يمسكها من يدها وبقوه
عمر : أطقج اذا شفتج إتسوين الغلط .. أمد إيدي لما أشوف حبيبتي سكرانه .. امشي معاي تعالي
غيداء : هدني وخر
وهي تترنح وفي حالة سكر
غيداء : وخر عني زين .. ياي الحين اتقول عني حبيبتي وينك وينك يوم اهلي رفضوا زواجنا أشوفك ما وقفت بويهم وقلت أبي حبيبتي
عمر : إمشي انكمل حجي بغرفتي جذي ما يصلح سكرانه وقاعده تخورينها
غيداء : مو سكرانه وخر عني
وطرااااااااااخ .. طرق ثاني على خدها
وحملها الى غرفته .. وهي في حالة سكر.. توجه عمر الى الفندق حاملا غيداء .. وطلب قهوه ساده.. وأتى النادل بالقهوه
عمر : يلا شربي .. اصحي غيداء .. ماني ناقصج لا تكملينها علي شربي
غيداء : مابي اشرب .. اشسالفتك بس قاعد وطق ما اتفاهم وخر وخر لا تلمسني
يمسكها عمر .. ويقبلها على رأسها
عمر : آسف حبيبتي .. موبيدي والله .. احتريت يوم شفتج سكرانه .. ممكن تشربين القهوه ونتفاهم ممكن حبيبتي ؟
غيداء : اوكي راح أشربها
وتشرب غيداء قهوتها بهدوء تام .. وهو يتأمل كل ما فيها .. شعرها .. عيناها .. شفتاها .. وأصابعها
عمر بينه وبين نفسه : رديتي روحي من شفتج .. الله يسامح أخوانج بس
غيداء: شتفكر في ؟
عمر : فيج .. أفكر ليش ماخذه عني هالفكره .. خطبتج 4 مرات وأهلج رفضوني .. ليش جذي شنو ذنبي انا باختلاف مذهبنا ؟
غيداء : وايد ناس مذهبهم مختلف وتزوجوا شالمشكله يعني
عمر : انتي اتقولين لي هالحجي ؟ ما تقولين حق اخوانج؟
غيداء : انت بس 4 مرات حاولت .. بليز حاول
عمر : بس غيداء أحبج وأحطج على راسي .. لكن كل اشوي ماخذ الوالده وياي بيتكم واخوانج يسمعوني جم كلمه لي متى؟ ما تقولين لي متى بالله ؟
غيداء : آخر مره صارت هوشه فويه في البيت .. وامي وقفت وياي عقب ماكانت واقفه وياهم .. قالت والنعم فيك 4 مرات خاطبني معناه شاريني وما تفرق اذا مذهبنا مختلف احنا نفس الدين
عمر : هذا اللي قاعد أقوله من الصبح
غيداء : أدري أمي دقت علي اتقولي أخواني بيراضوني .. وانا ماني راضيه الا لمن انتزوج ياما ناس تزوجوا ليش اهمه واقفين ابويهي
عمر : اللي علي سويته .. الباجي عليج انتي
غيداء : بس انت الفتره اللي طافت لا تسأل ولا ترد على مكالماتي .. ليش ليش هالقطاعه هذي ؟؟
عمر : أحسج بتضيعين من ايدي .. ومابي أوقف نصيبج اذا يالج واحد أحسن مني
غيداء : بليز ولا كلمه مابي أسمع هالحجي .. الله يجمع بينا
يبتسم عمر .. ويقبل يدها
عمر : نطلب شي ناكله هني بروحنا
غيداء: أي أبي شي أكله هني معاك وبروحنا .. مابي أحد معانا ولا يقاطعنا
عمر : محد بيقاطعنا كلش
يمسك يديدها ويقبلها .. يداعب شعرها
وتسقط ورقة التوت
وللحديــث بقيــه
طبعا أحمد الحيدر
وبولطيف
حدهم مستانسين على الأكشن اللي صاير
;p
*****
همســــــــــــــــــه
أنا و أنت أسطوره رسمعا عاشقان .. ولوحة فيها جميع الألوان
همســــــــــــــــــه
أنا و أنت أسطوره رسمعا عاشقان .. ولوحة فيها جميع الألوان
21 comments:
غلطانه غيداء..4 مرات و ما حاول
لازم يصيرون 10 يالله يبرد قلبها
لووووووووووووول
واي نانو ضحكتيني
وهي على هالطراقات إلي حصلتها ما صحت بتصحيها القهوة؟
عفية لا تقولين بعد في الحلقة الياية بيطقها ترى عورني قلبي عليها
keep going
ناطرين الباجي
اربع مرات بس
افااااا
اهو لازم ينطق ويتبهذل عشان يقول خلالالاص
رميت طوبتك
وبعدين شسالفة الطراقات وياك
تصدقين عقب ما طقها الثاني ليش حسيت بتقول له بحبك ياحماااار
:)
لا تزعلين بليييز
وشسالفة ورقة التوت
@@
اهم اصلا وين كانوا اللي لابسين ورق توت
ترى سالفة ورقة التوت كلش مو سهلة
فيها دم
وقبايل
وقضايا
ومحاكم
ويييييييينج يازوووز يا رفيقة التدوين والتعليق
* ملاحظه صغيرة على الهامش
سالفة الدم والقبايل هذي مالت استكانه
عذرا على الإطالة
وسوري اذا مصختها
:)
تحبيني صح؟؟
الزين
انا اللي بطلع من الشاشه واذبحج
لووول
وبخاي فيها دم وقبايل
مو قلنا خيال
لوووول
اي أحبج
;pp
عجيبه
يبتيها على الجرح والله .. بس يا بختها حاول اربع مرات صج عطاها ويه وايد لووول
ومو عاجبها بعد تقول جان حاولت
بس اهم بروحهم بالغرفه ؟ وقاعد يحب ايدها وراسها ؟ واهو اصلا يموت فيها واهي تموت فيه !!
