أمس الساعه 1:30 بليل .. سهرانه مع بنات خالتي ومطفين الليتات وقاعدين يطالعون فلم دي في دي
الترجمه لونها أصفر .. بصراحه حدي إنحولت من هالترجمه
أنا أول مره أشوف ترجمه لونها أصفر .. تحول اللي ما ينحول
قلت خل أروح قعد على كتر وأصبغ أظافري أبرك لي من هالترجمه اللي تحول
خلص الفلم وصار صخه في البيت .. وكل وحده تقول سالفه عن رفيجتها مادري أهل رفيجتها وعن الينانوه اللي ابيتهم
بالله هذي سالفه تالي الليل؟؟
المهم والاخت مندمجه بالسالفه سالفة الينانوه .. وشصار في بيت رفيجتها ومن هالحجي
أخوي حده اندمج وقعد على الرموت كنترول .. وفجأه كلهم اصرخوا يمااا
بسبة أخوي اللي قعد على الرموت وصار التلفزيون صوته عالي وايد اخترعنا كلنا على جملة
طلع من البيت شايب شايل شي على ظهره
عقبها صارت الصرخه .. صبغ الأظافر انكت على بجامتي حسبي الله على ابليس وبنت خالتي اخترعت عقب اضحكت ودمووع دمووع دموووووووع
ما عرفنا هذي أي دموع بالله
دموع الضحكه .. ؟؟ ولا دموع الخرعه .. ؟؟
لوول
الحجي انهم يايبين فلم رعب يبون يشوفونه .. انتوا وين وأفلام الرعب وين
خلوا أفلام الرعب حق أهلها .. ينيت أمس
أي على طاري الينانوه
هم مره رفيج أبوي جذي مسولف حق الوالد سالفه من هالطقه .. والوالد الله يهداه ياي الفير مشغل القرآن ومطفي الليتات في البيت حتى صبعك ما تقدر إتشوفه
قعدت من النوم مخترعه
عبالي يوم القيامه .. اخترعت بغيت أبجي لووول
!!
بعد ظلمه وقرآن .. يعني شراح يطري على بالي بالله
أنا بس أبي أفهم شغله وحده بس
ليش ما تحلى سوالف الينانوه الا تالي الليل ؟؟
ولا بالبر؟
ولا لما تكون بالشاليه ؟
*****
همســــه
كانت تلك الليله ليلة سوداء مظلمه مرعبه كاد يقف قلبي فيها
21 comments:
يوقف قلبج عشان يني؟
الينانوة ما يأذون الناس!
عمرج شفتي يني ذابح واحد أو داعمة بالسيارة أو طاقه بكس؟
ماكو! صح؟
اي صح
بس هم اخترعت
الينانوه ما يسون جذي
يسوون سوالف ثانيه
مو
!
ههههههههههههههههههههه
ضحكتيني عبالج يوم القيامة!
احب هالمواقف
ليش تحلى بهالاوقات والاماكن عشان تزيد الخرعة:p
وانتي كله امخرعتنا
وخاضة بطونا.. لايكون مدونتج مسكونه
ترا اعرف واحد طلعت مدونته
ساكنتها ينيه
المهم انتي الحين بخير
ولاتنسين تبخرين نفسك وتتعوذين من
ابليس ..اخاف يطلع لك المارد
سلامات
لوووووووووووووووووووول
تصدقين عاد؟؟؟
صج سوالف الجن وما تحلى باليل
يعني ماكو فايده قاعد بدوانية ولا بقهوة وتسولف عن جن
ما يصلح
:)
مره طرينا هالسوالف بالقهوه واحد من ربعنا خاف ومشى والضحك ان الطاوله الي يمنا كلهم مشوا معاه لووول
سوالفهم حق حزتهم :P
اااي كله جذي يسولفون عن الينانوه في تالي الليل و كل واحد يسوي نفسه انا الي رامبوا ماخاف من الينانوه وبس لما يصير هوا والباب يتصكر بروحه يخااف
ساااعاات صج سوالف الينانوه تصير حلوه و تجذب الواحد
امسيتكم كانت مرعبه بحد ذاتها
هيهيهيهيهيهي
ضحكتيني والله
مادري ليش تخيلتكم وانتوا مخترعين
:)
عجيب المنظر
كبرياء ورده
طلعتي شماته يالنحيسه
