في زمن المظاهر وين موقعنا من الاعراب
سالفة المظهر صار فيها تحدي .. بكل شي السياره في اللبس و في أثاث البيت حتى في التعليم
أنا بالجامعه الفلانيه أدفع بالكورس .... د.ك اغلى يعني أكشخ .. لاوالله
تعال ستوووووب شنو أكشخ
لأي مستوى احنا وصلنا له .. صارت منافسه
أنا ما اأقول إن المظاهر مو مهمه ..لا مهمه وغلطان اللي يقول عكس هالحجي
لان المظهر نص الشخصيه .. لكن انك توصل لمرحلة التبذير والصرف مادري أحس انها وايد صعبه
أنا أعترف أنا وحده من محبين المظاهر بجميع أشكالها .. في اللبس في الاثاث في الاكسسوارت
ومدمنه على التسوق ولازم يكون عندي فكره عن كل شي يديد
بس مو لدرجه اني اشوف الاغلى يعني الاكشخ ساعات يكون في شغلات سعرها معقول وكشخه
ومدمنه على التسوق ولازم يكون عندي فكره عن كل شي يديد
بس مو لدرجه اني اشوف الاغلى يعني الاكشخ ساعات يكون في شغلات سعرها معقول وكشخه
ساعات أحس اني تعبت من هالمنافسه ... اي نعم تعبت من منافسة المظاهر
بس ما أقدر إحنا في مجتمع يفرض عليك انك إتجاريه في المظاهر
إتقول رفيجتي عقب ما تزوجت... أنا بديت أحس اني أشتري أشياء ومالها داعي
ما أحتاج لها بس عشان جدام الناس أنا عندي
ما أحتاج لها بس عشان جدام الناس أنا عندي
وتعليقي أنا على هالموضوع .. ليش يا يبا الله رزقنا لازم انحافظ على هالرزق ونصرفه في الاشياء اللي نحتاجها
مو العكس
وهم وحده من رفيجاتي تقول ما أقدر ما أجاري مع اني مو محتاجه و عندي بس مطره ساعات اصرف اكثر عشان أكون غيروأنا تعبت من الصرف
وتعليقي أنا على هالموضوع ... أمبيه ما ألوم الشباب لما ما يتزوجون صج البنات مصرف
ليش بدينا نتشيحط .. ليش وصلنا لي مرحلة التبذير .. حرام والله
عن نفسي أنا تعبت من هذي المنافسه .. بس شنو الحل ما أقدر ما أجاري أنـــا تعبـــــــــــــت
11 comments:
من يبحثون عن المظاهر يفتقرون الى المضمون
علينا بالتزام منهجنا الذي يدعوا الى التوسط فى كل شيء
القناعة كنز لا يفنى
شيء عادي و موجود في كل مكان بالدنيا و عادة يظهر في وقت الرخاء والله منعم علينا لذا نراه وايد واللى ماعندة بسطوا له الموضوع ويقدر يتسلف و يكشخ
طبع انساني
تحياتي
أولاً الثقة بالنفس
إذا المرء لم يدنس من اللؤم عرضه فكل رداء يرتديه جميل
تقول سعاد الصباح
لماذا تهتم بشكلي
و لا تدرك عقلي
لأننا تعودنا على أن نحكم لا على العقل بل على الشكل
الحل بنظري
ربما هو حل ذكوري لا يصلح للإناث
أنا انسحبت من السباق و رفعت راية الاستسلام في الناحية التكنلوجية لأن الاجهزة تتطور سريعاً و لا أستطيع أن أتطور معها بسرعتها
لماذا لا ترفعين راية الاستسلام ؟
و تنسحبي من السباق
من يبحث على المظهر الخارجي فكوني على ثقه انه فارغ من الداخل ..
يعطيج العافيه حبوبه ..
تقبلي مروري ..
kuwait
اختي الغاليه ,,
وصدق القائل:
هـي القناعة لا ترضى بها بدلا
فيها النعيم وفيها راحة البدنِ
انظر لمن ملك الدنيا بأجمعها
هـل راح منها بغير القطن والكفنِ
والله حكم ,,,
والله درر,,,
بس منو الي يسمع ويطبق
نيل كوين
الف شكر على المرو والتعليق
بو سلمى
اي والله القناعه كنز
دافنشي
عدل كلامك
هيومان
ما اقدر ارفع راية الاستسلام
:)
ما اقدر
كويت
شكرا على المرور
صبا
الف شكر
العزيزة واي مي
مساكِ الله بالخير
المظاهر أصبحت سمة..بل أنها أصبحت عرف في المجتمع
وهي داء عليل يدّعي البعض أن لافكاك منه
ولكنهم إن فكّـروا قليلا ومن ثم تدبروا..فسيعون أن المظاهر لاتزيد الانسان بل أنها أحيانا تنقصه
والأزمة تعتبر عامة...أي قي صميم المجتمع مما يعنا أن النقاش لاينفع أحيانا لأن المظاهر أصبحة ثقافة ذات عمق لدى الكثيرين
وعليه
فإن العلاج المضاد يحتاج الى تغيير النمط الاقتصادى في ابجديات المجتمع
فلا علاج من غير ثورة تثقيفية ترجع المجتمع الى جادة الصواب!؟
--------
بالنسب لموضوع القهوة فلقد قرأته من يومين ولم يسعفني الوقت للتعليق عليه
علما بأنني من عشاق القهوه العربية(فنجال قهوه) ومن عشاق كوب اللاتيه الساخن...ولكن سكيم ميلك ونو فوم
اشرايك باللغة العنقريزية..أنفع مترجم
:))
ونتمنى لكم أجمال فنجال قهوة في لحظات الغروب الهادئة
مع وافر الاحترام والمودة
المحـــــــــــب/
شــقـــــران
شقران
اي والله عدل كلامك
وبالنسبه لتعليق القهوه
لا صج افحمتني باللغه الانجليزيه:)
منو مايحب اللاتيه... ذوقك حلوو
والف شكر على المتابعه والمرور
تحياتي لك
انا وحده ما اهتم بمجاراة الناس والمظاهر
أهم شي إن لبسي حلو ومرتب ويرضيني
وبعدين ليش أصرف على أشياء مالها داعي وغيري مولاقي حتى أكل !
ياليت الناس تفهم هالشي
بوست جميل :)
شهد
مرورج اهو الاجمل.. نورتي
بس هذا اللي حاصل وللاسف والله
الف شكر على المتابعه
Post a Comment