أنا مغرمه من الطراز الأول .. أنا عاشقه متيمه في حب قهوتي
أدمنت الهروب من واقعي إليها.. وأسافر لها
أدمنت الهروب من واقعي إليها.. وأسافر لها
مع قهوتي أحس بأمل
مع قهوتي أحس بالقوه
مع قهوتي أروح في عالم الخيال
مع قهوتي أحس إني أميره
قصتي مع قهوتي قصة حب فريده من نوعها.. ما تحلى قعدتي الا مع قهوتي
إتشاركني أفكاري وأحلامي و همومي و هلوساتي و أفراحي
إتشاركني أفكاري وأحلامي و همومي و هلوساتي و أفراحي
إذا كنت فرحانه كانت معاي .. وإذا كنت حزينه كانت معاي
رفيقة دربي وصديقة عمري قهوتي
رفيقة دربي وصديقة عمري قهوتي
قصتي مع قهوتي وهني طبعا اقصد التركش كوفي وايد احبها بدت معاي وعمري 20 سنه ولي اليوم انا مدمنه وعاشقه من الطراز الاول .. اي مكان أروح له يكون طلبي الأول قهوتي عقب اطلب مني اللي تبيه
مو غريبه .. لما تحس بوحده شديده بس اطلبها استانس
مو غريبه .. أبيها بكل مناسبه
مو غريبه .. إدماني عليها .. وهني ما أتكلم عن نفسي في ناس وايد مدمنين عليها
مو غريبه .. تعطيك انطباع بتحسين المزاج
معاها أحس بحلاوة الدنيا .. حتى لو ظايق خلقي
معاها أحس في لذة الفرحه.. معاها أنا ملكه
ما أدري ليش أحبها
معاها أحس في لذة الفرحه.. معاها أنا ملكه
ما أدري ليش أحبها
وهنا أقتبس هذه الأبيات للشاعره.. هبه الصباغ
مالك يا قلمي .. هل أنت ضيعت درب الكتابه
تبحث عن سطر ..تخط فيه حروف البلاغه
من أين تبدأ..هل نسيت عنوان المقاله
أعتذر منك.. سأضمك بين الاصبع والسبابه
وسأجعل لحبرك نكهة قهوة الصباح المحتاره
أنا منك وأنت مني .. وكلانا عابس في وجه الحضاره
أكتب برفق فبين .. أسطري أريد ألف عباره
هل تقرأ مابين السطور..أم أنك تجهل معاني القراءه
مع قهوتي أروح لعالم الأحلام أكون في أنا البطله
10 comments:
همم
انتي محظوظة بهذه العلاقة
حب الجماد و المادة أفضل و أأمن من حب البشر
:)
كنت مدمنة قهوه
والحين تقريبا بطلت اشربها او بالاحري
بالاسبوع مرتين او ثلاث مرات
واحب اشربها بجو هادي ومزاج
تحياتي
ياهنيالها هالقهوه
الكلام بحقها روعه
وانتى
بعد
روعه
القهوة بإعتدال لها فوايد صحية أيضا :)
كالعادة بوست جميل و مختلف :)
نعم القهوة هي صديق من ليس له صديق
مع إن القهوة بالنسبة لي مضرة جدا إلا أنني احرص على شرب فنجال واحد منها يوميا
لقد بعثرت حبا بقلبي لم اعرف انة موجود إلا بعد قراءة كلماتك
بوسلمى
اي هالعلاقه وايد حلوه
صبا
اداماني على هالقهوه شي مو طبيعي
الدنيا مرورج اهو الحلو يا عسل
بو تشخيص
مرورك اهو المميز ويسعدني والله
حسافتج ياكويت
احلى من حبي لقهوتي ماكو
بس ودي اعرف شنو الحب اللي انا بعثرته ؟؟
:)
الف شكر على مرورك
حب القهوة
ماكنت أعرف إني أحبها جذي
بعد كلماتج فكرت فيها ولقيت فعلا انا بيني وبينها حب بس ماني حاس فية
للأسف ماحبها ..
أعتقد عندي عشق بديل ينافس عشقج للقهوه ..
ألا وهو عشقي للككاو ;p
يعطيج العافيه عالبوست الرائع ..
تقبلي مروري ..
kuwait
حسافتج ياكويت
:)
كويت
بالله منو ما يعشق الكاكاوو
امبيه اكتشفت اني اعشق كل شي
:)
الف شكر على المرور الحلو
Post a Comment