تحبين هالمواقف ها
لو انتي مكاني جان بجيتي
لول
عسى دوم هالضحكه الحلوه يا عسل
:**
==
بوفهد
لووووول
انزين الينيه اللي كانت ساكنه مدونة اللي اتعرفه حلوه ولا جيكره؟
لوووول
شسوي انا اخترعت حزتها مو بيدي
:)
==
كويتاوي
اي اي حق التخرع
مو
==
معاذ
لوووووووووول
موصج رفيجك لوول
==
المباركيه
لوووووووول
اي حده لي تصكر الباب ينشف دمي
لوول
==
عثماني
لوووووول
حدك نحيس
عجيب المنظر ها
لا تشوفني دمعتي كانت على طريف
لوول
اكو ينيه مو حلوه؟
وبعدين لاتسمعك ترا تضرك
سامحيها( يالينيه الحلوة) ترا تسأل مو
قصدها واي مي تطنز !! يالله سكنهم
بمساكنهم
اي تغشمري اخذي راحتك هذه ينيه مو
كويتاوي اطيحين الميانه وياها
عاد انا بلغت
بوفهد
سكنهم مساكنهم
دستور دستوووور
ههههههههاي
يا زين سوالفج يا وااي مي
ضحكتيني على يوم القيامه
......
اتصدقين وانا بعد اخاف من سوالف الينانوه
سكنهم مساكنهم
:(((
صح سؤالج بمحله ليش الاوادم سوالفهم ما تباش عن هالموضوع الا تالي الليل
؟؟
وانا بعد اخاف
واااايد مو شويه
وتصبحين على خير
صبا
هلا بالحلوين
بعد عمري والله انتي
شفتي شلون يتسلطوون تالي الليل
وانتي من اهل الخير والورد
:)
hello sweet
ee wallah 3adel kalamech ana atethkr one time kena m6afeein al lights 3eshtaw msawein jaw o m9kreeib albab o hdoooooooo2 o 7adna m5tr3eeein cz shayfeein laq6a allah belkhair kelna narjaf 7asha mo film ta3theeeb wala shino faj2a mama tefta7 albaaab kelna 9ar5na mra wa7da lo0o0o0o0ol
allah y3eeena o 3ala 6areii al yananwa t3watheii mn ebleeees o 5aleii eimanch qoweii o bchetheii alyenii ma ra7 y7e6 doba mn dobech :P
من الصبح قاعدة أضحك على أبوج لمن شغل القرآن و سكر الليتات لوووووووووول
يذكرني بأبوي كل ما يرجع البيت يقفل باب الدور الفوقي و يقفله 3 قفلات كله عنده في حرامية بيدشون البيت من زماااااااااااااااااااااااان
و يا حلاته عاد لو انتي قاعدة تحت بالسرداب و اهو عباله انك بدارك و اتيين نص الليل و تبين تنامين و الباب مقفول!!! تعالي طقي الباب و انزفي!!!!
ماهو باب البيت ابكبره مقفول ليش التقفل بعد؟؟؟؟
اشربوا تصحوا
cheers
azzurriya
لووول الموقف خده يهرع
اهلا بزيارتك الاولى :)
==
danderma
لووووووووووول
والله حاله
اهلا بزيارتك
:)
==
العاصي
cheers ya yoba
==
im looking for Eng.f.sulaiman
i don't know him
اي والله صدقتي .. وخصوصا بالبر .. احلى واحلى :)
لا وبعد اتذكرينها وانتي نايمة بالبر بالخيمة بروحج !! " صارت فيني مرة ويالله نمت !!؟؟
:):):)
بس مع هذا ان من اشد المعجبين بافلام الرعب .. شي ممتع والله :)
وتحياتي ..
ويسلموااااااااااااااااا :)
كويت الخير
اي والله حلاته اتذكر هالسوالف وانا بالبر بروحي
أتيمد بمكاني لووول
ليش اقرا هالبوست والغرفة ظللللللللللمة الحين
تهقين خفت؟؟
انا أخوف الينانوه هههههه
يبيلي اعلمج
:")
زووووز
اي حده
يبيلي كوورس عندج
لوووول
Post a Comment