حفاظا على الذوق العام .. يتوجب علينا مراعاة الذوق العام
جذي وانت ماشي مستانس بدنيتك .. اتصادف ولا ابويهك واحد رايح يسحب فلوس من البنك بدشداشة النوم
ولا واحد رايح مركز سلطان بالبجامه
اووو صبــــــــــر صبـــــــــــــر
وين الذوق وين الاناقه ماله داعي الواحد يكشخ لي بغى يروح البقاله او الجمعيه بس هذا ذوق عام
يعني لازم الواحد يحترم الناس اشوي في اللبس في الاماكن البسيطه حتى
مره كنت زايره اهلي قلت خل امر البقاله مع اخوي ولا واحد سافط لابس بجدامه بجــــــــــــامه .. ما يصير
والله مو منظر حضاري .. الواحد يظيق خلقه
احس العين تنجرح يعني اهو الواحد لازم يعطي صوره حلوه عن نفسه حتى لو رايح الجبره
المظهر نصف الشخصيه يعني الواحد من غير لايتكلم من غير ما تعرف اللي جدامك مظهرك اهو اللي يحكم عليك قبل انت شنو
سمعت مره سالفه إن موظف مارضى يمشي معاملة حق عميل والسبه ان كان ياي ابدشداشة البيت يراجع البنك
فتحولت السالفه للمدير..يقول الموظف الحين أنا كاشخ حق منو مو حق العميل ؟؟
ليش هالعميل ما يحترمني ويلبس عدل وهو ياي يراجع معاملته
أدري المسألة مسألة ذوق واختيار وكل واحد حر باختياره .. ولولا تعدد الأذواق لبارت السلع
بس لازم الانسان يراعي مسألة الذوق العام .. الواحد مايدري منو بيصادف بالطريج
يمكن شريك العمر
يمكن شريكة العمر
:p
أو يمكن واحد من ربعك
أو يمكن واحد من المدونين
:p
وفي النهاية مظهرنا يعكس احنا منو يعكس شخصيتنا ويعكس ديرتنا .. فالنحافظ على الذوق العام
22 comments:
اكو مثل كويتى يقول
اكل ما تشتهى و البس ما يعجب الناس
:)
صاجه
تبط مرارتى الدشداشه المخططه اللى فيها جيب كبير من جدام
والا
يكون كاشخ بدشداشة بيت مغربيه
ويييييعععععععع
أنا في لندن اشوف الدشاديش المقلمة !!
وبعدين عييب عيييب واللة عيب
واللة لو نص الليل وماكو احد هم عيب
يعني انت قمت ودقيت السيارة سلف ورحت الجمعية ولا سحبت من البنق ومتعني
عيزان يا مال الكسر تغير بجامتك؟؟
أعتقد الحل ان اي واحد نشوفة نخزة خزة إستحقار أو نضحك علية
ويمكن يستحي بعد
ظلمتيه .. يمكن رايح حفلة تنكرية ؟
بجامة بارتي !
:P
تسلم ايدج والله :) موضوع حلو
هاليومين الناس ما ادري شفيهم والله .. ما يحشمون نفسهم .. ولو الواحد يحشم نفسه جان حشم الناس .
تسلم ايدج على هالمواضيع الحلوه :)
وحلوه منج تشيلي =)
جنت على نفسها
لووووووووووول اي اي الدشداشه المغربيه تبط جبدي حده
5:20
وصلوا لندن ؟؟
لاحول ولا قوة الا بالله
تشيلي
لوووووووول اي صح بجامع بارتي
ذا ثنكر
حياك الله
انا اذكر لما كنت صغير واروح صلاة العصر احصل تقريبا الكل لابس دشاديش النوم هالشي اختفى بعد التحرير واذكر طلعت فتوى بالسعودية بتحريم هشي !!
اشرايج بواحد مره شفته بسوق شرق ويتفرفر وعادي جنه مو مسوي شي غلط ..
لا ومستانس ان يكون ملفت أنظار خلق الله ..
وعلى قولة الاندلسي ..
اذا ما يحترمون نفسهم لما يروحون المسايد الي بيجابلون فيها ربهم وين بيحترمون نظرة الناس بالجمعيه والمجمعات والشارع ..
الحرم مترووووس بعد من هالأشكال ..
أنا يبط جبدي حتى الشورت القصير بو شبر هذا ..
ليش لابسه بعد !!
اشدعوه مغطي شي ..
الله يلوع جبودهم ..
لووووووووووووول طلعت كل الي بقلبي ..
يعطيج العافيه حبيبتي عالبوست الخفيف مثلج ..
