Thursday, January 27, 2011

فــي مثــل هــذا اليــوم


أحتاج بريك في حياتي .. أشعر بالتعب مع اني ما ركضت يعني
بريك ينسيني أنا وين .. ينسيني كل شي
...
..
.
ومحتاجه كتكات
ينسيني اللي أنا فيه
...
..
.
يا حلو الجوكوليت مع القهوه مع ذكرى على البال انت طاريها
و في جو تحس إنت في غير
...
..
.
ذاك اليوم أنا عفست الدنيا واخترب الريجيم
وقلت دام اليوم الدنيا معفوسه خل اروح اييب لي كتكات .. وفي هذا اليوم كان يوم ممطر وبرق ورعد والسيايير زحمه مالها والي
وأنا الا آكل كاكاوو
مالي شغل أكل كاكاوو يعني آكل كاكاوو .. إن بغى تصير عاصفه هم باكل كاكاوو
وأنا بالطريج وعند الدوار واحد الله يحفظه كان حاجز الدوار كله تقحص
انزين يا بابا أبي أطوف
يا حبيبي عطني فرصه ... ماكوو أبد
وأزرق انا وأصرخ بالسياره وحالتي حاله ولا رحت البقاله
جان أعصب وقلت .. باكل كاكاو يعني باكل كاكاو يمكن راح
وأرد لكم وأروح الدوار ولا الاخ مستلم الدوار
...
يا بابا خلاص أبي كاكاو بليز لا تقحص إرحمني وهم أزرق و رحت البقاله أهم شي انا صافه
ولا إيي جيب و وانيت غير رفيجنا اللي حاجز الدوار ويستلمون كلهم الدوار
انا هني يت لي البجيه
لا لا لا صج ببجي ... أنا صج مو صاحيه طالعه بهالجو ويم هالميانين لا وعفيه قلب مشتهيه كاكاو
كان يوم إنما ايه
...
المهم نطرتهم لين خلصوا هوايتهم ... تالي رديت بيتنا ومعاي الكاكاوو
لول
أدري مينونه
;p

6 comments:

Katkoota xD said...

ما الومج

اوقات تصير فيني اكثر من جذي بعد

بس ما ينرفز الا اللي يقحصون خاصه المطر

مادري ما يخافون على نفسهم .. على الاقل خافوا على تواير السيارة

مسكينه تسكحت و انتلفت من التقحص خخ

بس الحمدالله كليتي كاكاوج

وصباح الخير حبييبتي :**

why me said...

Katkoota xD


اي والله هالميانين نمدو علي


صباح الجو اللندني :))

Manal said...

اي والله الكل محتاج بريك اضم صوتي لصوتج
بس مو مع الكتكات
مع كاكاو بمعنى الكلمة الله يهداج
الكتكات وتوابعة مو كاكاو

لما ارجع الكويت اذوقج الكاكاو الاصلي مع القهوة وطيري مع حبات المطر على تراب الكويت
:)

why me said...

Manal



:)

صباح الورد .. اي صاجه يبيله كاكاوو لندن :))


يا حلوج
:*

LIVE said...

يا معود "عيشي" بس حيطي بالك من هالهيلق :)
دمتي بمزاج عالي و جنون موزون :)

why me said...

LIVE


أشكرك على النصيحه الثمينه :)