ساعات الواحد من كثر ما اهو متوتر يتفق مع نفسه ان ما يقول جمله معينه او كلمه معينه بس للأسف من كثر التوتر يقولها يقول هالكلمه او هالجمله موبيده من التوتر
على حسب اذا كان هذا التوتر بسبب لقاء الحبيب او كان هالتوتر من شي تعرض له وخلاه معصب و متوتر او مقابله عمل او ... الخ
كثير في حياتنا اشياء توترنا وتخلينا على اعصابنا .. بس اللي يبط الجبد التصرفات اللا اراديه اللي تصير عاد كل انسان وتصرفاته
واذكر لكم موقف شخصي حصل لي .. كنت طالعه ويا اختي ولازم ما نتأخر لان بييونا ضيوف في البيت وكانت هالطلعه وايد ضروريه ... وقاعده ادور مصفط واختي تطحن يمي بسرعه بسرعه بسرعه .. يننتني
المهم ركبنا الاصنصير ولا ريال دش ويانا واختار الدور الخامس مثل اختيارنا المهم صخه بالاصنصير ولما تبطل الاصنصير .. الريال اللي ويانا كان ابويهه ريال جان يقول
الريال اللي ويانا في الاصنصير : السلام عليكم
الريال اللي بويهنا : وعليكم السلام ورحمة الله وبركاته
واي مي : السلام عليكم
شكوووووووو انا اسلم على الريال مادري لوووووول
الريال اللي بويهنا : وعليكم السلام ورحمة الله وبركاته
وعقب ما مشينا اشوي
اختي : هاهاهاهاهاهاهاهاها
واي مي : تضحكين ها .. بالله الحين انا شكو اسلم على الريال والله فشله
اختي : ما عليه السلام لله
واي مي : ادري ان السلام لله .. بس فشششششله شفيني انا انثولت مره وحده
وكملت طريجي ويهي احمر لووووووول
******************
همســـــــــــه
أذكر بعادك .. أذكر جفاك .. أذكر عنادك
أين الوعود .. أين عهود الغرام؟؟
32 comments:
مساء الخير
ههههههههههه واي مي عليج سوالف
بس تدرين عادي الثوالة عندنا و عندج خير لوووووول
يسعدني اني اكون اول تعليق
سلامي لج :)
I'm comming soon with arabic keyboard :)
اللهم لا تبلانا :)
جان رقعتي وقلتي "انت فلان الفلاني ؟" .. واطلعي من السالفة بكل سهولة !
ترا الترقيع حلو وله فوائد عظيمة جداً !
لوووووووووووووول ..
واااااي مي مو صج انتييييي ..
مابي أضحك لان وايد تصير فيني ..
بالذات لما كنت بالجامعه مثل مره مجموعة شباب جدامنا واحد مسكين زلق وطاح الكل مو مستوعب وانا بأعلى صوتي بسم الله علييييك .. :|
حسيت بنفسي انا شكو امبييييه احرجته واحرجت نفسي ..
ومره انا زلقت بالدري وعشان ما أطيح تمسكت بدشداشة الي وراي اهو طاح وانا لا لووووووووووووووول وهم قوات عين أقوله عسى ما تعورت :|
زين سلم بس وما مد ايده
وانت وراه تمدين ايدج
------
السلام زين لج اجر فيه
لوووووووول
مو خوش موقف صراحه :)
انا تصير فيني هالمواقف بس من طيبتي الزايده ، ذاك اليوم كنت بالشويخ وكان في واحد قاعد يتحجى بالتلفون ومركب سماعه انا ماشفتها المهم كان يمي وقاعد يسأل الي معاه اشلون اطلع على كيفان وقوم يا انا الملقوف واقوله من هناك لوووووول انت شكو اهو قالي عفوا انا توهقت قلت لا انا رفيجي هناك والمشكله ماكان في احد لووووول
مو بس انتي عادي :)
لووووووووووووووووووووووووول
قبل شوي ما قريت البوست لأني كنت على عجلة من امري :)
بس والله تحسفت اني ما قريتها قبل شوي
لوووووووووووووووووووووووووول
والله عليج سوالف يا واي مي
مره كنت قاعد بمقاهي الهردز
دش واحد يسلم على الطاولة اللي يمنا
جان يقول السلام عليكم شلونكم
جان ارد عليه
وعليكم السلام والله تمام
مالي شغل
لووووووووووووووووووووووول
فششششششششله
جان سويتي روحج تتكلمين بالتلفون
:)
أشوة بعد ما غلطتي وقلتي :
تتزوجني ؟
ملقوف
الي سلم
:)
لووووووووووول
أهم شيء انج سلمتي على الريال هههههههههه
وي ماعليج تلقينا استانس :))
واااااااااي عيل لا تسمعيني أنا لما أتدوده و أخنبق بالحجــــــــــــــــي أصيــــــــــــير فلم !!
مـــــــــــوصج !
اوووف اكره شي تخيلي رايح مقابلة انجليزي .. ما ادري اشفيني على كلمة يعني
اهوه اسالته مثل ويها اكو احد يسأل بالمقابلة do u think of marriage
تخيلي انا انصدم من سؤاله لوهله ما اتوقعت يسألني هالسؤال قعدت اقوله لالا انا توني اصغير توني متخرج من الثانوية
بعدين قالي انت تتكلم انجليزي زين انا تفائلت مسوي زين بالمقابله
اخر شي طلعت مقوع و ما طفت ولا لفل :(
و سوري على الطوالة
عادي
السلام لله
الللقافه شينه
واي مي
بعد اقصاها قلتي وعليكم السلام، إشدعوة ويهج حمر وحالتج حالة وإشدعوة الريال تشقق لما رديتي عليه السلام
:p
السلام عليكم
لووووووووووول
السلام لله والله يبي يعطيج اجر وانتي مو حاسه :))
عادي عادي اختي اتصير بأحسن العوايل :)
wLht 3la your blog ya 7lwch sis o ya 7elo sewlfch :P hehehe 3adee ana t9er feni el thewala wayed lol :P
أسوء شعور انك تكون مستعيل وفي شي مأخرك ..
