يــوميــات مــديــر خـــواف

كان يا مكان في قديم الزمان في سالف العصر والاوان كانت واي مي قاعده بمكتبها وفجأه
ترن ترن ... ترن ترن

واي مي: ألوو
المدير : ألو واي مي تعالي شوي لو سمحتي
واي مي: إن شالله

ولما راحت مكتب المدير

واي مي: أمرني
المدير: شوفي في كستومر ياي ..و معصب حده يبيني أنا بالذات .. اللي ابيه منج انج إتهدينه وتحلين مشكلته اوكي.
واي مي : اوكي ان شالله .. بس اذا قالي ابي المدير؟؟
المدير: قوليله عنده اجتماع
واي مي : صج عندك اجتماع ؟
المدير: لأ أنا مالي خلق المشاكل بسكر مكتبي وبروح واذا تبين شي طرشي مسج لاني بطفي جهازي
واي مي: وييييه شكله معصب ... واذا يأ الحين ؟
المدير: اي وايد.. اذا يأ الحين لا لا لا لا دخليته فاهمه لا دخلينه عندي.
واي مي : بس اذا معصب ترا ما اقدر اهديه شهدي فيه ؟ ما توقع اقدر اهديه.
المدير: لا لا صبر خل اكلم الامن يقولون لي قبل لا يدش الشركة.. ألووو
الأمن: ألوو هلا طال عمرك
المدير: شوف في واحد معصب وايد لا دخله الشركه الا لما تعطيني خبر اوكي.
الأمن: بس طال عمرك كل اللي يدشون الشركة معصبين
المدير : شدعوه لي هدرجه يعني الكستومرز مو راضيين علينا
الأمن : والله مادري

المدير: خلاص خلاص مو مشكله أنا أتصرف

المدير: واي مي انتي لازم اتحلين مشكلته
واي مي : ليش أنا ؟؟ ليش؟
المدير : بس الحين انتي شغلتج اتحلين المشاكل.
واي مي: خل أحل مشاكلي قبل عشان احل مشاكله.
المدير : انتي ليش خوافه؟
واي مي: منو أنا ؟ خوافه ؟ لا مو خوافه
المدير: امبلى خوافه يبيلج دوره في التربل ميكر
واي مي : الحين أنا اللي يبيلي هالدوره؟
المدير: اي
واي مي : اوكي اوكي بحل مشكلته ونشوف اخرتها

الحوار اللي شفتوه .. عباره عن قصه ممزوجه من الواقع وشوية خيال مشكله والله يا جماعه لما يصير المدير خواف عسى ما الكستومر ايي معصب الا اخترع هالمدير وطفى ليتات مكتبه وسكر تلفونه ويا فلانه حلي المشكله

نعيــــب زماننــا والعيـــــب فيـــــنا.... ومـــا لــزمـاننـــا عيـــب ســـوانــــا