تكمل باقي القصة
حلووو خيالك
تقبلي مروري
واي مي
متابعه للقصه واخيرا النهايه سعيده
بس ليش يايبه طاريي بالقصه
;)
بصراحة قصة عجيبه والحلو فيها
انه بسهولة باسها على راسها وخدها قبل لا يدفع الحساب...انا بسألك
بنات افكارك تلحفينهم بهالبرد؟
اي عفيه ديري بالك عليهم
وتسلم الايادي
يا حلو النهايات السعيدة بس جان زدتي اشوية جملتين ثلاث علشان اتصير القصة طويلة :P
همسة
و كل ما تذكرت همسك دفى قلبك يدفيني
وايمية
نبي بوست
لا تطولين
:")
ZOOZ
انتي اللي عسل بعد عمري
:**
==
الزين
هلا بالزين كله
حاضر
:)
==
nikon 8
هذا بخيالي
:)
==
المباركيه
ثانكيو
==
أبو لطيف
لا ماكو اكشن
ياحبكم حق سوالف الطق
لوووووووووووول
مشكور وايد
بعد بعد يايتك بالحجي :)
==
nanonano
حريم بسرعه نرضى .. بسرعه ينقص علينا لوووووووول
كلج ذوق والله
هذا نهاية القصص الرومانسيه
:)
بعد عمري انتي :**
==
ابو الدستور
كلك ذوق :)
==
7osen
ثانكيوووو
كلك ذووق
الله يسلمك يوصل
بخطب لك وحده منهم شقلت ؟
لوول
==
البيرق
لوووووووووووول
اي حد امه
انا احسن منها
محد رقابه اللي يقص مشهد اقص راسه
اووف حدي قويه مو ؟
لوول
==
Q8EL5AIR
مرورك اهو الحلوو مشكور كلك ذوق
:)
اي انطر سلسلتي اليايه
:)
==
منى طالب
الله يسلمج
حاضرين للحلوين
:)
==
الفنان
لووووووووول
وييييييه ماشفت شي بس صبر
زين مو احلى جذي ؟
فيها تشويق واثاره مو ؟
:)
لا والله مدونة شذر او شذرات ما اعرفها كلش
:)
معاذ
لووول
زين الحمدالله عجبتك النهايه
طليقها الله يسلمك .. تزوجها عقب مانتهت علاقتهم بس اكتشف ان مازالت اتحبه فقرر ان اهو ينسحب من حياتها
وبالنسبة ان اهو يايب المشاكل لنفسه
لووول
حدك اندمجت :)
==
الطائر الحر
انا اشكرك على حسن المتابعه
==
أحمد الحيدر
كلك ذووق اخجلتني والله
:)
عيل تابعني
ماشفت شي للحين
:)
==
أميره
تسلمين حبيبتي والله
==
صبا
شلون يبت طاريج بالقصه ؟
مافهمت
بس ان يبته لاني احبج :)
==
بوفهد
لأ ما ألحفهم كلش لووول
==
عبادي
مادري ما فيني صبر لووول
وهمستك حلوه حلوه
==
زووز
حاااضر من عيوني
آنا قريت القصة بالمقلوب بس فهمت الحمدلله ;p
الحمدلله بعد جت سليمه
مبروووووووووووووك متى العرس؟
اكيد كلنا معزومين .. بس الله يعافيكم العرس عقب هالبرد مااحب العروس بالشتا :P
ReLaaaX
loool
قريتيها بالمقلوب .. هم زين :)
للحين ماقرروا متى العرس
hehehe
بعد التحيه
بامكاني فعلا أن اكون أحد الشهود لهذه الخطبه المباركه :) .. بالاضافه الى حوار بسيط رائع يدخل القلب كالسهل الممتنع .. عجبتني أن تفكيرهم بالفصحى أو نظراتهم بالاصح و كلامهم باللهجه
الثائر
القصه خذتني عالم ثاني ثاني ثاني ..
حسيت بكل كلمه قالوها
يا حلات الرده بعد الفراق خصوصا ان حب طاهر جذي والقصد منه شريف .. ما تصدقين الكلمات شكثر اثرت فيني وعيوني غورقت ..
هو : وتكونين حبيبتي وزوجتي وحوريتي وأميرتي
هي : أبي أكون لك
هو : اللـــــه
يا حلات هالكلمه اكون لك وتكون لي
الله يجمع كل قلبين يحبون بعض مهما كانت الظروف ..
مشكوره وايد وايد على البوست العجيب
Co0o0L Story
مدونة مميزة
متابع
^^
بـركـــــان
اشكرك على المتابعه
==
Engineera
العفوووو ولوو
:)
==
Lad Of Murbah
حياك الله ويا هلا فيك
وايد حلوة فكرة الكلمات الفارغة والتظرات المليئة بكل الكلمات.
ابداع جميل جدا
السبت سبمبوت
مرورك هو الاجمل
Post a Comment