يفتقر مجتمعنا الشرقي الذكوري الى ما يسمى الاتيكيت في فن التعامل مع المرأه
يعني انا لو تسمحون لي اتكلم عن فئه .. فئه معينه وحطوا تحتعا خط .. هذي الفئه لااسلوب بالكلام ولا بالمعامله
شي يضيق الخلق .. واللي يخليني أتسأل ليش هالفئه المعينه اتعامل المرأه جذي يارترى ؟؟
هل هو فقر التربيه في اهمية المرأه واحترامها ؟؟
دينا كرم المرأه ليش انت اتنزل من مستواها ؟؟
بذكرلكم موقف صارلي
كنت في مجمع تجاري لاهيه قاعده اقرق بالتلفون المهم شفت وحده ذربه طالعه من محل و وقفت عند الاصنصير يوم وصل الاصنصير ولا يأ واحد مااااااااشي بسرعه دش الاصنصير قبلها واهي مسكينه تراجعت وخلته يدش بروحه .. انحرجت مسكينه مع ان اهي اللي كانت طالبه الاصنصير قبله
كلش مو جنتل مان كلش
انا هني انصعقت شنو هالتصرف !! ليش جذي ليش ؟
ومره
دشيت الاصنصير ولا واحد شافني من بعيد جان يركض يركض يركض يركض
يوم تسكر باب الاصنصير حط ايده .. ويتبطل الباب ويدش عادي اهو الموقف وايد عادي بس ماكان له داعي تركض وتسوي افلام هنديه عادي انطر اشوي الدنيا ماراح اطير
خرعني : (
في خلل بالتربيه يمكن ان يمكن بعض الاهل يفضلون الشباب على البنات في التربيه هني الشاب عباله اهو سوبرمان زمانه يسوي اللي يبي ومايحترم احد ولا يحترم ولا بنت .. للاسف الشديد هذي الفئه من الناس فئه كثيره لا تكن الاحترام للمرأه .. وايد اشوف واحد لي صار موقف ما يستحمل الاخ لازم يزف مرته بالطريج ليش بابا ؟؟
انطر لي رديت البيت
لا لا علشان اهو ريال والنعم فيه والله .. والنعم الرجوله
وين المشكله لي تكلمت وياها بكل هدوء وابتسامه ؟؟ وين المشكله ؟
أرجع وأسأل وين المشكله
هل لان مجتمعنا شرقي ذكوري ؟؟
ملاحظه: أشكر كل المدونين اللي تفاعلوا معاي في البوست اللي طاف وأشكر المدونين اللي سألوني عني بالايميل .. إيميلاتكم ونستني والله وريحتني مشكورين وايد .. نخدمكم في الافراح ان شاء الله
19 comments:
العزيزة واي مي ..
الريال في المجتمع الشرقي ما أتوقع انه في أحد مثله في العالم على شرط انه يكون ذا خلق وشهامه ..
بالنسبه للمواقف اللي تصير .. يعني اذا ريال بيساعد بنت .. قالو عنه هذا مغازلجي أو خرووف ، والبنت اذا في ريال سنع يبي يساعدها بشغله قالت أكيد راح يغازلني !!
واكثر شي يعتمد على الشخصيه .. فالاتيكيت موجود بس لازم الواحد يكون عنده شخصيه قويه يعني ما يهمه شي . من الكلام الفاضي .
