مادري بالفتره الاخيره وايد حساسه .. اي شي يبجيني ما استحمل كلمه من احد ولا اسنحمل حتى نصيحه
تقولون لي اقري قرآن علشان الله يهدي بالج .. قاعده اقرا والله
بس مظايقه .. والله العظيم مظايقه .. مظايقه وايد .. ورب الكعبه مظايقه
انا اعتذر على هالبوست المأساووي اشوي .. بس لو الموت حلال جان انتحرت وفكيت عمري
سامحوني كتبت هالبوست في لحظة ضعف وكل انسان اتييله هاللحظه وان شالله ما تييكم
**********
همســــــــــــه
دموعي تقدر اتعبر عن همستي
28 comments:
ليشششششششششش؟؟
انتي اشفيييييج :(
تعوذي من ابليس وتركي عنج هالخرابيط ..
لووووووووول أنا مرات تحوشني هالحاله الله لا يوريج بس ابي أبجي وأصير شراره لاحد يكلمني إلا كليته نجره وهواش وكل عذا على ولا شي ..
لما أفكر ان شنو ماخذه من هالدنيا أقول ياربي ليش أطنقر وأعيش بهالحاله !!
والله لما أشوف غيري شنو حالته وعايش مستانس ويحمدالله على الي هو فيه أقوول حالتي أحسن منه بمليون مره اشفيني مو عاجبتنيالدنيا وابي اموت :|
بروح وبرد وبلاقيج واي مي ما غيرها ويالله ناطره البوست اليديد الي يفرح ..
لا حول ولا قوة الا بالله
اختي العزيز ة
شي طيب انك متعودة على قراءة القران
اقرأي سورة الزمر بتمعن
على راحتك وتفكري في معانيها
ثم اقرأي سورة التغابن وبخاصة من الاية 11
دققي في المعاني
ولنا عودة بعد ذلك ان شاء الله
لا الاه الا انت سبحانك اني كنت من الظالمين
مساء الخير
واي مي شهالحجي هذي سوالف بالله عليج ضيقتي خلقنا الله يهديج شنو انتحر ما انتحر ذكري الله و تعوذي من ابليس و صلي عالنبي آنا عن نفسي صارلي شهرين مو متضايق الا بموت من الضيقة و مع هذا قاعد أحاول أطلع اللي فيني بشيء زين يعني أحط بوستات أعلق على البلوقرز أكتب قصص أحاول ألهي نفسي
إنتي حاولي تلهين نفسج بشيء يفيدج و القرآن زين ذكري الله و صلي لج ركعتين اعدعي الله يفرج همج و يبعد عنج الضيق و صدقيني إنتي الحين متضايقة و تحسين إن اللي كتبيته صح و عبر عن اللي في قلبج و ريحج بس لما تهدين و تصلين على النبي راح تقولين أوووه آنا شاللي كتبته ؟
إنتي شوفي شاللي مضايقج و حاولي توخرين الضيقة عنج ما يصير الواحد يتضايق مني و الطريج أكيد في أحد مضايقج ؟
صج إن كل واحد يمر بلحظات الضعف أو عنده لحظات هالضعف بس الواحد فينا لازم يفكر بعقله خلي عواطفج و وخري الشيطان عنج
و الله يفرج همج و يريحج و يسعدج و يبعد عنج الضيق و الهم
تعودت على روحج الحلوة في البوستات و إن شاء الله ما تفقدين هالروح
بروح و أرد أبي ألقى بوست من بوستاتج الفني
سلامي لج :)
كويت
:(
مظايقه كويت مظايقه وايد
حاضر خل اتعدل نفسيتي وارد حق البوستات الفصله
============
أبو لطيف
ان شالله
بقراهم
:(
============
الكويت حبي
شسوي مو بيدي الواحد اتييله هالحله ويسكت يسكت تالي الواحد يمفجر وهذا اللي صاير فيني
:(
حاضر ان شالله برد حق بوستاتي حاضر
اسم الله عليج