تقبلي مروري ..
kuwait
السلام عليكم
أعجبتني وايد مدونتج.. و الي قلتيه صح و برأيي الي ما يحترم نفسه شلون بيحترم الناس؟
شكرا :)
انا اختلف بالراي معاج
الدشداشة المخططة لها اماكن
يعني تقدر تروح فيها أفرع الجمعيات بإستثناء فرع خدمة24 بمشرف d-;
والدسمة
تقدر تروح فيهم كل البقالات لان بدخل بسرعة واشتري
اقدر اروح قهاوي حولي
والرقعي
ولكن ماقدر اروح قهاوي السالمية
وجذي
اما وزارات وبنوك ومجمعات وايد غلط
--
مع العلم
انا اذا مالي خلق اتهندم واكشخ البس تي-شيرت وبرمودا واطلع
-
والدشداشة المقلمة عمري مالبستها (:
على الاقل هذا لابس دشداشة
احسن من اللي مرة شفته ببقالة بالسالمية واهوا نازل من شقته بفانيلة ومكسر
عيل ما لحقتي علينا لما كنا نروح الجمعية بمكسر وفنيلة
دشداشة النوم تطلع علينا كشخة
الاندلسي
كويت
روان
مشكورين على المرور
وسعيده لتفاعلكم :)
يعقوبووو
مادري قويه
زين ليش ماتروح فيها السالميه
لووول
فتى الجبل
اي هالمنظر كلش مو حضاري
فريج سعود
افا كنت منهم
;p
loool
يا عزيزتي لو ما إختلفت الأذواق لبارت السلع
ولكن المشكلة فيمن يعانون من الثقة الزائدة التي جعلت من الهلاقة موضة
على طاري ما ذكرتي من أمثله مضحكة و واقعية من دشاديش مخططة او حجابات بو تفخه و غيرها من المظاهر المخزية و التي تثير الإشمئزاز
هناك أطباع أبشع من ذلك
على سبيل المثال الصوت العالي و بين كلمة و كلمة مسبة او ضحكه لا تصلح إلا للشقيق الحمراء
السلوك و المظهر يدلان عالشخصية...لذلك أنا ضد التملق في المظاهر الزائفة اللي من غير سنع
و دمتي بصحه يا صديقتي الكشخه :*
العزيز واي مي
اتصدقين....إنتي اللي ذوق والله
موضوع جميل وخصوصا إني أصادف كثير من عدم الذوق في بعض الأماكن العامة...مثل فرع الجمعية أو عند الخباز أحيانا
وهم أأكد إنك إنتي الذوق في طرحك
ملاحظة حق العزيزة براقش
شخباري دشداشة مغربية...ألحين ثري كوارتر بلون فاقع وفنيله بيضا نص كم...مو نص جم...نص كم لوسمحتي
:)))
مع وافر الاحترام والمودة
المحـــــــــــــب/
شــقـــــران
عزيزي.. عتيج الصوف
اي والله اللي تكلمت عليهم هذيله يبيلهم بوست بروحهم
والف شكر على المرور :)
عزيزي ... شقران
كلك ذوق والله مشكور
مو مو هذيله اللي مشوهين المنظر العام
الف شكر على مرورك
:)
واي ما دشي مدونتي وستعرفين سر 5:20
السلام عليكم
اختي السالفة بالدرجة الاولى هي التربية والبيئة اللي عايش فيها , وكل واحد من لبسه يدل على تربيته واشلون عايش وشنو تعليمه هذا طبعا اذا استفاد من هالتعليم لان بالنهاية شنو اهيه اخلاقة
5:20
الحين انا عرفت السر :)
خوش قصه
سم ون كويتي
عدل التربيه + البيئه
بس لازم انحارب هالشي والله شي يبط الجبد
الف شكر على المرور والمتابعه
:)
كلج ذوق يا واي مي
وبوستج اليوم روعة وفعلا في ناس حسبالها المنطقة كلها بيتهم وماين عليهم ويطلع بالجمعيات لابس بجامتة
ولا واللي يبط الجبد فيها اثار مرقه مكتوتة علية
واللة تعرفين غداهم من دشداشتة
سلام
lol
بصراحة بوست جميل و خفيف
بالنتظار الجديد
:)
ولد خالتي داش المارينا بدشداشة نوم
جان يطردونه الأمن
و جم واحد اعرفهم كانوا يحدقون عند سوق شرق
بوزارة وفنيله علاق وجريمبة
دشوا سوق شرق(يون يشوفون شيصير) دقيقتين وانطردوا
اشكركم على التفاعل
حسافتج
انت اللي ذوق واشكرك على المرور والمتابعه
اشكركم
ياحلوين
Post a Comment