ألف شكر على الموضوع والسموحه على الاطاله ^_^
والله كل واحد وبيئته يا واي مي
بس ترى حتى البناااات بعد شايفييين نفسهم
مو بس الشباب
كله شباب
كله شباب
مايصيييييير
انا وياج بكل اللي قلتيييه
لكن ترى في بنات اذا كانوا متوهقييين بشغله ويكون عندها واحد بيساعدها تقول هذا يغازلني
مااااالت عليييهم والله
أكيد التربية تلعب دور
أصلع و ما يحترم المرأة , مشكلة عودة
الغلط بالكل الناس تغيرت
اللحين زين تلقى واحد يرد السلام
مساء الخير
انا معاج بكل كلمه تقولينها
بس للاسف مجتمعنا جذي شنو نسوي وطبعا الشي هذا مو حلو بس ادعي ان شاء الله نتغير احنا الرياييل :)
الحزن لي قرب من قلبك نسى دموعه
وين الحزن من قلبك تراه بعيد يا زين
خل الحزن لا تفكر وشهو لونه
فكر بقلب يعشق لونك يا زين
للحين ما صادفت ريال جذي يتصرف لوووووول والله أحيانا لما اكون بركب الاصنصير الريال يجدمني على نفسه واكثر من مره بعد تحديد بالفنار شباب يطلعون من الموقف عشان أصفط قريب من الباب بالمواقف الي بالسرداب خصوصا لما يكون الوقت بالليل :|
ووايد يطلعونلي سيارتي من الموقف لما ما أعرف أطلعها لوووووووول d:
ويالله الحمدلله على الموووود الي رد أوكييييييييي :*
مشكلة اللي دش دورة الريكي وابلشنا :)
مع ان ماادري شنو الريكي .. بس احس له علاقة :P
في ناس متربين غلط و هم في ناس تعرف السنع كل واحد و تربيته
بس في فئة من الرياييل تفكيرهم غلط !!؟
عندهم ان المرا ولا شي
ما يدرون ان المرا كل شي
:)
شكرااا لج
كلامج صح والمواقف تشهد
بس اهم انج ماعممتي :)
المشكله في عقليه بعض الناس وطريقه تفكيرهم ومرات الشغله تطلع عفويه تلقين الفقير موملاحظ لووووول :)
صباح الخير و الفرح و السعادة
الحمدلله رديتي واي مي اللي نعرفها :)
الله لا يعيدها من أيام و يدوم عليج الفرحة و الوناسة يارب
---------
بالنسبة لموضوعج آنا أشوفها السالفة ذوق أكثر من إنها تربية
يعني لما الواحد يدخل المرة قبله أو ما يدخل معاها الأصنصير إذا كانت بروحها
أو يساعدها إذا كانت محتاجة شغلة أو متوهقة بموقف أحس هالسوالف ذوق من الريال أكثر من كونها تربية
يعني التربية شيء و الذوق شيء يعني في شغلات الواحد تطلع منه مو لازم يتعلمها أو يتربى عليها
يعني مثلاً يتعلم الولد الصغير شلون يحترم المرة بس ما يتعلم إن لازم يدخلها قبله أو أو أو في شغلات بديهية و من ذوق الواحد يعني التربية ما عليها هذا من وجهة نظري طبعاً
ما أدري شرايج ؟
يعطيج العافيه على البوست الحلو
سلامي لج :)
ana a3tqd enaa ha shay eyee betrbyaa o eL thoq O eLa5Laaq O kiLmn 3Laa trbetaa o be2taa .. bs
9j ako shewathy 7shaach mo awadem yt9rfon t9rfaat mo2rfaa .. O m7d kameL Laa bnaat waLa shabab O eL kiL yas3aa LiL kamaL .. thanks sweet sis ;)
عزيزتي
موضوعج شائك وذو شجون
ويبيله مطولات
لكن باختصار
الوضع قبل الغزو يختلف عن الوضع الحالي بشكل كبير
في كل شيء ... حتى في الاخلاق مع الاسف
الانفتاح الزايد بدون قيد او حد اهو احد الاسباب
مرد الله يهديهم بعد الـ 35 ... يركدون شوي ويصيرون غير ان شاءالله
والله المستعان
وين الغلط؟
اعتقد الغلط من الطرفين
طرف الرجل اللي ما سمع الحديث اللي يقول: رفقاً بالقوارير
ولا الحديث اللي يقول: استوصوا بالنساء خيراً
وطرف المرأة اللي يمكن ما عرفت تفرض احترامها على الرياييل
اعتقد الحريم لازم يعرفون الرجل له تصور للمرأة المحترمة
أنها :
1- محتشمة في اللبس
2- مهذبة في الكلام وصوتها واطي
3- محترمة في مشيتها وحركاتها
صدقيني .. اغلب الرجال يشوفون هالنظرة
السلام عليكم
من وجهة نظري اختي الحبيبة ..الغلط يرجع للريال نفسة ومدى احترامه للمرأة
بالعكس في رياييل لي شافوا البنت تلقينهم بقمت الاتكيت و الاحترام و يعطي الاولية للبنت بالمرور و على قولتهم ليدي فيرست
و في نوع ثاني تلقينهم لا احترام و لا تقدير للمرة.. و أنا اذكر مرة شفت واحد يزف زوجتة جدام الناس و لا احترام لهاا بكونها انثى!!