جربي روحي النادي لعبي رياضة يقولون الرياضة تخفف الضغوط و تعدل النفسية وايد
و عسى الله يزيح همومج و يبرد قلبج و يريح بالج يا رب
افا بس افا
والله ضيقتي خلقي يا واي مي
الله يوسع صدرج يارب
يا بنت الحلال تعوذي من الشيطان
نصيحة
روحي حق اقرب الناس لج
واشكي له الحال
طلعي كل ما بصدرج للشخص هذا
سألي مجرررب
والله اكتب التعليق وانا ضايق خلقي
عادي هونيها كلنا نمر بهالمرحلة
حاولي تشوفين فلم رعب و تضحكين
:)
طلع اصلع؟
شدعوه طولي بالج كل واحد تحوشه حالة الضيقة والاكتئاب بس الشاطر الي يعرف يطلع منها
جربي شي يديد مو مجربته ، دقي على ناس ماتدرين عنهم من زمان وطلعي معاهم
لما تشوفين انتي شنو تبين وتلقين كل شي عندج اهني اتييج الضيقه تحسين ماكو هدف ، سوي مثل ماقالت منال دشي نادي قولي مثلا ابي اضعف او اي هدف وحاولي توصلين له وان شالله بتفج عندج الحاله
اهم شي الواحد مايستسلم ويزهد الدنيا
وسعي صدرج..
يكفي انج مؤمنه وتخافين ربج..
ارتبطي بالله، وقل لا يصيبنا الا ما كتب الله لنا..
ترى الهم من الشيطان.. حطي ببالج ان الله دامه يدري وراضي.. ليش الزعل؟
الله يشرح صدرج ويسعدج ويرزقج اكثر من ما تتوقعين..
وطمنينا بزيارتج لنا
:) تفاءلي
اول شي الزعل كلش مو زين لا نفسياً ولا صحياً
كل انسان يحتاج رفيج درب يواسيه في مثل هالحالات
لا اتحشين شي بصدرج تره الدنيا ما تسوى الزعل
ضحكي بويه الناس و لا تبينين انج ضعيفة الا حق اشخاص اتعزينهم
الله يعينج اختي
و دايماً قوليي الحمدالله شي احسن من شي :)
جوفي الدنيا من مفهوم حل المشكلة و التخفيف عنها مو من مفهوم الموت
الكل جذي من يزعل يتمنى تنشق الارض و تبلع و يخلص من هالدنيا
I wish i could die 4 a while .. to make them feel my depression
بس بالعقل هالشي ما راح يصير
دايماً حاولي اتواجهين الي مزعلج
و سوري على الطوالة خذينا بوستين :)
غيري جو سافري
علشان التجديد :)
والحياة ترى حلوه ;)
تعوذي من ابليس شالكلام الله يهداج
يمكن الشي الي انتي مظايقه منه ما يستاهل
هونيها و تهون
فكري ان الدنيا كلها ما تسوى ان الواحد يزعل او يكدر روحه
طلعي تمشي غيري جو
صدقيني اذا بتقعدين اتفكرين بالي يظايقج طول الوقت عمرج ماراح تصيرين سعيده
حطي كل شي ورا ظهرج و شوفي جدامج
الدنيا ليلحين بخير
قولي هالدعاء:
بسم الله الذي لا اله غيره الرحمن الرحيم، اللهم اذهب عني الهم و الحزن
ربي لا تكلني الى احد واغنني عن كل احد
يا من اليه المستند و عليه المعتمد وهو الواحد الفرد الصمد
لا شريك له ولا ولد
خذ بيدي من الضلال الى الرشد
ونجني من كل ضيق ونكد
اللهم اجعل اول يومي صلاحا
واوسطه فلاحا
واخره نجاحا
واعطني خيره و خير مافيه
وقني شره و شر مافيه
وابدلني من المخاوف فيه امنا
ومن العوائق فيه يسرا
اللهم اني اسألك العفو والعافيه والتوفيق
عسى الله يهدي سرج :*
ماجوووووج
كثري من الإستغفار وطلبي برد من ماكدونلد ومالعيج إلا العافية
هذا حر الصيف وقتته !
