بتكلم عن واقع يظيق الخلق .. عن واقع ما اتمنى ألد اعدائي ينحط فيه واهي انك ادور وظيفه
يتخرج الطالب وكله أمل بوظيفه كشخه ومعاش عالي عشان يكشخ ويشتري سيارة عمره
يتخرج الطالب وكله أمل بوظيفه كشخه ومعاش عالي عشان يكشخ ويشتري سيارة عمره
يتفاجأ المسكين إن عادي يقعد في البيت وطول معاه سالفة انه يدور وظيفه .. يطق كل البيبان
ولما يروح يقدم يتفاجأ .. والله ماعندك خبره
اي انا توني خريج اشلون .. اكيد ماعندي خبره
اي انا مستعد اتعلم .. شدعوه
لا احنا مالنا خلق انعلم من اول ويديد .. نبي ناس عندها خبره
اي الخبره على عيني وراسي .. بس اخذوا طاقة شبابيه تعطي وتبدع في مجال العمل
عطوا هالشباب فرصه يبدعون ويوسعون دائرة النجاح
خليهم ينطلقون
خليهم يبتدون من الصفر
خليهم يعرفون معنى الفلس
خليهم يبنون نفسهم
خليهم يفرغون طاقتهم بشي مفيد
عطوهم مجال للابداع والعطاء في مجال العمل ..مساكين ما يبقى باب ما يطقونه الا سدوه ابويهم
ويقولون ليش الشباب ينحرفون
مو انتوا سكرتوها ابويهم مره وحده
ليش انتوا تعطون فرصه
ليش انتوا تفهمون
ليش انتوا اتحسون
ليش انتوا ما مريتوا في هالمرحله والمفروض انكم تتفهمون
ليش مو من حقهم انهم يبنون نفسهم مثل ما بنيتوا نفسكم
ليش .. وليش..وليش
شفيها اذا كانوا يدرسون ويبون يشتغلون .. بالعكس هذا شي وايد حلو بالدول المتقدمه كل شبابها جذي
ليش هني لأ
ليش هني مايعطون فرصه حتى يفهمون هالشباب
معارض التوظيف كله جذب .. ما ياخذون الا ولد فلان .. ترا هذي حركه يديده
شدعوه تبون تخطبون انتوا ولا توظفون .. انا اعرف شقاعده اتحجى عنه وعندي ناس ينسقون هالمعارض الفاشله
وفي شركات ما توظف الا بالواسطه .. يعني الحين الخبره ما تترس عينك لازم واسطه
ليش كل الوظايف اللي ما ابيها يبوني ... وليش الوظايف اللي ابيها يطولون معاي
ليش وانا قاعده اكتب هالبوست وانا معصبه .. ليش .. ليش .. ليش
17 comments:
اللي يبينا عيّت النفس تبغيه
و
اللي نبيه عيّه البخت لا يجيبه
مو لو في أعضاء مثل الأوادم، يطلعون تشريعات ومشاريع تنموية تلزم فيها جميع القطاعات بتوظيف الكوادر الكويتية جان، صار حلنا أهم اللي يبونا واحنا اللي نتعزز .
بتاريخ 17_5 عطو ناس تفكر صح عشان لا نتوهق بعد 4 أسنين جدام؟
Q8 Chili
مساكين هالشباب
ولا ... الي يقهر ويحر لما اتشوفينهم شادين حيلهم بالدراسه ومتغربين ومتفوقين .. ويقدمون علي الوظيفه
ما يعطونهم ويه الا بالواسطه
الشكوي لله يا وخيتي
حاولي تتوظفين بمكان تكتسبين منه خبرة
وبعدين بتشوفين اللي ما كان يبيج يركض وراج
او
شغلي واسطتج على الاماكن اللي تبينها
أنا واحد ردوني 100 شركة ومردي أشتغلت مع أهلي والحمد لله متوفق
أما بالنسبة للطموح فطموحي بعيد عن الحكومة
والشركات الخاصة ما تبي إلا خبرة ويعني لو ما اهلي جان ليلحين أدور شغل او مشتغل بمعاش ما يوفي سعر أجار شقتي
إحساسج رائع بأنك يتفكرن بما يعانون منه الاخرون
شكلها الانانية ما تدل بيتج
الله يلوم الي يلومج ..