الله لايردلج هالموقف ..
لوول..
جان سويتي الموضوع عادي..
طوفي
ماجووووج
انا اقول عادي لا تنحرجين ولا شي
اهم شي انج ما سويتي شي غلط
والسلام لله :)
ههههههههههه شفيييييج واي مي
أدري الظاهر هذا من تأثير الحر ؛>
تسلم ايدج
على طاري الاسنسيرات
ما انسى ذاك الموقف اللي كنا فيه بالاسنسير مع واحد من الربع
وقف الاسنسير بالدور الثالث و يدخل واحد .. مسكين الحبيب يبي يلحق عليه قبل لا يسكر الباب .. دخل راسة جان ينصك عليه .. وصار راسة داخل و جسمة برة .. بصراحة المنظر يضحك .. خاصة و ان الحبيب اصلع.. و المسكين يتم على هالحال نص دقيقة و احنا نعابل براسة .. اثرى اني كنت ظاغط على زر تسكر الباب ..وانا مادري
:)
الكويت حبي
الثواله لا حل لها لوووول
حياك الله
وسلامي لك
:)
================
كويتاوي
:)
==================
از يو لايك
لووووووووووول
شسوي بالله استحيت شدراني
===================
كويت
طلعتي العن مني
لووووووووووووووووووووول
شكوو ماسكه بدشداشة الريالي
لووووووووووووووول
=====================
ابو لطيف
اي والله الله ستر
لووووووووووول
====================
معاذ
موقفك عاد فلم
لوووووووووووووووول
:)
====================
كويتاوي
اهلا مره اخرى
لوووووووووووووووووووووول
اي والله فشله ليش اللقافه لييييييييش
يعني كلش انا مو ملقوفه
لوووول
==================
سيكرت
تلفوني كان بجنطتي
مامداني اطلعه
:(
==================
بلوق عمتي
ماكان حلو
لو حلوووو اسويها افا عليك
لوووووووووووووووووول
===================
فريج سعود
قصدك انا ملقوفه
هين انطرني عند باب البلوق
لووول
====================
لافندر
اتوقع استانس حاصله وحده حلوه مثلي اتسلم عليه
لوووووووووووول
=====================
عبادي
لووووووووووووووووول
عادي اتصير بأحسن العائلات
:)
===============
بوسلمى
:)
================
مهندسنا
انا اوريك
===============
mate
انا اللي سلمت على الريال
لان اصلا انا شكووو اسلم عليه
فهمت انحرجت
==============
سم ون كويتي
:)
الجر حلووو بعد :))
==============
Fskra
وانا ولهت عليج اكثر
انتي وينج ؟؟
ليش كل هالغيبه
:)
حياج الله يا عسوله
اي الثواله شينه لووول
===============
ملوك
امين
:)
==================
ماجوووووج
طوفته عادي
بس ويهي بسرعه يصير احمر فضيحه لوووول
===============
منال الكويت
:)
عدل كلامج
===============
المفكر
مادري شفيني مادري مادري
لووووووووول
================
عثماني
لوووووووووووووووووووووووووووول
حرام عليك زنطت الريال
هههههههههه
حياك الله
تكملة اخر جمله بالبوست
حبك سرى في دمي
حلوه السالفة
صراحة احراج
بس والله كلامج عدل
هذي مواقف تصير اذا الواحد مستعيل
انا مرة جذي
قاعد امشي مستعجل
ولاقيت واحد من ربعي
بالطريج المهم
قاعد اسولف معاه على اساس اني ما ابي ابينله اني مستعجل فشله
من السوالف قالي انا شريت سيارة
قلت له بالعافية
الريال ؟؟!!!
شنو خالصين من غداء
انحرجت وقلت له
اقصد يعطيك خيرها ويكفيك شرها
نسيت ارد على همستج:
سامعتها بصوت بمنو ؟
سمعيها بالمطرف :(
براك
عدل عدل :)
=========
الفنان
:)
اي والله العيله مو شي :)
حياك الله
==============
از يو لايك
اي عدل صدتني
اهي حق المطرف بس انا سامعتها بصوت عبدالعزيز الضويحي
:)
لوووووووووول
عادي اهم شي انه رد عليج بعد لو حاقرج جان فشله
انا اشوف انها ما فيها شي سلام لله اكيد وبس ما فيها فشله ولا لقاافه وعاااادي بس مو تعيدينها مره ثانيه :):):):)
وتحيه لج
ههههههه عجيييب
هذا من المواقف الحلوة لانه يترك
انطباع حلو عند كل الاطراف بإستثنـاء
البطل او
البطلة في حالتنا
;Pp~
Thaaaanks! :)
حمودي
امبيه لو حاقرني .. جان ابجي ما اغشمر انا
لووووووووووووووووووول
====================
لوطن اجمل
انشالله
وتحيه لك بعد :)
==================
لندني
لووووووووووووول
اي موقف جميل بس انا استحيت
:))
Post a Comment