كل انسان يمر بحالة ضعف لكن الذكي اللي يعرف شلون يتحكم بمشاعره و شلون يعدي هالمرحله على خير
حاولي تفهمين نفسج و مشاعرج
و تعوذي من ابليس و ماكو الا العافيه
:)
ربي يسعدج و يوفقج دنيا و اخره
why why why
whats wrong 7beebty
ice cream baby
have some ice cream
belive me u will feel better
its like magic
:**
and if u wona talk u have my email
luv u
(((big warm hug)))
منال الكويت
بعد عمري انتي مشكوره
وبجرب نصيحتج :)
============
كويتاوي
لا يضيق خلقك انا زينه الحين مشكووور وايد
============
سيكرت
للحين تضحك على افلام الرعب !!
==============
مطقوق
لا اقرع
لوول
=============
معاذ
بسوي اللي قالت عنه منال شكرا للتواصل
:)
=============
أستاذ حمام
مشكور وايد
ادري حاله بايخه اشوي اتحس ان الدنيا مسكره ابويهك بس اليوم انا احسن اشوي مشكورين وايد وايد
واكيد راح امر مدونتك واطمنك علي :)
لي الشرف
====================
عبادي
مشكور وعادي حياك الله البلوق بلوقك تاخذ بوستين ثلاث اربع لي الشرف والف الف شكر
:)
================
اوووبس
بحاول اقنع نفسي ان الحياه حلوه
:)
شكرا
=================
مااااجووج
حياتي انتي مشكوره على الدعاء كتبته عندي مشكوره وايد وايد
:)
===============
بلوق عمتي
اطلب لي
لووول
اوكي بحاول ومشكووور وايد
:)
=================
يوميات مغتربه
مشكوره حبيبتي
وبحاول ان شالله
شكرا :)
الزين
حبيبتي انتي مشكوره وايد
بجرب الايس كريم واشوف تأثيره
:)
مشكوره انتي حياتي
انا اليوم وايد احسن
الحمدالله على كل حال
الحياة متشابهه في أقدارها في كل ما يحدث فيها.. مشاعر وأحاسيس كل شخص متفاوته
كما في فقد الأمل!!
لما نفقد الأمل فعند ذكر الله يكون الله كل أملي وغاية وجودي رضاه فيعود لي كل الأمل
لما اليأس من الحياة لم نخلق لنيأس خلقنا لأروع الأشياء لإيجابيتها لا سلبيتها إذكر عين أمك عند تمنيك للرحيل وأذكر أحبائك ومن يريدونك في حياتهم وإسترجع إبتسامتك فليس غيرك يريدون!!
أمضي في الحياة في أمواجها المتلاطمة ولا تدع مجالاً للغرق بل أغرق الأمواج في جسدك وإنتصر ذلك هو النجاح في الحياة تحرك للأمام دوماً و لا تنظر للخلف فقد تقف وتغرق!! اجعل هدفك نصب عينك واسعى إليه ولا تدع للحزن في قلبك محل.. فالعمر في الحياة واحد لا ثاني له
عزيزتي
كلاً منا يصل لضعف ويعجز عن كل طموحاته ولكن عندكل إبتسامة وذكرى جميله أمل يحيى في القلوب ويتجدد
فترة الصيف فترة كئيبة
ايام وتعدي انشالله
AK-47
بحاول اتفائل وابتسم ولو انها صعبه
بس بحاول
مشكور وايد
===================
kuwaitforus
الصيف كئيب والوضع كسيف
شكرا على المرور
:)
مساء الخير واي مي
بشرنا عن حالج شلونج اليوم ؟
إن شاء الله أحسن ؟
إن شاء الله ضيقتج راحت ؟ <<< أتمنى من كل قلبي
سلامي لج :)
الكويت حبي
انا زينه اليوم :))
كلك ذوووق والله :))
مظايقة يعني متضايقة ؟
as u like
اي
مرحله وعدت
شكرا على السؤال :)
wee wee ! esem alla 3alaich men elthegaa !!
ta3awethay men eblees enshalla mako shaay 3ady kelena etyelna hal7allaa =)
Post a Comment