لا يعرف الشوق إلا من يكابده .
عليج بالدعاء والواسطه
:)
:) أول شي لا تعصبين
ثاني شي كل اللي قلتي عدل =)
وبعدين هاذا نظامنا المساعد على التحبيط بكل أنواعه :)
تسلم ايدج
السلام عليكم
اختي اللي قاعد يصير الحين ان اللي متخرج يشتغل بالحكومة لمدة 3 الى 5 سنوات عشان ياخذ شهادة خبرة وبعدين يطلع ويشتغل بالقطاع اللي يبيه
وكل من يبي مصلحة شركة فوق ماله خلق يقعد يدرب لان امخلين هالشيء للحكومة :)
طولي بالج اختي كل تأخيرة وفيها خيرة
مشالله مشالله شنو هالتفاعل القوي
بوسلمى
اشكرك بس جنك قاعد اتحبطني
كويتي شيلي
الله كريم
صبا
اي والله مساكين مايدرون تالي بيتبهذلون
فتى الجبل
عندي خبره :)
شرايك اتكون انت واسطتي
5:20
حده اسمك عجيب
اشكرك جزيل الشكر
اي شفت اشلون انا مو انانيه
يالله ما عليه .. اهي فشة خلىء
مواطن
اي والله ياخوي حاله كسيفه
ابيك انت واسطتي لول
مشكور على المرور
ذا ثنكر
لوووووووووول
شكرا على رفع معنوياتي ولمساندتي في جزء من الاحباط
سم ون كويتي
اشكرك بس مو شي جذي عاد خل يسلونها عشان الله يسهل عليهم
الف شكر للجميع ونستوني في تفاعلكم والله
انتي هدي اعصابج وانا ابحق موضوعج مع المسؤلين
المشكله بهالبلد ان الخريجيين يعانون
واللي صارلهم سنين بالخدمه يعانون
اخاف نوصل لمرحلة ان الطفل ببطن امه يعاني
براك
اي والله حاله كسيفه
انا اقول الاجيال اليايه ماله داعي اييون خل ينطرون اشوي لما انخلص من هالازمه لول
الف شكر على المرور:)
send ur cv
وسعي صدرج
وسعي صدرج
وسعي صدرج
كل شي بالادلة والبراهين يثبت ان ماكو وظايف !
انصحج تستفيدين من اللتدوين كوظيفة
فتى الجبل
صج ولا غشمره لوول
as you like
هذا اللي ثاعده اسويه
لمستي الجرح انا لي تجربه قدمت على زليون شركه من الي ذابحينه كل يوم احطون اعلان نبي كويتين يعني ابرون الذمه عاد صار لي موقف عجيب دقت شركه علي اخيرا احد يبيني انا: الو منو معاي
شركه: انت فلان الفلاتاني
انا: نعم خير
شركه: انت امقدم على وظيفه و احنا عايزين نعمل مقابله بس توافق تشتغل بالجهرا
انا: مو مشكله !! بس استغربت يعني عندهم فرع اهناك
شركه : هو الشغل في مركز خدمة مواطن
انا:ها !!!؟؟؟؟ شنو نوع الوظيفه و العاش 200 دينار
شركه: فني كمبيوتر
انا: فيوزي ضربت قلت لا انتي شفي السيفي
شركه: لحظه اشوي ممم انتي خريج بيطانيا تنحت اشوي جان اتقول لا اسفه اظاهر بالغلط انته معك ماجستي اسفه كتيرر
و ذابحينه هده خله يتحدى
كويت هوا
هذا الواقع المرير
:(
Post a Comment