و الانثى معروفة برقتها و الوحدة فينا ما تتحمل احد يزفها و لا يهزئها جدام الله و خلقة
كلامج عدل اختي ..و اعجبتي مدونتج الحلوة
اتقبلي مروري :)
الغلط بالتربية طبعا
مو الوزارة .. تربية الأسرة
:)
1- وجهة نظر سليمة حتى لو مستعيل على شي وايد مهم خل يركد اشوي لا يصير دفش
2- لوووووووووووول انا يخرعني باب الاصنصير لما يتسكر و كله مطقوق فيني
3- صح انا بنفسي ما احب احد يفشلني يم العالم .. خل يفكر مرته بترضه يفشلها جذي
الحل: انشاء منتجع لاصحاب السلوكيات المنحرفة المتخلفة
أتوقع اللي يسوون جذي عندهم قلة ذرابة
و الحمدلله ان نفسيتج تعدلت
الله لا يعيد عليج الكدر و الغم
:)
ذا ثنكر
عجبني رايك وايد
وعدل ترا الرجل الشرقي بشهامته معروفه بس مطلوب الذوق اشوي
وحياك الله المدونه مدونتك اخوي :)
================
كويتاوي
لووووووووووووول
ليش مشتط
صاير وياك موقف من قبل
؟؟
لووول
حياك الله اسعدني مرورك الحلو
===================
صلاح
عدل كلامك
انا معاك في رايك :)
=======================
مطقوق
صاج اصلع وماكو ذرابه
جدا موشي
======================
AK-47
صاج والله
====================
لوطن اجمل
انتوا الرياييل
يبيلكم كورسات
لوووول
همسه
على بالي ولا انت داري
===============
كويت
انا صادفت اثنين بس
بس للامانه في رياييل .. شهامه
:))
ومشكوره وايد .. لا تحاتين مووودي رد لاني عرفت انكم اغلى شي عندي
:)
:**
=====================
as u like
لووووووووووووووول
انت راح اخذك دوره وياي ريكي وعلى حسابي بعد
قول صار
:)
====================
يوميات مغتربه
عدل كلامج عدل
معاج انا بكل نقطه
====================
معاذ
افا عليك لا تحاتي
التشفير شغال
لوووووووووووول
===================
الكويت حبي
مساء الورد والعسل
انا اشكرك من كل قلبي
ومشكور على التعليق وهم اتفق وياك
بس وينهم هذيله !!
:)
==================
Fskra
معاج انا في كل كلمه
:**
===============
ابولطيف
بس لازم يكون في حد من قلة الذوق هذي ترا مشكله
:(
==================
الحارث بن همام
صاج والله
واشكرك على التواصل :)
===================
الجوهره
معاج في كل نقطه
وانتي مشكوره على المرور وانتي الحلوه يا حلوه
:)
=====================
سيكرت
عدل عدل
==================
عبادي
الحل: انشاء منتجع لاصحاب السلوكيات المنحرفة المتخلفة
لووووووووووووووووووووووول
عجبني الحل واااااااااااااايد وااايد
================
منال الكويت
صاجه والله صاجه
ومشكوره حبيبتي
ترقبي البوست الياي
بيكسر الدنيا :))
Post a Comment