يا حلو التمرد والله لوول
برب هاواي
نااااااااااااااااطرين
واي مي
اي تمرد هذا اعصار
شنو هالاحداث بصراحة فيلم رعب
لا بس حرام تولاها طراقات عمور الهيس الاربد
شافها ابروحها قال خل انام في مردانها
مثل مااخوانها غسلوا شراعي وهم
يرفضونى
انا مو باط جبدي الا رفيجه ساس البلا
أحمدووو حسبي الله عليك سببت على بنت
الاوادم ...تعالي الحفلة واستانسي
كلت مسكينه هالطرقات! والله ياغيداء
مايسوى عليج هالنعناع والليمون
روح الله لايوفجك يالجرسون الخسيس الي غيرت
السغن آب بالواين!!!
بس صج تشويق وتمرد
انا تمردت على احمدووو رفيجه
وينه منخش؟
عجيبه ياواي مي
هذا التمرد والا بلاش
لايوقف
على فكرة بأخر القصة مو تنسين تحطين لقطات سميها
شي ماشفتوه
مشكوووورة
شكرا على الموضوع الحلو
والممتع بنفس الوقت
تحياتى
أنا قلبي مع احمد
وين راح احمد؟
عقب كل هذا طلع كومبارس؟
:Pp~
بعدين انا بلعت طراق انها شربت
بس يوم راحت وياه غرفته
قلت مال من يدوس بمردانهم اثنينهم
خزياه بس خزياه
وين اخوانها اهووو عطيني رقمهم ادق دق عليهم
:pP~
@
ادري خيااااااااااال
بس ياربي انا صايره حتى بالخيال ححجر
:)))
الهمسه يا ام الهمسات
حلوة
:)
اقول واي مي
لما راحت معاه غرفته
وسقطت ورقة التوت
كان الموضوع متعه لو مسيار
بما ان مذاهبهم مختلفه
اكيد اهي اللي سكرانه مو عمر اللي سكران ؟
.. اربع مرات يخطب وحدة سكرانه!!
انقرضوا البنات ؟
كااااااااااك :)
حدي تحمست :)
يالله متى يتزوجون :)
العادة بقصص عدوم الزواج بسبب الخلافات بين الاهل تنتهي بالزواج رغم انف الاهل .. ويطنشون فيهم !
بس اتوقع اسلوبج غير .. جدا ممتع :)
مترقبين للقادم !!!
وتحياتي ...
ويسلموااااااااااااااااااااا :)
+18
انزين شنو ورقه التوت
:))
انا عليمي
قصة جميلة الصراحة
خيالج زقرتي للامانة هاواي و اماكن حلوة ملينا قصص الافلام المصرية المواعد كله بالمقابر او فرارة علي النيل
بس بلييز نبي القصة الياية جعفر و شيخة
والله فيه خير عمر واضم صوتي لصوت البقية مطالباً بتوضيح ورقة التوت ههههه
ترى مو كل الناس فهيمه بهالسوالف :$
وقصة ممتعة و سرد جديد إستمري
حلفي ان احمد اسمر اللون مفتول العضلات طلع كومبارس ؟
لوووول والله نبهتني الاخت ستكانه انقهرت عليه .. بليز ردييه قولي له رفيجت غيداء بتيي بعد يومين
عزمت اروح
أووووووووووه ..
شصااااير ؟؟
كل هالأكشن من ورااااي ؟؟
:))
خوش خوش والله حده يازلي الوضع ;p
بس عاد ( أحمد ) لا تنسينه ها .. ترى خوش ولد يستاهل كل خير ;p
يالله يالله نبي بعد لا توقفين :))
مسلسل يديد حق فجر السعيد ؟
:P
مساء الخير
يلا متى الموضوع القادم
تحياتى لج
Post a Comment